قصيدة المريخابي والسوداني الأصيل في وصف الهلال بعد فوزه على الأهل

[نور الجليل حسنين سعيد]

القصيدة التالية كتبها الأستاذ/ أبو محمد مصطفى الماحي من أبناء جزيرة كومي والقولد (قاسمار) وهو مريخابي منذ نعومة أظافره ، لكن لابد من وقفة لشعور هذا الرجل الذي جسد أسمى معاني الوطنية في نفسه تفاعلاً مع الهلال بالرغم من إنه مريخابي وكثير من أمثاله من المخلصين للوطن بعيدا عن التعصب الأعمى فكان لابد من الإشادة بشعوره تجاه الهلال ونقول له صح لسانك يا أبو محمد

دا هلال الملايين


أهلي مين ...؟ فراعنة مين ...؟ دا هلال الملايين
فرّح كل السودانيين ........ شـماليين وجنوبيين
جنّن المصريين !! .. خلاّهم فى الملعب تائهين
وما عارفين يروحوا فين !!.من الفن واللعب منهبلين
* * *
قالوا : ديل ناويين يطلّعوا غلب السنين
بقيادة كرنقو ... والمبدع قوودوين
كل المجموعة كانوا مبدعين
ولوقفة الجمهور مقدّرين
* * *
خلّوا الحضـرى يتلفت يسار ويمين !!
ويقول : أنا فى حلم ولا فى يقين
والله يستر علينا من غلباً شـين
ونرجع للقاهرة مذلولين
* * *
ما مصدّق !! ديل البرازيل ؟ ولا السودانيين ؟!!؟
ولا عرف يراقب فيهم مين ؟؟ ديل كلّهم فنانين
* * *
صحيح نحن غلبناهم فى القاهرة بمساعدة الحكم بهدفين !!
وهم أقسموا يردّوا لينا الدين .... وكانوا فعلاً صـادقين
وردوا لينا الكيل بمكيالين
لا نفع متعب ولا أبو تريكة ولا خبرة كل السنين
* * *
نقول ليكم : نحن جادّين .... وللكأس إنشاء الله حاملين
وفى بطولة العالم ، لأفريقيا خير ممثلين
وإنتوا : أرجعوا للدورى المصرى وخلّيكم مواصلين
*****
مصطفى الماحي
مريخابي وسودانى أصيل

[ابو عبد الحفيظ]

اخي العزيز نورالجليل حسنين
لك التحية وانت تتحفنا بهذه الرائعة
والتحية للاخ العزيز مصطفي الماحي
وشنو يامصطفي مسجل غياب عايزنك جوة
لكم ودي واحترامي

[ميـــدو]

انها الروح الوطنية التي نتمناها ان تسود جميع الرياضيين داخل الوطن الحبيب وان نرمى التعصب الاعمى الذي لا يقود الا للدمار والشتات وراء ظهورنا

ولا مريخ بلا هلال ولا هلال بلا مريخ

[المريخابي الأصيل]

أولا أهنيء فريق الهلال الذي يمثل وطننا خير تمثيل في هذه البطولة وأتمنا له الفوز بالبطوله الذي صار سهلا أمام هذه الإمكانات الهائلة للاعبيه وديل احنا المريخاب دايما أصحاب روح عالية وشكررا للأب : مصطفى الماحي على هذه القصيدة

[خالد حسن بخيت]

بداية السلام عليكم ورحمة الله وبركاته
وبصفتى من عشاق كرة القدم وممارسيها منذ الطفولة والى يومنا هذا فقد تابعت خلال مشوار حياتى آلاف المباريات حية بالملعب أو عبر الشاشة الفضية ولكن صدقونى لم أفرح فى حياتى كما فرحت فى ذلك اليوم المبارك يوم فاز الهلال على الأهلى على الرغم من أنى أشجع الزمالك المصرى وبالتالى بحسبة أبناء وادى النيل أكون مريخابى ولكن فى النهاية ( أنا سودانى أنا ) كما غناهاالفنان الكبير حسن خليفة العطبراوى وأرجو أن تسهم هذه الطفرة الكروية فى زيادة الوطنية وحب الوطن والتكاتف بين أبناء وطننا الغالى وليس فقط مجرد إنتصارات وهتافات وشعارات وتفاخر ..وإلى الأمام يالرياضة السودانية فى هذا البلد الجميل الطيب.

مع تحيات ابو عبدالله.

[حميدي الحلفاوي]

ا لتحيه للشاعر الأمين هكذا نحن أبناء الشماليه حتى حين((ترجع الشماليه بدل ولاية النيل لأنها عامه من مقرن النيلين لحلفا تاخذ هذا الظاهره الطبيعيه مسماها فما عارف ليه سموها ولاية النيل مع إنو العطبراوي بيغذيه برضو....)))ولك عظيم شكري وتقديري العضو العزيز اللذي نقل لنا هذه القصيده وهذا العمل من العضو يرمي لمعاني بعيده وقويه وجميله هو التواصل والمحبه ونحن بالشماليه كده أبا من أبا ورضي من رضى طيبين, مسامحين ومتسامحين, مسالمين رغم التهميش منذ الخمسينيات ووالله لا الغرب ولا الجنوب وحتى الشرق إلا أجزاء معينه ومعروف ما شافو وعاشوا وعاصروا الوقع والواقع علينا ونحن مثقفين ومتحضرين منذ زمن بعانخي وترهاقا وشبك وشبتاكا كان فهمنا ومحبتنا لبلدنا ليهو نكهه خاصه جدا" عشان كده ماشيلنا سلاح...ولا خربنا بمظاهرات حتى أيام تدمير حلفا وإزالتهم أرض الجدود من الوجود....معليش نحن كده...ونحن كده...وعشان كده تعبيروا شعري راقي نقي صافي وصادق...تخريمة ماو) بالرغم من إنني أشجع الأهلي لكن بلدي لايمكن مهما كان إسم الفريق السوداني البيعلب مع((( فريق أجنبي أشجعوا )))إلا أكون مجنون وفاقد عقل وإحساس بالطبع فريق بلدي مني وأنا منه...وطبعا" كنت هلالابي150% ولاكن غير متعصب بالذات بعد الهلال المورده ثم المريخ مهما كانو بحبهم وبعد الغربه كلهم واحد عندي بالذات مع الفرق الأجنبيه الغيره واحده بل قويه للجميع بدون مفاضله

[المريخابي الأصيل]

يا ريت تثبيت الموضوووع

[ابو عبد الحفيظ]

يا ريت تثبيت الموضوووع

يا سلام ياغالي انت تأمر بس نثبت ليك الموضوع

[المريخابي الأصيل]

شكرااا لك

[ابو ريم]

التحيه و التجله للاخ نور الجليل و كل الشوق و التحايا الى ابن خالتى( لزم) مصطفى الماحى الذى لم اكن اعلم انه مريخابى بل لم التقيه منذ سنين خلت و كل ذلك بفعل الغربه المره حيث انه لم يرجع للسودان منذ عهود طويله00هذه فائده تحسب للمنتدى 00جمع شتات الاهل و الاصدقاء فالشكر لك اخى شعراوى فانت ابداع يمشى بين الناس و هكذا دائما عهدتك منذ الصغر 000بالفعل نريد اخينا مصطفى داخل المنتدى حتى نراه عن قرب داخل حوش كومى و بعدين مصطفى ما من قاسمار يا نور الجليل حيث ان والدته من كومى فهو يعتبر كوماوى و قد تربى فى كومى فى الشوناب و رضع من ثدى كومى وتربى فى حضنها00
اكاد اجزم بان كل السودانيين بدون تمييز فرحوا لانتصارات الكره السودانيه و التميز الذى تعيشه هذه الايام و رغم هلاليتى الصارخه الا اننى اتابع كل مباريات المريخ فى الغربه و اهلل مع كل هدف يحرزه بل و انتشى 00هكذا يجب ان تكون الروح الوطنيه الاصيله

[محمد بخيت]

الليلة فرحك ياوطن الشعب حقق امنيات والحلة زغردت
هذه الايام ستظل عالقة في اذهان كل السودانيين وسيذكرها التاريخ طويلا ويظل عشقك عالمي ياوطني ,,,,
اتمنى مزيد من الانتصارات للكرة السودانية واحي هذه الصحوة القوية في زمن بدا الناس فيهو يجزمون بان الكرة السودانية تلفظ انفاسها الاخيرة
التحية كل التحية لمبدعي هذا الوطن المعطاء ودمتم ودام نضالكم