باى طريقه تفضل ان تتزوج اخي / اختي ......

[ابواحمد]

الزواج قسمة ونصيب واي انسان مقدر عليه كيف سيتزوج و بمن سيتزوج ومتى سيتزوج .........هنالك رايي يقول الزواج الامثل هو الزواج عن طريق التعارف اولا ثم الزواج .....لان الحب يبدا بعد الزواج وليس قبل الزواج ....واخر يفضله عن قصة حب ملتهبه .............

باى طريقه تفضل ان تتزوج اخي / اختي ......
هل عن طريق قصه حب ملتهبه ام طريق الزواج التقليدي...... ولماذا ؟

[الق المعانى]

في راي الشخصي ان الحب الحقيقي هو الذي يكون بعد الزواج بكل تاكيد ،وان الزواج كما تقدمت شي مقدر منذ الازل لذلك لا ارى جدوى من قصص الحب قبل الزواج ، يكفي ان يتعرف كل طرف علي الاخر ويحسن الاختيار لان اختيار الزوج او الزوجة من حقوق الابناء علي الاباء، وقد اوضح نبينا الكريم مقومات كل من الزوج والزوجة المطلوبة لبناء اسرة سعيدة ، ولضمان اسرة سليمة علينا بالتمسك بالسنة وماجاء فيها علي صاحبها افضل الصلاة واتم التسليم.

[ياباني]

والله انا اتزوجت بي طريقه مافي زول سبقني عليها عمليه حسابيه كده ووالله ما شفت البت العرستها قبل اخطبها كلو كلو اها رايكم شنو؟

[الق المعانى]

دا الكلام البنادي بيه مش تقول لي قعاد في الكفتريات وطلعات بالعصريات وكدا وكدا .

[ياباني]

دا الكلام البنادي بيه مش تقول لي قعاد في الكفتريات وطلعات بالعصريات وكدا وكدا .

اها وما تقولو زول عجوز انا من عرست لي سنه وتلاته شهور بالضبط

[الق المعانى]

الكلام ماعجوز ولا صغير بس الناس تكون عندها قناعات وكلام الكبار دا مايابوهو الشباب الطايشين ديل يعني ياريت لو يرجع الزمن ويكون العرس زي عرسك يايابني.

[الكردفاني]

بتريدني ومووووت بريدا
مقتنعة بالزول البريدا
مشكور أبوأحمد ، بس عايز أسألك أنت إتزوجت بياتي طريقة؟

[ابواحمد]

في راي الشخصي ان الحب الحقيقي هو الذي يكون بعد الزواج بكل تاكيد ،وان الزواج كما تقدمت شي مقدر منذ الازل لذلك لا ارى جدوى من قصص الحب قبل الزواج ، يكفي ان يتعرف كل طرف علي الاخر ويحسن الاختيار لان اختيار الزوج او الزوجة من حقوق الابناء علي الاباء، وقد اوضح نبينا الكريم مقومات كل من الزوج والزوجة المطلوبة لبناء اسرة سعيدة ، ولضمان اسرة سليمة علينا بالتمسك بالسنة وماجاء فيها علي صاحبها افضل الصلاة واتم التسليم.

كلام وزنه دهب .كل الشكر الق المعاني ....

[ابواحمد]

والله انا اتزوجت بي طريقه مافي زول سبقني عليها عمليه حسابيه كده ووالله ما شفت البت العرستها قبل اخطبها كلو كلو اها رايكم شنو؟

ما يمكن شفت محمد ههههههه

كل الشكر علي المرور ياباني ......


نهديك بيت الشعر هذا ........
يسبقنا الشوق قبل العينين ....

[ابواحمد]

دا الكلام البنادي بيه مش تقول لي قعاد في الكفتريات وطلعات بالعصريات وكدا وكدا .

دا كلام الضكر ماعواف ؟؟؟؟؟؟

لكن والله اهم شئ تشوفا وتشوفك وتتفاهم معاها في وجود ثالت وتتفق علي اللي انت بتحبه واللي بتكره ؟؟؟؟؟؟؟؟؟ وهي كذلك.....

[ابواحمد]

اها وما تقولو زول عجوز انا من عرست لي سنه وتلاته شهور بالضبط

بيت مااااااااال وعياااااال ياباني

[ابواحمد]

بتريدني ومووووت بريدا
مقتنعة بالزول البريدا
مشكور أبوأحمد ، بس عايز أسألك أنت إتزوجت بياتي طريقة؟



ربنا يسعدكم ويتم ليكم ......اخي الكردفاني

انا تزوجت بطريقه غطي قدحك ........
عمري خمسه وعشرون سنه اتاني والدي زياره ومن خلال الونسه قالي ياولدي ماداير تعرس؟؟؟ قلت ليه عندك عروس ولاشنو ياحاج ؟؟؟ قال : لي بت عمك فلانه سمحه نعرسا ليه.... قلت ليه تمام ومشي عقد وتزوجنا والان متزوج لي 18 سنه ...والحمد لله عايش في سعاده تامه .......وربنا يخليها لي ولا ابنائها ...ويقدرني احججها العام القادم....