بله ودعشه..... السائق الركشه!!!!!

[عماد ساتي]

الأخوة الأعـــزاء

تصوروا اغنية سودانية اسمها بله ود عشه السائق الركشه .... هل ضاع الفن السوداني من بين ايدينا ونحن لا ندرى ؟؟؟ بعد ما كنا بنغنى حروف اسمك وشمعتى الضواية وجميله ومستحيله بالله شوفوا البيت (فى لحى الأشجار كتبت نحنت فى صم الحجارة) بعد ما كنا نتغنى بسال من شعرها الذهب ... اصبحنا نتغنى بله ود عشه والشريف مبسوط منى.

هذا السخف بعد ان كنا نغنى لأبو آمنه حامد وإدريس جماع ومحجوب شريف ؟؟؟

أهذا يدل على انخفاض واكرر انخفاض فى الذوق العام ؟؟؟

اهذا يرجع الى سياسة التجويع ؟؟؟؟

اهذا يرجع الى الناس عايزه كده ؟؟؟؟

اهذا يرجع لمستويات المغنيين والمغنيات ومافى غيرهم ..؟؟؟؟

اخواني الأعزاء والله محتاج مشاركاتكم لانى محتار وطمنونى ان الفن بخير انا قلقان.

[فقط الأعضاء المسجلين والمفعلين يمكنهم رؤية الروابط]

تحياتي

[الشايقي ود كسلا]

الأخوة الأعـــزاء

تصوروا اغنية سودانية اسمها بله ود عشه السائق الركشه .... هل ضاع الفن السوداني من بين ايدينا ونحن لا ندرى ؟؟؟ بعد ما كنا بنغنى حروف اسمك وشمعتى الضواية وجميله ومستحيله بالله شوفوا البيت (فى لحى الأشجار كتبت نحنت فى صم الحجارة) بعد ما كنا نتغنى بسال من شعرها الذهب ... اصبحنا نتغنى بله ود عشه والشريف مبسوط منى.

هذا السخف بعد ان كنا نغنى لأبو آمنه حامد وإدريس جماع ومحجوب شريف ؟؟؟

أهذا يدل على انخفاض واكرر انخفاض فى الذوق العام ؟؟؟

اهذا يرجع الى سياسة التجويع ؟؟؟؟

اهذا يرجع الى الناس عايزه كده ؟؟؟؟

اهذا يرجع لمستويات المغنيين والمغنيات ومافى غيرهم ..؟؟؟؟

اخواني الأعزاء والله محتاج مشاركاتكم لانى محتار وطمنونى ان الفن بخير انا قلقان.

تحياتي

تسلم يا عماد ساتي

فعلا اخي هنالك كثير من الاغاني الهابطة التي يرددها من سمو انفسهم فنانين
وفعلا الفن السوداني يحتاج لوقفة ويحتاج الي تنقيح من تلك الشوائب التي علقت
به

تسلم اخي عماد لهذا الطرق الصائب ونتمني ردود الاخوة الاعضاء

مودتي

[عماد ساتي]

العزيز الشايقى ودكسلا

فعلا فننا يحتاج الى تنقيح وتدخل من الدولة وشكرا لمرورك

تحياتي

[احمد بناوي]

والله يا جماعه بتفق معاكم انو دي اغاني هابطه
وانو فيها تنقيص من قدر الاغاني وتنقيص من الفن
لكن يا جماعه بصراحه كده وجودها برضو كويس
يعني في اغاني زي دي بتحمل في طياتها معاني كثيره
وكلمات جميله ولكن الاداء بتاعها مزعج الا انه عشان تصل لكل الناس
لازم تكون بالشكل ده
بعدين اذواق الناس بتختلف والان في فنانين شباب بيقدمو روائع جميله جدا
نذكر منهم الاستاذ الكبير جمال فرفور وكمان عصام محمد نور
ديل بيمدونا بفن راقي ي وجميل وبدون ذكر اسماء هنالك فنانين
اغاني هابطه جدا لكن لهم معجبيهم
اما تدخل الدولة لمنع تلك الاغاني فصعبه عديل كده
لانو حفلاتنا بصراحه بدون اغاني زي ددي ما بتكون حلوه
قد يكون فرق العمر والتفكير بيننا كبير وهذا هو ما يضع حد الاختلاف معكم
ولكن الوقت العايشيين فيهو بيتطلب كده
واختلاف الراي لا يفسد للود قضيه


لي عوده

[عماد ساتي]

الأخ احمد بناوى

اعتقد ان وجودها ليس بالأهمية .... صحيح الموسيقى الآلية بتاعت اليوميل ديل راقصة ولكن بدون نكهة يعنى ممكن تكون شامى حاجة واللا ضارب نصيصة كده تقدر تهيص فيها مضبوط (إيقاع الكتروني) بتعزفه آله برمجها واحد بيكون ما موجود فى الحفلة خالص ونائم فى بيتهم. اما الواقف قدام الأورغن بيكون (operator) فقط ... يعنى صاحب الإحساس نائم فى بيتهم.

صحيح بعضهم يمدونا بفن راقى مثال عصام محمد نور وآخرين ... لكن المشكلة فى معجبى الهابط كثيرين جدا غالبية عظمى .....

الحكومة يا احمد بناوى تقدر تقنن الحكاية دى وتمنع الأغاني بتاعت الــ .... وهناك مثال الحكومة قبل كده منعت أغنية (سنتر الخرطوم) والقرار طلع الليلة وبكره ما فى زول غناها خالص . طبعا حكومتنا اكثر ناس بهرشوا منها هم بتاعين الأغاني الهابطة وهم اغلبية لو كانوا ما بخافوا وهم اغلبية كانت مشت من زمان.

اعتقد ان فرق السن ليس مقياس والدليل ان شباب العشرين اليومين دى بسمعوا (بوب مارلي) ونصف الخرطوم بقوا (راستات) وبوب مارلى مات من خمسة وعشرون عاماً !!! والأمثلة كثيرة.

تحياتي لك

[احمد بناوي]

الاخ عماد متين منعو اغنية سنتر الخرطوم
الاغنيه مازالت تغنى في جميع الساحات
خليك من اغنية سنتر الخرطوم
اغنية راجل المره لي يومك ده بيغنوها وهي النزل فيها
تعميم بمنعها من الساحه الفنيه وكن برضو الفنانين مازالو يغنونها
وحكومة ايه اللي بتمنع انا بديك الرابط ده وخش وشوف
الفن الهابط في نص الحكومة لا ولمنو كمان
خشو وشوفو الراجين حكومتكم تمنعو
بمناسنب اغنية سنتر الخرطوم
منعوها لرفع قضيه من والدة الدكتور دكام
وبعد ان دفع لها تعويض مازالت الغنيه مستمرة في الساحه

يالله شوفو الرابط ده وتعالو احكو لي الماساه الشفتوها

حليل البوليس وحليل الحكومه دوس هنا وشوف ([فقط الأعضاء المسجلين والمفعلين يمكنهم رؤية الروابط])

[عماد ساتي]

العزيز احمد بناوى

كنت فى السودان فى رأس السنة الفاتت وخلال متابعتى للجرائد أؤكد ان الحكومة اوقفت اغنية سنتر الخرطوم وانا باقصد ان الحكومة بدكتاتوريتها وتسلطها تسطيع ان توقف اى اغنية او اى شىء..

الفيديو المرفق بردك شاهدته فى حينه وعلقت عليه قبل ثلاثة اسابيع باسم SudanRasta وبالمناسبة دى حفلة داخل السجن!!!! وبالله يا لو الحكومة جابت البغنى ودعشة سواق الركشه دا وكتبته تعهد ما يغنى الأغنية بغنيها تانى .... يااخى دى للأسف الشديد خلت مصطفى سيداحمد يهاجر ومنعت ابوعركى البخيت من الغناء عديل كده انا لست مع الحكومة ومعروف رأيي فى الحكومة وايام بيوت الأشباح زغت من السودان عديل كده ... ديكتاتورية الحكومة دى ما فى اثنين اتغالطوا فيها.

تحياتي لك

[احمد بناوي]

الاخ عماد انا جيت من السودان قبل اقل من خمسة شهور
واخر حفله حضرتها غنو فيها راجل المره وعوض دكام يعني
بعد راس السنه بتلاته او اربعة شهور وهي الفتره الانت ذكرت انو
اتمنعت فيها الاغنيه

[عماد ساتي]

مشكور اخى أحمد بناوى على المعلومة.

تحياتي لك

[Raw3a]

عماد ساتي

اشكرك على طرح الموضوع الحيوي جدا" ده

لكن فعلا زي ما قال احمد بناوي

الاغاني دي و هي فعلا هابطة

لها جمهورها..

حتى من الاطفال ليه

لانها الاكثر انتشارا"

فعلا هي دي صراحة مهزلة اعلامية

زي ما جابو في الجزيرة عن اغنية راجل المرة

لكن للاسف ما زال الغناء بها مستمرا

اكيد ما في النوادي و الاماكن العامة

لكن حفلات المنازل ما تخلى من الاغنيتين ديل

و ده للاسف الواقع المرير

و لسسسسسسسسسسه ياما حنشوف الاغاني





[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

[الكردفاني]

عمدة تعال وشوف الآن وصلنا لغاية وين؟
‏(أضربني بمسدسك وأملناني أنا رصاص)
عذار أعلاه كلمات أغنية من الغناء أياه!
وبلة يابلة وينو بلة!!؟