المساعد الشخصي الرقمي

مشاهدة النسخة كاملة : قصيدة رااااااائعة لهيئة حلمنتيش العليا

ابو عبد الحفيظ
30-Aug-2007, 03:02 AM
وهذه قصيدة من روائع هيئة حلمتيش العليا تحكي قصة زول مكسر في واحدة

قالو زهجانه واظنك ....ما عرفتي سؤالي عنك
يا اللِذّيْذَه الكلكي جنك
عايز اكون انا ابقى منك
اي حاجه قريبه منك
تبقي طربيزه ابقى كرسي
تبقي راكب ابقى تكسي
بيكي اسافر لام دقرسي
وتبقي حافله ابقى بوكسي
وياسلام لو ابقى ببسي
تشربيني
تقرطعيني
تدفقيني
وما مهم
هي قرطعيني
بس مهم شوفت عيونك ابقى منك اي حاجة قريبه منك
***
تبقي وردي ابقى ترباس
تبقي سانتو ابقى كدباس
تبقي بنكي ابقى حراس
تبقي برعي ابقى عباس
تبقي اوبرا ابقى ترباس
ابقى غرقان تبقي رفاس
رفسيني
وفتشيني
وغرقيني
وفنجطيني
وماهم
هي رفسيني
بس مهم شوفت عيونك وابقى اي حاجه قريبه منك
***
تبقي فالق ابقى مفلوق
تبقي كسره ابقى طايوق
تبقي منفوخ ابقى مطفوق
تبقي ويكه ابقى لايوق
تبقي شناق ابقى مشنوق
تبقي حراق ابقى محروق
وياسلام لو تبقي خازوق
مقلبيني
وزهجيني
وعكريني
ومامهم
هي مقلبيني
بس مهم شوفت عيونك وابقى اي حاجه قريبه منك
***
تبقي حيطه ابقى طوبه
تبقي روسيا ابقى كوبا
تبقي جمباظ ابقى هوبا
تبقي غنمايه ابقى لوبه
تبقي فاطمه ابقى زوبه
ابقى راس هي تبقي قوبه
ألميني
وعوريني
وبشتنيني
وزهجيني
ومامهم
هي عوريني
بس مهم شوفت عيونك وابقى اي حاجه قريبه منك
***
تبقي سكر ابقى ضبان
تبقي بوليس ابقى بمبان
تبقي كبده ابقى مصران
تبقي شيته ابقى طرزان
ابقى حفله وتبقي سكران
فرتقيني
وجهجهيني
وبهدليني
ومامهم
هي فرتقيني
بس مهم شوفت عيونك وابقى اي حاجه قريبه منك
***
قالو زعلانه واظنك
قالو قرفانه واظنك
ماكي عارفه سؤالي عنك
يااااااااااااا اللذيذة الكلكي جنك
عايز اكون انا ابقى منك اي حاجه قريبه منك
اي حاجه قريبه منك
اي حاجه قريبه منك
اي حاجه قريبه منك
ابو عبد الحفيظ
31-Aug-2007, 04:09 AM
ياشباب القصيدة ماعجبتكم ولا شنو ؟
عماد ساتي
31-Aug-2007, 06:32 AM
الريس شعراوى

والله القصيدة حلوة شديد وبالذات تبقى حيطة ابقى طوبة :D

تحياتي
Raw3a
31-Aug-2007, 09:54 PM
[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])


ده شنو يا مديرنا


مباااااااااااااالغة

كسير عجيب لكن

خاصة ناس ترباس و عباس ديل :D
ابو عبد الحفيظ
31-Aug-2007, 10:57 PM
الريس شعراوى

والله القصيدة حلوة شديد وبالذات تبقى حيطة ابقى طوبة :D

تحياتي

تسلم ياعمدة علي المرور

انا عجبتي تبقي حفلة وابقي سكران

ههههه
ابو عبد الحفيظ
31-Aug-2007, 10:59 PM
[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])


ده شنو يا مديرنا


مباااااااااااااالغة

كسير عجيب لكن

خاصة ناس ترباس و عباس ديل :D


فراشة المنتدي روعة مشكور علي المرور

كسير ياكده يبلاش

احفظي القصيدة دي

عشان تسمعيها في حصة الاملاء

حلوة الاملاء مش ؟؟
شمعة امل
01-Sep-2007, 02:02 PM
هههههههههههههههه
و الله انا بضحك لما الناس قعدت تعاين لى
و بالذات تبقى كسرة ابقى طايوق
دا اذا اصلا فى راسو فى طايوق
Raw3a
02-Sep-2007, 09:44 PM
املاء ما معانا يا مديرنا

مالك ياخ [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
ابو عبد الحفيظ
02-Sep-2007, 11:31 PM
هههههههههههههههه
و الله انا بضحك لما الناس قعدت تعاين لى
و بالذات تبقى كسرة ابقى طايوق
دا اذا اصلا فى راسو فى طايوق

تبقي شناق ابقى مشنوق
تبقي حراق ابقى محروق
وياسلام لو تبقي خازوق
مقلبيني
وزهجيني
وعكريني

جعل الله ايامك كلها سرور

مشكور علي المرور
ابو عبد الحفيظ
02-Sep-2007, 11:33 PM
املاء ما معانا يا مديرنا

مالك ياخ [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

خلاص خليناهو زاتو ياخ

نسمعك ليها في حصة الرياضيات

اظنو كده ماقصرت معاك ؟
Raw3a
03-Sep-2007, 06:09 PM
ثمح

رياضيات رياضيات

اهون من العربي [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
Dm3a
05-Sep-2007, 09:15 AM
وياسلام لو ابقى ببسي
تشربيني
تقرطعيني
تدفقيني
وما مهم
هي قرطعيني


دي ماحاجه كدا

ع العموم تقرطع مويه نار
مزهج البت مالك :mad:


مشكور يا س ر ا ق النجوم ع القصيده الروعه
الكروشابى
05-Sep-2007, 09:55 AM
القصيدة رائعة ابو عبد الحفيظ

تبقي شناق ابقى مشنوق
لو قبيل قال تبقى شناق وابقى شنان كان احلى , لأنو شناق مدافع المريخ قرش الكورة للحارس شنان فى الزاوية البعيدة وكانت هدف قاتل فى مرمى المريخ , وصارت مقولة (( شناق شنق شنان ))
تسلم يا غالى.
ابو عبد الحفيظ
22-Oct-2007, 03:48 PM
الشكر لجميع الاخوة والاخوات علي المرور
هدرماسوا
27-Oct-2007, 08:55 PM
أقولها نصيحة ليك يا بابا

أحذر جيرة العذابة

أهل الضمنة والكشتينة

ديل أهل الطباع الشينة

ليهم مرة نحن مشينا

لا إتغدينا لا إتعشينا

***

لو وقعت ما بتنحل

حتى إن كان بقيت زي بله

ديل القوم في أي محله

نص الليل بشدوا الحلة

***

يعبوا البيت زي الباخرة

ما بعرفوا السراير الفاخرة

دفاتر الكل عليهم ساخرة

أصلوا خلاص بقت دين آخرة

يخلوا البيت مبشتن ديمة

يدخًلوا فيه عدة قديمة

كمان لو فيه شجرة نيمة

يكون وسخان وحالتو أليمه

***

الملاية ما مفروشة

وجوه الأوضة قامت كوشه

ست البيت تكورك فيهم

ديل أخواننا ضربوا قروشا

***

الغسًال يكورك فيهم

والتاجر أبا يديهم

والجزار مشرك ليهم خلاص يا اخواننا عرفوا الفيهم

زحمة شديدة في الشماعة

ريحة كريهة في البلاعة

ديل في الحلة عملوا مجاعة

شفطوا القدرة في نص ساعة

***

ضد العرس رفعوا الراية

ديل إنحلًوا من الداية

لا تطعيم كمان لا رعاية

مافي كرامة ولا سمايه






دي هديه الشمشار ليك
خالد حسن بخيت
03-Nov-2007, 09:37 AM
أقول لك حاجة يا أبو عبد الحفيظ ؟؟

كتر خيرك على الإبتسامة الجميلة وجزاك الله خير وهاك الشوية الجايين ديل من فرقة الجو الرطب أيام ما كنا فى الفرع ( بالمناسبة الممثل الكوميدى السودانى ربيع طه كان أحد أعضاء هذه الفرقة ):

وانس أبون تايم هوين اى ووز سيتينج أون ذا ريفر لوكينج تو ذا موون سموكينج ماى سيجاريت وكراع فوق كراع خالفه .. جاء تمساح كبير فروم ذا ريفر وقام كاف لماى كورلا خاطفه قلت ليه.. ليه يا كروكودايل كبير لماى كورلا خاطفها قال لى يو دونت نو ذات اى ام ذا كينج اوف ذيس ريفر .. إف يو كوم أجين تو ذيس نواحى اى ويل أصيبك بالجراح...


ولسه فى باقى كتير لكن الذاكرة ما أسعفتنى

وسلامتكم ..
عاشقه امدرمان
19-Dec-2007, 03:15 AM
واللــــــــــــــــــــــــــــــــــــــــه مش مبالغه دي جد رهيبه والله شفتو كيف الناس بتتكسر تقول لــــــــــــــــــــــــــي.....................؟ ؟؟؟؟؟؟؟؟؟؟؟؟




تسلم شديد يامديرنا
ابو عبد الحفيظ
27-Dec-2007, 10:22 PM
تسلموووووووا علي المرور ياغالين بس كسير تلج صاح
magda
07-Jan-2008, 09:01 PM
تبقي سكر ابقى ضبان
تبقي بوليس ابقى بمبان
تبقي كبده ابقى مصران
تبقي شيته ابقى طرزان
ابقى حفله وتبقي سكران
فرتقيني
وجهجهيني
وبهدليني
ومامهم
هي فرتقيني





حلووووووووووووة دي يسلمو يا بوس
ابو عبد الحفيظ
13-Feb-2008, 03:01 AM
تبقي سكر ابقى ضبان
تبقي بوليس ابقى بمبان
تبقي كبده ابقى مصران
تبقي شيته ابقى طرزان
ابقى حفله وتبقي سكران
فرتقيني
وجهجهيني
وبهدليني
ومامهم
هي فرتقيني





حلووووووووووووة دي يسلمو يا بوس

والاحلي مرورك الانيق اختي ماجده
ابو ادريس
16-Mar-2008, 11:47 AM
مشكوووووووووووووووووووووووور يا مديرنا ...
ابو عبد الحفيظ
15-Feb-2009, 10:12 PM
وهذه قصيدة من روائع هيئة حلمتيش العليا تحكي قصة زول مكسر في واحدة

قالو زهجانه واظنك ....ما عرفتي سؤالي عنك
يا اللِذّيْذَه الكلكي جنك
عايز اكون انا ابقى منك
اي حاجه قريبه منك
تبقي طربيزه ابقى كرسي
تبقي راكب ابقى تكسي
بيكي اسافر لام دقرسي
وتبقي حافله ابقى بوكسي
وياسلام لو ابقى ببسي
تشربيني
تقرطعيني
تدفقيني
وما مهم
هي قرطعيني
بس مهم شوفت عيونك ابقى منك اي حاجة قريبه منك
***
تبقي وردي ابقى ترباس
تبقي سانتو ابقى كدباس
تبقي بنكي ابقى حراس
تبقي برعي ابقى عباس
تبقي اوبرا ابقى ترباس
ابقى غرقان تبقي رفاس
رفسيني
وفتشيني
وغرقيني
وفنجطيني
وماهم
هي رفسيني
بس مهم شوفت عيونك وابقى اي حاجه قريبه منك
***
تبقي فالق ابقى مفلوق
تبقي كسره ابقى طايوق
تبقي منفوخ ابقى مطفوق
تبقي ويكه ابقى لايوق
تبقي شناق ابقى مشنوق
تبقي حراق ابقى محروق
وياسلام لو تبقي خازوق
مقلبيني
وزهجيني
وعكريني
ومامهم
هي مقلبيني
بس مهم شوفت عيونك وابقى اي حاجه قريبه منك
***
تبقي حيطه ابقى طوبه
تبقي روسيا ابقى كوبا
تبقي جمباظ ابقى هوبا
تبقي غنمايه ابقى لوبه
تبقي فاطمه ابقى زوبه
ابقى راس هي تبقي قوبه
ألميني
وعوريني
وبشتنيني
وزهجيني
ومامهم
هي عوريني
بس مهم شوفت عيونك وابقى اي حاجه قريبه منك
***
تبقي سكر ابقى ضبان
تبقي بوليس ابقى بمبان
تبقي كبده ابقى مصران
تبقي شيته ابقى طرزان
ابقى حفله وتبقي سكران
فرتقيني
وجهجهيني
وبهدليني
ومامهم
هي فرتقيني
بس مهم شوفت عيونك وابقى اي حاجه قريبه منك
***
قالو زعلانه واظنك
قالو قرفانه واظنك
ماكي عارفه سؤالي عنك
يااااااااااااا اللذيذة الكلكي جنك
عايز اكون انا ابقى منك اي حاجه قريبه منك
اي حاجه قريبه منك
اي حاجه قريبه منك
اي حاجه قريبه منك

رفعنا القصيدة بناء علي طلب هناية ديييييك:arf:
مامون مهنا
16-Feb-2009, 10:30 AM
شنو ياريس قصيدة واحدة لاتكفى ولا شنو الحصل :gna::gna::gna:
ابو عبد الحفيظ
02-Apr-2009, 12:58 AM
شنو ياريس قصيدة واحدة لاتكفى ولا شنو الحصل :gna::gna::gna:

ليس بالشعر وحده يحيا الانسان :gna::gna:
abu hussam
02-Apr-2009, 01:27 AM
كتير حلوة من الادارة والاجمل
تبقي روسيا ابقى كوبا
واتا اضيف فيها
تبقي توم ابقي جيري
تبقي اوكامبو ابقي البشير
ابو نون
12-Apr-2009, 10:04 AM
بسم الله الرحمن الرحيم اللهم صل على محمد وعلى آله وصحبه أجمعين
يا حليل حلمنتيش وهئيتهم العليا
وين الحلنتيش والحناكيش والحلمنتيش
كابو53
12-Apr-2009, 08:13 PM
روعة والله القصيدة
وين الحاجات الحلوة دى من زمان

تخريمة
عضو جديد اتمنى تقبلوني ضيف عليكم
ابو عبد الحفيظ
09-May-2009, 07:54 PM
ابو حسام

ابو نون

كابو

اشكركم علي مروركم وتوقيعكم علي الموضوع

والتحية لهيئة حلمنتيش العليا
نهى عطا المنان
10-May-2009, 12:10 AM
ههههههههههههههه
والله قطعت مصارينا يا ريس
من وين جبتها دى
عليييييييك الله كتر لينا من الزى دا
مشكور يا رااااااااااااااقى

تخريمه:هنايه منو؟:arf:
ابو عبد الحفيظ
25-Apr-2010, 06:45 AM
ههههههههههههههه
والله قطعت مصارينا يا ريس
من وين جبتها دى
عليييييييك الله كتر لينا من الزى دا
مشكور يا رااااااااااااااقى

تخريمه:هنايه منو؟:arf:

هناية الهناية :arf::arf:

جارة ناس هناية البي هناك
ابوهبة الله
25-Apr-2010, 08:32 AM
أستاذنا شعراوي أبوعبدالحفيظ ..المدير العام المحترم
نأمل تكرمكم بأمتعانا بأشعار حلمنتشيه في البوست الذي تم تخصيصه لذلك تحت أسم ( حلمنتيشي كافيه ) ووسف يثرى هذا البوست بمشاركاتكم القيمة ..
ونحن في الإنتظار ولاتبخل علينا ..بمثل هذه الدرر ..شكلك ياريس أخدتك الحلمنتيشيه وسرحت بعيد فيها ونحن نحتاج في حلمنتيشي كافيه لمثل هذه الإبداعات
صلاح بخيت
مشرف المنتديات الأدبية
ابو عبد الحفيظ
13-Mar-2011, 05:43 PM
قصيدة روووووعة نعيدها الي السطح مرة اخري لمزيد من الاطلاع والتعليقات
ابوهبة الله
13-Mar-2011, 06:43 PM
قالو زعلانه واظنك
قالو قرفانه واظنك
ماكي عارفه سؤالي عنك
يااااااااااااا اللذيذة الكلكي جنك
عايز اكون انا ابقى منك اي حاجه قريبه منك
اي حاجه قريبه منك
اي حاجه قريبه منك
اي حاجه قريبه منك

أخي الأستاذ أبوعبدالحفيظ
نرجع نقول ديما بنات حواء زعلانات وديما قرفانات
وخاصة لما تزيد دلالهم ودلعهم
على شنو الزعل والقرف
والله ماعارف
بس نرجع ونقول زعلهم حلو
وقرفهم أحلى
لأن الكلكي جنهم
ولكم مودتي
أخوكم
أبوهبة الله
أسماء بت النيل
13-Mar-2011, 09:20 PM
يا سلاااااااااااام من زمان القصيده كاسره فيني كم ضلعه
بس ما كنت لامه فيها كلها كنت حافظه منها شويه
رهيييييييييييييييييييييييييبه ياريس
منتظرين المزيد
الكردفاني
13-Mar-2011, 09:40 PM
خهههههههه قصيدة جامدة ياعمك.
تشكراااااات.
ابو عبد الحفيظ
15-Mar-2012, 09:14 PM
نرفع القصيدة للناس الماحضرو الزمن داك :arf::smile:
زهرة النوبة
15-Mar-2012, 09:25 PM
تبقي وردي ابقى ترباس
تبقي سانتو ابقى كدباس
تبقي بنكي ابقى حراس
تبقي برعي ابقى عباس
تبقي اوبرا ابقى ترباس
ابقى غرقان تبقي رفاس

هههههههه
ابدااااااااع والله
دى عايزة ملحن ياا ناس:arf:
ابو عبد الحفيظ
16-Mar-2012, 09:22 AM
ابو هبة الله
أسماء بت النيل
الكردفاني
زهرة النوبة
اشكركم علي المرور
ابوهبة الله
16-Mar-2012, 11:54 AM
اخي الريس شعراوي
انا بس دايرك تسهر الليل وتلبس لبس الغوص وتغطس لينا في اعماق افكارك وتطلع لينا بمفاجاءة من مفاجاءاتك الحلوة ..بس كتر من العواطف والحنية والحاجات اللي بتشعلل القلوب ..
أنتظرك بفارغ الصبر
أخوكم
ابوهبة الله
صلاح بخيت

كسرة: لاتقطع من القسم الأدبي واعطينا طلاتكم الجملة
ريحانة الأمل
22-Mar-2012, 08:44 AM
هههههههههههههههههههه

بصراحة قصيده غريبه ومكسسر مييت فيها زاتوا عاشق من الدرجة الاولى بس بعجب ..

تشبيهات جدا عجيبه ,,

كل عاشق وطريقته ,,

وهنيئاً لمحبوبة حظيت بهذا القلب

وخطت بها هذه الكلمات الرائعه
رائعه رائعه هذه المعزوفة
تستحق الوقوف طويلاً

شكرا لك عليها...