إعتزار ؛؛؛

[الجيلى محمد عوض]

الاخوة القائمين علي أمر هذا المنتدى الرائع ؛؛؛
ابلغكم عن بالغ شكري وإعتزازي بهذا المنتدي الرائع وطيب إستقبالكم لنا ورغم قصر الفترة التي امضيتها إلا إنها كانت مثمرة وجميلة لكن بحكم ظروف العمل الضاغط ارجو منكم قبول إعتزاري عن عدم المشاركة معكم بصورة دائمة وتقبلوني صديق دائم لديكم

[أرض الخير]

نتقبلك اخي العزيز متى اتيت ..ونحن في شوق الى كل حرف تسطره يداك
فلاتحرمنا من مشاركاتك وان قلت ....

[ابومرام]

اعتذارك ما بفيدك
ارجع تعال ما تبتعد
تعال عود لينا تانى
يا غائب عن العين
غيب وتعال تلقانا نحن

[النور معنى النور]

منو الزعل الجيلى يا منير ...ورونا سريع

[الكردفاني]

مامشكلة ياالجيلي..وغيب وتعال.

[النور معنى النور]

يا خوانا انتو موافقين على انسحاب الجيلى ....؟؟؟
انا تعبت شديد عشان يجى ....
افهمونى

[ابو عبد الحفيظ]

اخونا العزيز الجيلي نحن لانوافق علي انسحابك
ولابد ان نعرف ماهو السبب ؟؟!!!
وان هناك شئ لم يعجبك ارجو ان تعرفنا حتي تتم المعالجة !!!!
وجميعنا دواماتنا تمتد لاكثر من عشرة ساعات ورغماً عن ذلك نشارك
ارجو توضيح الاسباب !!!!!!!!
فجميعنا هنا استبشرنا خيراً بانضمامك
نحن في انتظارك اخي الجيلي

[محمد عبد الله حرسم]

هوى يا الجيلى انساحابات مافينا..
نقعد مع بعض ..
نتشاور..
مهما كان ..
فى حلول..
ونحن ما راضين مشيك..
تعال اقعد..
زى ما كنت ..
اتوضأ...
اتوهط..
واحكى..
نحلها ليك لو كانتجبل..
لا نفرط فى فنان جميل مثلك ايها الشجى ..
نهرك لا بد ان يصب هنا..
نحن نغتسل من ماء حروفك فلا تحرمن متعة ان نلقاك ..
فى انتظارك..
اما ان تاتى وتنهمر كما كنت..
واما ان تقول لنا ..ما لونها..

وفى كل الاحوال ..
لن تذهب