المساعد الشخصي الرقمي

مشاهدة النسخة كاملة : أكلة آخر الشهر ...

محمد عبيد ادريس
07-Mar-2008, 08:15 PM
طبعا الاكله دى من عنوانا تعنى فى حاله الشظف ... واخر الشهر الكل بيتساوى لكن العذابه اكتر ( وحا يعملوها كل يوم انا عارف)

المقادير حسب العدد طبعا ونوع الإكيله ...

* كميه من البطاطس , بصل ,زيت ,دكوه (ناس الخليج زبده الفول السودانى ) ملح ,نصف علبه صلصه, بهارات مشكله ,توم مدقوق (مسحون)

الطريقه :
نقطع البصل اما شرائح ناعمه او مبشور ونضعه فى حله بها مقدار نصف كوب صغير زيت ونار هاديه طبعا ( عشان البصله ما تحرق ) ونقلب فى البصله حتى تموت ( تستوى يعنى )ثم نضيف الدكوه بعد ما نكون حليناها بكميه من الماء ونخليها لما تغلى ( تفور ) نضيف الصلصه ونخليها 3دقائق ثم نضيف التوم المدقوق ( المسحون)ثم نضع البطاطس المقطع لمربعات متوسطه ونغلق الحله ولازالت النار هاديه لمده عشرين دقيقه .ثم نغرفا فى الصحن وبالهنا والشفا ..

الملاحظ اننا استغنينا من اللحم ... ما قلنا آخر الشهر وكده .


مودتى ...
الزمخشري
08-Mar-2008, 07:58 AM
هههههها بس أهم حاجة الدكوة يا أبوحميد العضة مامشكلة طبعا السودانين الأغلبية عندنا مزاااج خاص مع الدكوة.
لكن يا محمد ما قلت لينا إسمها الحقيقي شنو؟...
محمد عبيد ادريس
08-Mar-2008, 11:11 AM
هههههها بس أهم حاجة الدكوة يا أبوحميد العضة مامشكلة طبعا السودانين الأغلبية عندنا مزاااج خاص مع الدكوة.
لكن يا محمد ما قلت لينا إسمها الحقيقي شنو؟...

يا رائع مشكور على الضواقه ان شاء الله الطعم عجبك ...
اسمها أكلة آخر الشهر .وممكن يا مان تعملها بكل انواع الخضار .

مودتى .....
الكردفاني
08-Mar-2008, 07:48 PM
خههههه دي عرفناها أكلة آخر الشهر ياودعبيد، يلا شد حيلك وورينا أكلة أول الشهر ههههه.
مشكور علي الأكلة وأنا جيتك بي رغيفي عشان عارف الدنيا آخر شهر وكدة هههه. والسترة والفضيحة متباريات.
مع الود
مستر قوقل
15-Mar-2008, 05:11 PM
جد حلوه لكن اسمها العلمي شنو؟ خلي الاسم التجاري ده او الاستهلاكي عاوزين الاسم العلمي.
محمد عبيد ادريس
15-Mar-2008, 07:24 PM
[QUOTE=الكردفاني;38935][B][align=center][size=5][font=Arial]
خههههه دي عرفناها أكلة آخر الشهر ياودعبيد، يلا شد حيلك وورينا أكلة أول الشهر ههههه.
مشكور علي الأكلة وأنا جيتك بي رغيفي عشان عارف الدنيا آخر شهر وكدة هههه. والسترة والفضيحة متباريات.
مع الود


[color=#FF1493]اخوى الكردفانى انت عارف اول الشهر الواحد ما بختار لانو الجيب مليان ويتشهى ويدخل فى اى اكله وما بشيل هم . لكن برضو بجيك لاكلة اول الشهر بس تقل جيبك ...


مودتى ......
محمد عبيد ادريس
15-Mar-2008, 07:33 PM
جد حلوه لكن اسمها العلمي شنو؟ خلي الاسم التجاري ده او الاستهلاكي عاوزين الاسم العلمي.


اخوى قوقل نحن نهتدى بك فى البحث عن كل شئ ... الان تسال ؟

المهم هذه الاكله لبساطتها فنسميها بنوع الخضار مع اضافة كلمه المساكين
[/color]يعنى لما الخضار بطاطس تكون الحله بطاطس المساكين قرع [color=#FF0000]المساكين
كوسة المساكين

وهكذا مساكين اقصد دواليك ...


مودتى ....
أرض الخير
21-Mar-2008, 04:17 PM
طيب ياود عبيد كان تقول اكلة نصف الشهر لانها عاااااااامرة
اخر الشهر بتكون في حاجة واحدة بس هههههههههههههههه
محمد عبيد ادريس
21-Mar-2008, 06:23 PM
طيب ياود عبيد كان تقول اكلة نصف الشهر لانها عاااااااامرة
اخر الشهر بتكون في حاجة واحدة بس هههههههههههههههه


عامره شنو يالبنى لحمه المساكين ( دكوه ) وبيطيطسايه واحده لوزوم التسميه بس ...
لك التحايا وانت معنا فى اخر الشهر .

مودتى ....
الكردفاني
21-Sep-2010, 12:24 AM
الشيف الجميل محمد عبيد إدريس ننتظر وصفاتك الخطيرة المحيرة فلا تتأخر.
مع الود