حاجات ... تحير!!!

[ضيف هجعة]

في حاجات بتحصل من الزول بصورة تلقائية وعفوية لكن لو فكرنا فيها بنلقاها محيرة وماعندها مبرر ويمكن تخليك تسأل نفسك وتضحك على نفسك .



ليه لمن حجر الريموت يضعف بنضغط على الريموت شديد ؟؟؟



الواحد يقول ليك دي هدية مجانية ؟؟؟ في هدية بقروش؟؟؟



الواحد يلقاك في نص السوق يسألك : جيت السوق ولا شنو؟؟؟



لمن تكون مستني الأسانسير بتضغط على الزر كم مرة في حين انو مرة واحده بتكفي!!



الغريبة يجي زول بعديك برضو يضغط الزر!!!



تكونو قاعدين الكهرباء تقطع يقوم واحد يقول الكهرباء دي قطعت ولا شنو؟؟؟!!



تكون قاعد في نص ناس تسمع رنة جرس أي موبايل ليه بتطلع موبايلك ؟؟ ماعارف
النغمة بتاعتك ؟؟؟



الواحد يجي الدكان يلقاه مقفل يسأل الناس القاعدين جمبو الزول ده قفل ولا شنو؟؟؟؟



انتو بتقروا الكلام ومبتسمين ليه ؟؟؟






ولكم التحية

[ودالكاملين]

أنتي مبالغة وكلامك لذيذ جداًجداً

زي كلام الرباطاب والمساطيل


والله يوفقك يامحيرانا

تحيه خالصة

[ضيف هجعة]

أنتي مبالغة وكلامك لذيذ جداًجداً

زي كلام الرباطاب والمساطيل


والله يوفقك يامحيرانا

تحيه خالصة




شكرا على المرور يا ودالكاملين


تخريمة:
انا ميل ما فيميل (لزوم التنويه)

[ودالكاملين]

ميل فيميل

كلوا عندنا واحد

المهم مشاركتكم في مواضيعكم
ورونا مساهماتكم وشدو حيلكم معانا

[المهموم]

والله يا زول هجعة كلامك ده منطقي شديد . ولكن الحاجة الشفتها انا كلامك ده بنطبق علينا نحن السودانيين وبس من دون اي جنسيات تانية .

يمكن يكون لعدم المعرفة او الجهل او الطيبة الزيادة عن اللزوم
ولا شنو يا زول الهجعة

طيب انت ليه بتقرا ردي ده ( هههههههههههههههههه )

[ضيف هجعة]

والله يا زول هجعة كلامك ده منطقي شديد . ولكن الحاجة الشفتها انا كلامك ده بنطبق علينا نحن السودانيين وبس من دون اي جنسيات تانية .

يمكن يكون لعدم المعرفة او الجهل او الطيبة الزيادة عن اللزوم
ولا شنو يا زول الهجعة

طيب انت ليه بتقرا ردي ده ( هههههههههههههههههه )


يامهموم شكرا على الطلة

المسألة ما طيبة يا منقة دي ردود تلقائية يعني ترديد الحاجة الشايفة أما بغرض التأكد أو عدم تصديق الحدث أو رواشة ساااااااااااي.

تخريمة:
مرة كنته مستني المواصلات وقفت الحافلة ما نزل زول ركبت برااااااي الكمساري طقطق لي أديتو القروش قال لي : كم نفر !!!!!!!

[ضيف هجعة]

سلام عليكم يا اخونا كلامك جميل شديد . لكن انا بقول ليك يا اخوى الغالي كلامك ده يمكن يودينا للأتجاة معاكس و ممكن ناس المنتدى يقوموا يوقفوا موضوعك الجميل
لانو الناس ديل قبل ده و قفوا مواضيع جاذبة كان كاتبها السيد/ ولد التاوى لحدى هسع انا ادخل المنتدى علشان اشوف هل فتحوا احد واضيع ولد التاوى اجد الحال كما هو . لكن موضوعك ان شاء الله يكون جاذب ذي موضوع ولد التاوى .

ودالعطايا
البورد منور والله

انا ما شايف الموضوع بمس الحاجات المحظورة لقانون المنتدى إلا تكون (حقارة ساااااااي) .
احيطك علما ان منتدى كومي يمكن يكون اكتر منتدى متساهل ومرن في التناول وتنقيح المواضيع وذلك لوعي القائمين على أمره ولو في أي أقتراح أو عندك أي ملاحظة أنا عامل بوست بعنوان( المامعانا مايخش) أدخل وقول رايك وسيجد كل أهتمام من قبل الإدارة وأنا أثق في ذلك.

لك ودي

[ضيف هجعة]

ليه الكمساري لمن تقوم وتطقطق ليه عشان تنزل بسألك أنت نازل!!!!؟؟؟؟




ليه الواحد لمن يخش حته ممنوع فيها التدخين ويقرأ الافته يسأل التدخين ممنوع !!!!!!!!

[ود القبايل]

سلام عليكم يا اخونا كلامك جميل شديد . لكن انا بقول ليك يا اخوى الغالي كلامك ده يمكن يودينا للأتجاة معاكس و ممكن ناس المنتدى يقوموا يوقفوا موضوعك الجميل
لانو الناس ديل قبل ده و قفوا مواضيع جاذبة كان كاتبها السيد/ ولد التاوى لحدى هسع انا ادخل المنتدى علشان اشوف هل فتحوا احد واضيع ولد التاوى اجد الحال كما هو . لكن موضوعك ان شاء الله يكون جاذب ذي موضوع ولد التاوى .


أخونا ود العطايا ...
أدارة المنتدى لها الحق في حذف أو اغلاق اي مقال تجاوز حد قوانين المنتدى ...
موضوع ولد التاوي فيه قدح وذم علني ولذا تم اقفاله ...
نحن نستمع لاية ملاحظات وبصدر رحب والبريد الخاص مفتوح للجميع واكتب فيه ما تريد دون قيود ...

ود العطايا لك الود والتحية

[ود الحله]

لك التحيه
هجعة الضيف اقصد العكس
كلام حلو

و واحد يقول ليك

اتكلم ساكت

ده تقول فيه شنو

[ضيف هجعة]

لك التحيه
هجعة الضيف اقصد العكس
كلام حلو

و واحد يقول ليك

اتكلم ساكت

ده تقول فيه شنو


أحسن من البقول : قمنا قعدنا ..

ولاشنو!!!!


شكرا ود الحلة

[المهموم]

يامهموم شكرا على الطلة

المسألة ما طيبة يا منقة دي ردود تلقائية يعني ترديد الحاجة الشايفة أما بغرض التأكد أو عدم تصديق الحدث أو رواشة ساااااااااااي.

تخريمة:
مرة كنته مستني المواصلات وقفت الحافلة ما نزل زول ركبت برااااااي الكمساري طقطق لي أديتو القروش قال لي : كم نفر !!!!!!!

شكرا لك يا زول الهجعة علي ردك الجميل و المتواضع .
شوفته خليتك تقرا و ترد علي ذي ما كتبته ليك في ردي الأول وذي ما انت كتبته في نهاية موضوعك ( ههههههههههههههههههههههههههههه)

من المفترض انوا نحن السودانيين نخلى ردودنا التلقائية يا منقا و نقول كلامنا بي طريقة مباشرة من دون ترديد للكلام ( نحن ما ........ انت عارف انا بقصد شنو ) هسع الواحد بشوف كل البلدان الحوليان لا برددوا كلامهم مرة تانية ولا يحزنون مرة واحد بتكون للتاكيد او عدم التصديق . يله يا مان ذي ما قال اخونا ود العطايا لهلب المنتدى شوية ( بس موش تلحقنا بي ابو لهب هههههههههههههههههههههههههه )
تحياتي القلبية العطرة لك و لجميع الأخوان المعانا في المنتدى
اخوكم المهندس / المهموم ( ابو محمد )

[روح الروح]

طيب رايك شنو في زول يقولوا ليهو
الحيطه دي مضروبه بوهيه جديد وما نشفت
يقوم يمشي يهبشا باصبعو عشان يتأكد
يعني الا يحلفو ليهو قسم انها ما نشفت؟

[ضيف هجعة]

طيب رايك شنو في زول يقولوا ليهو
الحيطه دي مضروبه بوهيه جديد وما نشفت
يقوم يمشي يهبشا باصبعو عشان يتأكد
يعني الا يحلفو ليهو قسم انها ما نشفت؟

زي البقولو ليهو أتفضل أكل يقول : لا شبعان (أكلته هسي ) يعني حيكون شبعان وما أكل؟؟؟؟؟؟؟

مرسي على المرور

[ودالكاملين]

حاجة تحير

أثنين يتونسوا فجاءة يسكتوا
واحد فيهم يسأل التاني أنت نمته ولا شنو

يعني بقي أبو السريع ينوم في ثوانى

[بنت بلدي]

ليه الكمساري لمن تقوم وتطقطق ليه عشان تنزل بسألك أنت نازل!!!!؟؟؟؟




ليه الواحد لمن يخش حته ممنوع فيها التدخين ويقرأ الافته يسأل التدخين ممنوع !!!!!!!!


الكمساري يسالو
عشان احتمال الراكب عايز ينزل او عايز باقي قروشو
هههههههههههههههههههههههههههههههههه

في ناس بتسال الزول وهو نايم
يافلا ن انت نمت
(((( يرد علي وهو نايم و لاكيف ))))
على اساس النايم بيسمع

[ضيف هجعة]

وين يا حلوين ؟؟؟؟؟؟؟؟؟؟؟؟؟؟

[ضيف هجعة]

واحد يقولو ليهو فلان اتوفي يقول : مات !!!!!!

[ضيف هجعة]

GOOOO UP

[الكردفاني]

GOOOO UP


ضيوف واحد يجيك زيارة في الطابق الرابع، لما يودعك يقول ليك: أها مع السلامة أنا طالع!!!

[حجوج]

فعلا حاجات تحير

[ضيف هجعة]

كركر..
والله الليلة عيد عدييييييييييييييييل .. الفرش ليك الدرب منو؟؟؟

ليه السودانيين بشتروا غرفة النوم بالشي الفلاني ... وينومو في الحوش!!!!!!!!!!!!

[ودالكاملين]

لماذا لما الشخص يكون نايم
ويصحا بنقوم نسألو أنت صحيت

[همس الاماسي]

انت عارف التناقض بيكون مرات جميل
زي الواحد بيقول ليك انا بشرب في ( حلوووووووووو مر)

[ضيف هجعة]

انت عارف التناقض بيكون مرات جميل
زي الواحد بيقول ليك انا بشرب في ( حلوووووووووو مر)



زي البقول ليك (الواطة مسخنة) وأصلا الشمس هي المسخنة


شكرا على المرور

[ابومرام]

يا صغير يا محيرنى ومتحير

[ودالكاملين]

يا صغير يا محيرنى ومتحير

وين حاجاتك البتحير

[ابو جعفر]

عشان هو محير
هههههههههه
شكر جزيلا

[ودالكاملين]

جاري البحث عن مشاركات أبومرام