رزاز كلام

[نانا]

الساقية لسه مدورة وحزمة اخطاء التلفزيون تتواصل قطع مسلسل بعد وصوله الحلقة 5 تتخيلوا المسلسل الكورى قدموه حتى الحلقة بعد ما عجب مزاج منو ما معروف قاموا قطعوه احتمال .. او يا ربى تكون الحلقة السادسة ضاعت برضو وارد.. او اتمسحت وسجلوا فيها سمر المدينة امكن ووارد تطبيق لشعار تشجيع الانتاج المحلى كلو محلى فى محلى ..... احد الاصدقاء دلنى على طريقة غير شرعية لمشاهدة قناة النيل الازرق فى الولايات المتحدة طبقتها رغم انها سرقة ونجحت وشاهدت ساعتين فقط واعدت تلفزيونى لوضعه الطبيعى ومزقت الكرت وصرت ادعو الى الصباح على من دلنى للقناة دى ...سخف فضائى ... قالت (نحو التحرز الاقتصادى) ثم استدركت وقالت (التحرر الاقتصاد) ومشت كم دقيقة كدة وقالت (نحو ترقية خدمة البنك) دى مزيعة اسمها رجاء الجزولى الزمان النشرة الاقتصادية قبل يومين .. عربى لنج
....لو مستوى القنوات السودانية الخاصة كلها ذى هارمونى وقناة زول بكرة انا حا اعمل لى قناة واليوم سافتح باب الوظائف (ممكن النور يعمل لى اعلان فى البيت السعيد
.....ايمان دفع الله مزيعة كبيرة ولها تجربتها لكنها توقفت عن الارسال ووقفت فى محطة لا شى .... متى يبتسم عذ الدين خضر فى وجه المشاهدين..... ومتى يعلن لنا الاخ المدير العام ابو عبد الحفيظ شروط تثبيت المواضيع لاحظت تثبيت مواضيع كالبوست بتاع مشوار السبت بدون مشاركات وغيرها كثر عاوزين نفهم بس

لبيــــــــــــــــــــــــــــــــــــــــــــك يا رســـــــــــــــــــــــــــول اللــــــــــــــــــــــه

[ابومرام]

عجايب

[النور معنى النور]

الساقية لسه مدورة وحزمة اخطاء التلفزيون تتواصل قطع مسلسل بعد وصوله الحلقة 5 تتخيلوا المسلسل الكورى قدموه حتى الحلقة بعد ما عجب مزاج منو ما معروف قاموا قطعوه احتمال .. او يا ربى تكون الحلقة السادسة ضاعت برضو وارد.. او اتمسحت وسجلوا فيها سمر المدينة امكن ووارد تطبيق لشعار تشجيع الانتاج المحلى كلو محلى فى محلى ..... احد الاصدقاء دلنى على طريقة غير شرعية لمشاهدة قناة النيل الازرق فى الولايات المتحدة طبقتها رغم انها سرقة ونجحت وشاهدت ساعتين فقط واعدت تلفزيونى لوضعه الطبيعى ومزقت الكرت وصرت ادعو الى الصباح على من دلنى للقناة دى ...سخف فضائى ... قالت (نحو التحرز الاقتصادى) ثم استدركت وقالت (التحرر الاقتصاد) ومشت كم دقيقة كدة وقالت (نحو ترقية خدمة البنك) دى مزيعة اسمها رجاء الجزولى الزمان النشرة الاقتصادية قبل يومين .. عربى لنج
....لو مستوى القنوات السودانية الخاصة كلها ذى هارمونى وقناة زول بكرة انا حا اعمل لى قناة واليوم سافتح باب الوظائف (ممكن النور يعمل لى اعلان فى البيت السعيد
.....ايمان دفع الله مزيعة كبيرة ولها تجربتها لكنها توقفت عن الارسال ووقفت فى محطة لا شى .... متى يبتسم عذ الدين خضر فى وجه المشاهدين..... ومتى يعلن لنا الاخ المدير العام ابو عبد الحفيظ شروط تثبيت المواضيع لاحظت تثبيت مواضيع كالبوست بتاع مشوار السبت بدون مشاركات وغيرها كثر عاوزين نفهم بس

لبيــــــــــــــــــــــــــــــــــــــــــــك يا رســـــــــــــــــــــــــــول اللــــــــــــــــــــــه

يا ريت الاخ ابو مرام يسال الاستاذ جابر الزين مسئول المواد المشتراة فى لجنة المشاهدة عن اسباب قطع المسلسل الكورى لتعلم نانا ونحن حقيقة الامر ...

[الكردفاني]

ياأبومرام كدا أسأل لينا أستاذ جابر عن الحصل وتعال ورينا سريع عشان نحنا لسه عشمنا في سمر المدينة عفوا أقصد الحلقة السادسة من المسلسل الكوري.

[النور معنى النور]

الساقية لسه مدورة وحزمة اخطاء التلفزيون تتواصل قطع مسلسل بعد وصوله الحلقة 5 تتخيلوا المسلسل الكورى قدموه حتى الحلقة بعد ما عجب مزاج منو ما معروف قاموا قطعوه احتمال .. او يا ربى تكون الحلقة السادسة ضاعت برضو وارد.. او اتمسحت وسجلوا فيها سمر المدينة امكن ووارد تطبيق لشعار تشجيع الانتاج المحلى كلو محلى فى محلى ..... احد الاصدقاء دلنى على طريقة غير شرعية لمشاهدة قناة النيل الازرق فى الولايات المتحدة طبقتها رغم انها سرقة ونجحت وشاهدت ساعتين فقط واعدت تلفزيونى لوضعه الطبيعى ومزقت الكرت وصرت ادعو الى الصباح على من دلنى للقناة دى ...سخف فضائى ... قالت (نحو التحرز الاقتصادى) ثم استدركت وقالت (التحرر الاقتصاد) ومشت كم دقيقة كدة وقالت (نحو ترقية خدمة البنك) دى مزيعة اسمها رجاء الجزولى الزمان النشرة الاقتصادية قبل يومين .. عربى لنج
....لو مستوى القنوات السودانية الخاصة كلها ذى هارمونى وقناة زول بكرة انا حا اعمل لى قناة واليوم سافتح باب الوظائف (ممكن النور يعمل لى اعلان فى البيت السعيد
.....ايمان دفع الله مزيعة كبيرة ولها تجربتها لكنها توقفت عن الارسال ووقفت فى محطة لا شى .... متى يبتسم عذ الدين خضر فى وجه المشاهدين..... ومتى يعلن لنا الاخ المدير العام ابو عبد الحفيظ شروط تثبيت المواضيع لاحظت تثبيت مواضيع كالبوست بتاع مشوار السبت بدون مشاركات وغيرها كثر عاوزين نفهم بس

لبيــــــــــــــــــــــــــــــــــــــــــــك يا رســـــــــــــــــــــــــــول اللــــــــــــــــــــــه

انت عارفة يا نانا كلامك دة اوحى لى بفكرة اشوف رايك فيها :
الفكرة هى انو نستضيف مسئول تلفزيونى يمسك بملف معين ليجيب على اسئلة واستفسارات اعضاء كومى حصريا ...

انا متطوع انظم الحاجة دى اذا زملائى بالتلفزيون ما احتجوا ...
كل اسبوع فى يوم معين تقترحونه انتم ...يجلس المسئول جوارى ونقوم معا بالرد على الاسئلة ...واثناء الاسبوع يوميا يطرح الاعضاء الاسئلة فى بوست لتتجمع ...
كما يتم اعلان الساعة التى يكون فيها الاجابة حتى يمكن للبعض الدخول فى حوار وردود سريعة كتابة ...

شكرا لكومى الذى سمح لنا بهذا الانفجار والاندياح







عليكم الله ما تشكرونى ....انا بخجل

[النور معنى النور]

مسئولين خطرين يمكن استضافتهم :


بابكر الصادق على - مدير القناة القومية
مدنى محمد عمر - الدراما
سيف الدولة الملثم - المخرج - مدير الافلام الوثائقية
محمد عبد العزيز جبورة - افراح الروح
قمر الانبياء يوسف - مدير مركز التدريب التلفزيونى
قيدون النور توتو - مسئول التكاليف والميزانية ( القروش )
بابكر جابر - مدير التنفيذ والاستديوهات
اسماعيل عيساوى - كبير المخرجين ومدير ادارة الاخراج
المكتفى بالله محمد سرور - مدير الاخبار
طارق جويلى - منتج ليالى النغم
د. محمد الامين الشريف - المنتج المنفذ لفترة المنوعات اليومية الجديدة
المهندس عامر نوجا - مسئول جهاز الرسائل على الهواء SMS


بمن تريدون ان نبدا ؟
دايرين زول معين ما كتبناه ؟

[عصام دقداق]

اخي النور نتمني استضافة السيد مدير القناة بابكر الصادق علي وقمنا بتكريم الرجل في يوم جميل في مدينة جدة عبر رابطة الاعلاميين وانهالت علية الكثير من الاسئلة وهنالك وعود من شخصة الكريم بتنفيذ بعض اراء الحضور للتكريم في ما يخص برامج التلفزيون واعتقد استضافتة سيكون مشاركات جمة
وارشح البطل صانع الافلام الوثائقية سيف الدين

[منير عبد القادر]

مسئولين خطرين يمكن استضافتهم :


قمر الانبياء يوسف - مدير مركز التدريب التلفزيونى
SMS


بمن تريدون ان نبدا ؟
دايرين زول معين ما كتبناه ؟

حتى تكون البداية منهجية وسليمة لنعرف كيف يتم تدريب الكوادر في تلفزيون السودان علما بان الاخ خالد النو تحدث سابقا عن نقص التأهيل والتدريب

[الكردفاني]

أول حاجة عايزين الزول بتاع القروش (الميزانية) الأستاذ قيدون النور توتو، عشان نشوف الميزانية ذاتها قدر شنو؟

[النور معنى النور]

اخي النور نتمني استضافة السيد مدير القناة بابكر الصادق علي وقمنا بتكريم الرجل في يوم جميل في مدينة جدة عبر رابطة الاعلاميين وانهالت علية الكثير من الاسئلة وهنالك وعود من شخصة الكريم بتنفيذ بعض اراء الحضور للتكريم في ما يخص برامج التلفزيون واعتقد استضافتة سيكون مشاركات جمة
وارشح البطل صانع الافلام الوثائقية سيف الدين

كنت معه اليوم واعتقد انه لن يمانع ... وهو رجل كما تعرفه يا عصام حبوب جدا

[ابومرام]

ياأبومرام كدا أسأل لينا أستاذ جابر عن الحصل وتعال ورينا سريع عشان نحنا لسه عشمنا في سمر المدينة عفوا أقصد الحلقة السادسة من المسلسل الكوري.

صدقنى انا لست فى حاجة الى سؤاله لاننى اعرف الاجابة جيدا لاننى كنت يوما ما مسؤلا عن بث القناة الثانية واعرف جيدا خطورة مثل هذا النوع من المسلسلات الدخلية على قيمنا ومثلنا واعرافنا وخاصة المدبلج منها وسؤال يقفز الى الذهن مباشرة هند نقاش مثل هذا الموضوع (هل نحن فى حوجة ماسة الى مثل هذه الثقافات الوافدة ) وهل نضب معيننا العروبى الى هذا الحد

[النور معنى النور]

حتى تكون البداية منهجية وسليمة لنعرف كيف يتم تدريب الكوادر في تلفزيون السودان علما بان الاخ خالد النو تحدث سابقا عن نقص التأهيل والتدريب

قمر شاب فى عمرنا ... طموح جدا

وهو الذى نفذ مشروع تدريب عدد 105 من الشباب من داخل وخارج التلفزيون فى ماليزيا الاولى 2004 وعدد 150 من الشباب من خارج التلفزيون وخصوصا من جنوب السودان فى ماليزيا الثانية 2005 .....

ناس ماليزيا الاولى اقتحموا التلفزيون وتلفزيون الولاية واعلام الشرطة والتوجيه المعنوى والمنظمات الانسانية واعلام الوزارات وتلفزيونات الولايات والصحف ووكالة سونا وشركات الانتاج الخاصة ......

وناس ماليزيا الثانية انتشروا فى كل السودان فى مجال الاعلام والتلفزيون ...

والان ينفذ مشروع ماليزيا الثالثة من داخل التلفزيون وقليل من الخارج من الشباب النشط الهميم المتسلح بالعلم المحب لوطنه ....

[النور معنى النور]

أول حاجة عايزين الزول بتاع القروش (الميزانية) الأستاذ قيدون النور توتو، عشان نشوف الميزانية ذاتها قدر شنو؟



الزول الاسمو قيدون دة عامل رعب لناس الحوش
لانو الزول الوحيد ال قراراتو بتتحول لقروش وكدا يعنى ....

ومع ذلك فهو محبوب جدا لطولة باله ورقة حديثه ومقدرته الرهيبة على اقناعك بانك لا يمكن تلقى اكتر مما لقيت .....
وهو راجل محب جدا لوطنه الاصلى فى جبال النوبة ودائم السفر لهم ... كما انه يحب مساعدة الناس فى الاجراءات ....
اما الشطارة ...
فهو عبقرية حسابية تمشى على قدمين ....
وهو المعلم الاول لكل مدراء الانتاج بالتلفزيون...

[بوح]

ياأبومرام كدا أسأل لينا أستاذ جابر عن الحصل وتعال ورينا سريع عشان نحنا لسه عشمنا في سمر المدينة عفوا أقصد الحلقة السادسة من المسلسل الكوري.

صدقنى انا لست فى حاجة الى سؤاله لاننى اعرف الاجابة جيدا لاننى كنت يوما ما مسؤلا عن بث القناة الثانية واعرف جيدا خطورة مثل هذا النوع من المسلسلات الدخلية على قيمنا ومثلنا واعرافنا وخاصة المدبلج منها وسؤال يقفز الى الذهن مباشرة هند نقاش مثل هذا الموضوع (هل نحن فى حوجة ماسة الى مثل هذه الثقافات الوافدة ) وهل نضب معيننا العروبى الى هذا الحد




أخى أبومرام ..

التحيه احتراما يقيم ..

يأتى السؤال هنا ..

هل معنى ذلك أن القائمين على أمر الدراما بتلفزيوننا العزيز لا يعرفون هذه المعلومه الا بعد أن تم عرض الخمسه حلقات من المسلسل الصينى ؟؟؟؟




ودام الود

[محمد عبيد ادريس]

اخى النور معنى .. لك التحيه واهنئيك على الفكره التى نريدها ان ترى النور قويه وجاده وان تصب فى المصلحه العامه للتلفزيون ..

لذا اقترح ان نبدا بمسؤل شئون الافراد او ادارة التوظيف عشان نشوف الدخول للتلفزيون بتم كيف وبعدها نرتب حسب التدرج فى مسار العمليه التلفزيونيه .


مودتى ...

[نانا]

حقيقة اندهشت لان موضوعى وجد هذه المشاركات وانا كتبت شوية خواطر ثانيا اقتراح النور جميل واقتر استضافة طارق جويلى لدينا الكثير الكثير له

[النور معنى النور]

حقيقة اندهشت لان موضوعى وجد هذه المشاركات وانا كتبت شوية خواطر ثانيا اقتراح النور جميل واقتر استضافة طارق جويلى لدينا الكثير الكثير له

لو ما اخترتى طارق جويلى تبقى ما انتى يا نانا ...
ايوة دة الكلام الدايرينو...
مواجهات صريحة مع فرصة للطرف الاخر للتوضيح بدون غموض او رتوش ...

وامس قابلت طارق فى مكتبه ثم جاءنا فى مكتبنا ....
وكلمتو عن ضرورة الاشتراك فى كومى لنو فيها ناس فاهمين ومشاهدين درجة اولى للبرامج ...
فقال لى اوعى يكونوا ديل ناس المنتدى البهاجمونى ويجرحونى فى شخصى ؟
( يقصد الحملة التى قادتها نانا واخرين فى منتدى التلفزيون ) ...
واضاف : (انا عارفك يا النور انت كنت بتهاجمنى باسم مستعار ... )
قلت ليهو( ابدا .. انا ما هاجمتك باسم مستعار ... انا هاجمتك باسمى عديل لكن شريف لما طبع الصفحة على الورق ما ظهر فيها اسم الكاتب ...)

المهم انا قلت ليهو انت لازم تجى وتشترك لانك راجل مثقف ومتزن المشاعر وانت راجل فنان ومتطلع لان تكون نجما ... ..

والتزمت له ان يجد كل تقدير واحترام ...مع حقنا الكامل فى نقد كل شئ .. والتعبير عن اى راى واى زول بشارك فى البرامج دون اهانة او تقليل شان ...
مش كدة يا اخوانا ولا انا قلت كلام ما فى محلو ؟؟؟؟؟؟


لكن طارق دة لذيذ لذيذ لدرجة غير عادية
وبرئ لدرجة العوارة
عفيف اليد
والنظر
ومكتفى ذاتيا من كل النواحى ...
متزوج امراتين وبنته قبس تمثل له كل شئ ..

وطارق مرتب جدا
ومن اكثر الناس فى التلفزيون معرفة بتقانة المعلومات والكومبيوترات والتلفونات ويكاد مكتبه يتحول احيانا الى ورشة صيانة لذلك يحبه الكثيرين ( لااريد المبالغة واقول الجميع لانو فى ناس ما بدورو طارق المذيع ويظلمو طارق الزميل الشخص الانسان )...

وقد اشتهر بين زملائه بهزار لذيذ اسمه( الطنقعة ) اطلقته عليه زميلته ورفيقة دربه التى باعها ( ايثار فرح خليل فرح )...والطنقعة هى فن التعالى المصطنع على الاخوان والزملاء لاضفاء نوع من البهجة وكسر الحواجز والطرائف والملح ...وكلنا نحب هؤلا الزملا لما يطنقعوا ... ومن اشهر المطنقعين عبد الرحمن كبير بالاخبار ( الذى لايرد على احد الا اذا ناداه ب يا استاذ ) وطارق جويلى ...

وسابدا الان مخاطبة طارق كما يحب فى نموذج للطنقعة غير المثالية :

انه لمن الشرف الكبير لنا فى المنتدى ان ننال شرف انضمام الاخ الاستاذ الخبير طارق محمد احمد جويلى ... وانه لتواضع كبير منك ايها العلامة المبجل ان تتنازل حضرتكم للنزول الى مستوانا كمشاهدين ضعفاء لاقيمة لنا مجبورين على مشاهدة امثالكم من المدعين الخاوين من اى موهبة ..يخاطبوننا بغرور واستعلاء ......................وهكذا

فاهمين حاجة ؟؟؟
اتخايلى الموضوع فلت منى ولخبتو ...
ابيييت ما بعدل

هو طارق ذاتو ما عندو وقت يقراهو

[النور معنى النور]

ارجو ان تقبلو رائى بان يكون الاخ مشرف منتدى التلفزيون محمد عبيد ادريس منسقا لهذه المقابلات من حيث تحديد اولوية الاستضافة .... هناك عدد من الاقتراحات والاسماء المطلوبة ... ارجو ان نتواصل

[محمد عبيد ادريس]

ارجو ان تقبلو رائى بان يكون الاخ مشرف منتدى التلفزيون محمد عبيد ادريس منسقا لهذه المقابلات من حيث تحديد اولوية الاستضافة .... هناك عدد من الاقتراحات والاسماء المطلوبة ... ارجو ان نتواصل

الاخ النور اشكرك على الاقتراح ولكن فى المنتدى تعودنا ان نكون يدا واحد واختلافنا فى الاراء اثراء لها ...

ولا نريد ان تكون المقابلات تصفية حسابات وانتقام من المشاهد للمسؤل بقدر ما نريدها ان تؤسس لعمل يساعد على نهضة القناه القوميه التى نعتز بها كثيرا ...

واكرر اقتراحى بان نستضيف المسؤل عن بوابة الدخول للتلفزيون ( التوظيف ) لنقف على الكيفيه التى تحدد من له الحق ومن ليس له الحق .
ثم ناتى لبقية الوظائف التلفزيونيه فنيه واداريه حتى نلم بكل الجوانب وبعدها ياتينا الكبير ( مدير القناه ) لنواجهه بما يذكره ابناءه من كمال وقصور .
وفى انتظار بقيه العقد الفريد من اعضاء المنتدى لترى الفكره النور على يد النور ولد ود النور ..

مودتى ...

[ابو عبد الحفيظ]

لكم التحية اخوتي مبدعي كومي علي هذا الاندياح العطر وهذه الافكار الجميلة والقيمة والمجال مفتوح للاستضافة وياريت يكون الضيف عضو في المنتدي حتي يجاوب علي الاسئلة ويكون مدة الاستضافة اسبوع والاخ محمد عبيد بصفته المشرف علي منتدي الفضائية حدد لنا الضيف من القائمة الذكرها استاذ النور ونقوم جميعنا بتوجيه الاسئلة والاستاذ النور مكلف لدعوة الاخوة للتسجيل في المنتدي حتي يتمكنوا من المشاركة

[محمد عبيد ادريس]

الاخ النور .. بما انه حتى الان لم ياتى الينا مقترح بضيف بعينه غير طلب الاخت نانا باستضافه الاخ طارق جويلى نرجو ان تسعى بانتسابه للمنتدى وان يكون هو ضيفنا الاول وسنفتح بوست لذلك بعد اخذ التمام منك ....

التلفون الابيت ترد عليهو ده تلفونى .. ولا عامل بتنوم بدرى ....

مودتى ...