حكايات من الديم ... ذلك الحى المتفرد

[عماد ساتي]

تعالوا الليلة نحكى عن حى متفرد بمعنى الكلمة الا وهو الديوم الشرقية بالخرطوم واختصارا (الديم) والذى كان من حظى ان يكون ميلادى به وترعرعت فيه (ترعرعت دى عجبتنى شديد) وبقيت ديامى بالميلاد.

الديم هو تلك المنطقة التى تبدأ من حديقة القرشى حتى السوق الشعبى ومن العمارات حتى السجانة ... تلك البقعة التى خططها الإنجليز . سكان الديم هم خليط من جميع انحاء السودان بذلك يكون الديم سودان مصغر بمعنى الكلمة ... ويعيشون جميعاً فى الفة نادرة الحدوث.

الديم كان ومازال هو مكاناً جميلاً للبوليتاريا الكادحين ومكاناً جميلاً للموسيقى حيث يهوى اهل الديم الموسيقى والموضة حيث كان الديم منبع التقليعات والموضة الجديدة على مر السنين ... يعنى لمن تظهر حلاقة جديدة تلقاها فى الديم اول حاجة بعدين تنتشر فى باقى العاصمة ... ولأهل الديم لغة خاصة تسمى (الرندوق) ... انتشرت الآن فى الجامعات وكان اهل الديم جميعاً صغاراً وكباراً يرندقون ولو ما من الديم ما تفهم حاجة زى بتكلموا رطانة كده و الجكس :D :D كان من احرف المرندقين وهاكم النكتة الحقيقة دى عن الرندوق:

كان احد طارات الديم يحكى مع جكسون بدون ان يراها بالتلفون مدة طويلة وقال لها فى احد الأيام (انتى انحنا حنكون كده على طول كلمنت امبوروا متين حنرفع جوزيف لاقو - )... :D كلمنت امبوروا وجوزيف لاقو من كبار الشخصيات السياسية من جنوب السودان فى ذلك الوقت و معناها انتى انحنا طوالى كده حنكون نتكلم بالتلفون متين نتلاقى. وما اظرفه.

يا فنطوط الحقنى ولازم تكتب فى الحتة دى واللا اشتكيك للديامة.

على كل الديامه الإضافة فى هذا البوست.

والى اللقاء فى الحلقة القادمة.

نواصل

تحياتي

[خالد كنه]

كل التحايا للديامه

[ابو عبد الحفيظ]

اخي العزيز عماد ساتي لك التحية
ولنا ذكريات طيبة في داركم العامرة بالديم
ومقالب وطرائف حلوة شديد واكيد حنقولها

[فنطوط]

ايؤيؤيؤيؤيؤيؤيؤيؤيؤاااااااااااااااااا
هيييييييييي وتاني هييييييييي ودسته هييييييييييييييي
والما عاشر الديامه عيشتوا كلها ندااااااااامه
تعظيم سلام للديم ولكل السودان
ولك التحية اخي ودساتي واشكرك على هذا البوست الرائع والجميل

ولي عودة

وحلي ايامك مع الديااااااااااااااااااااااامه

[حميدي الحلفاوي]

أخي الغالي والعزيز ود ساتي والله ياداب لقطت الموضوع (( اللقطه ده)) ياالله على الوفاء وياالله على هذا الشريط الجميل....لعلمك أنا سكنت السجانه بمحطة السوق شارع النص..ولا بشارع الصحافه محطة غالي....وكنت ساكن خلف مركز شباب السجانه... ولي مداخلات كتيره... وسكنت بنمره تلاته خلف منزل الشيخ محمد عثمان عبده برهان رحمه الله رحمة" واسعه .... ثم سكنت الحله الجديده مقابل نادي ديم سلمان....وكلمنت امبورو وجوزيف لاقو...حكايتها ليا فيه توضيح ومداخله....واناشدك لاتوقف التواصل في هذا الموضوع عشان بيرجعني لفترات إعتبرها من اجمل ايامي وذكرياتي....ختمام وكمال مروري شكري الكبير والكبير جدا" بفتح مثل هذه الذكريات وأنا حريص عليه.....

[عماد ساتي]

أخي الغالي والعزيز ود ساتي والله ياداب لقطت الموضوع (( اللقطه ده)) ياالله على الوفاء وياالله على هذا الشريط الجميل....لعلمك أنا سكنت السجانه بمحطة السوق شارع النص..ولا بشارع الصحافه محطة غالي....وكنت ساكن خلف مركز شباب السجانه... ولي مداخلات كتيره... وسكنت بنمره تلاته خلف منزل الشيخ محمد عثمان عبده برهان رحمه الله رحمة" واسعه .... ثم سكنت الحله الجديده مقابل نادي ديم سلمان....وكلمنت امبورو وجوزيف لاقو...حكايتها ليا فيه توضيح ومداخله....واناشدك لاتوقف التواصل في هذا الموضوع عشان بيرجعني لفترات إعتبرها من اجمل ايامي وذكرياتي....ختمام وكمال مروري شكري الكبير والكبير جدا" بفتح مثل هذه الذكريات وأنا حريص عليه.....

العزيز حميدى الحلفاوى

يااااخ انت ما طلعت جارنا ... ومحطة الغالى دى ما المحطة البعدنا انا فى محطة التعاون .. عشان كده من اول يوم قابلتك هنا حسيت بالقرب منك... انا ساواصل فى هذا البوست وساكتب عن كل شىء عن الديم بكل تجرد وارجو منك دوام زيارة البوست والمشاركة.

تحياتي

[عماد ساتي]

اخي العزيز عماد ساتي لك التحية
ولنا ذكريات طيبة في داركم العامرة بالديم
ومقالب وطرائف حلوة شديد واكيد حنقولها

الريس شعراوى اشكرك جزيل الشكر وتحياتي.

[عماد ساتي]

ايؤيؤيؤيؤيؤيؤيؤيؤيؤاااااااااااااااااا
هيييييييييي وتاني هييييييييي ودسته هييييييييييييييي
والما عاشر الديامه عيشتوا كلها ندااااااااامه
تعظيم سلام للديم ولكل السودان
ولك التحية اخي ودساتي واشكرك على هذا البوست الرائع والجميل

ولي عودة

وحلي ايامك مع الديااااااااااااااااااااااامه

العزيز فنطوط يا طارة ... زغروتك مازالت تجلجل فى البوست وبالله اخوك ذاكرته شويه اتلحست بالغربة ساعدنى ولازم تزور البوست دا كل يوم.

تحياتي

[عماد ساتي]

الديم والتعايش الدينى

سكن من قديم الزمان الديم كثير من الأخوة الأقباط .. ولا اعرف حتى الآن ما السبب الرئيسى الذى جعلهم يسكنون الديم ويندمجون فيه كأهله تماماً.

كان احد جيراننا ولمدة طويلة اكثر من عشرون عاماً قبطى مسيحى اسمه أميل جاد ... كان مثالاً للسودانى الأصيل فتجده فى كل الملمات لابساً جلابيته السودانية حتى فى المآتم يكون من اول المعزين وبشيل الفاتحة كمان .... وفى رمضان كان يجيب صينيته للشارع (العملية دى لسه فى السودان فى؟؟) وينتظر معانا حتى الآذان. وكان من المألوف جدا وشىء مكمل للعيد ان يمر أميل جاد على كل المنازل للتهنئة بالعيد.

هذا هو التعايش الدينى فى السودان عامة بدون تدخل حكومى وفى الديم خاصة.

نواصل

تحياتي

[الشايقي ود كسلا]

تسلم اخي عماد لهذا الابداع الذي اتحفتنا به
من قاموس زكرياتك بالديوم الشرقية
وتحية لك اخي الرائع وعبرك لاهل الديوم الشرقية
مودتي

[احمد بناوي]

ممنوع الديم ولو بعدين

الديم يا الديم واحلى اللحظات قضيتها في الديم
جهة دكتور بشرى بتاع الاسنان
جنب مطعم عاصم زمان
بي جاي لي مركز شباب السجانه
النوادي والقعدات الجميله والونسه الدقاقه
الديم يا عماد ااااااااااااخ الديم الشوق دافرنا دفر

[عماد ساتي]

تسلم اخي عماد لهذا الابداع الذي اتحفتنا به
من قاموس زكرياتك بالديوم الشرقية
وتحية لك اخي الرائع وعبرك لاهل الديوم الشرقية
مودتي

شكرا الأخ الشايقى ود كسلا لمرورك ..

تحياتي

[عماد ساتي]

ممنوع الديم ولو بعدين

الديم يا الديم واحلى اللحظات قضيتها في الديم
جهة دكتور بشرى بتاع الاسنان
جنب مطعم عاصم زمان
بي جاي لي مركز شباب السجانه
النوادي والقعدات الجميله والونسه الدقاقه
الديم يا عماد ااااااااااااخ الديم الشوق دافرنا دفر

العزيز أحمد بناوى

شكرا لمرورك ... ومبسوط جدا انك طلعت ديامى دى كويسه معاى عشان تساعدنى فى البوست باسلوبك الظريف وانا منتظر زكرياتك وخليك قريب.

تخريمه: تعرف واحد ساكن آخر الديم جنب السبق اسمه عاطف عثمان درار من بنا.

تحياتي

[عماد ساتي]

الديامه ... والموسيقى


الديامه بطبعهم محبين جداً للموسيقى وخاصة الموسيقى الغربية فى ذلك الزمان وكان لا يخلو جيب ديامى من شريط موسيقى .. خاصة موسيقى الريقى Reggae Music وكانوا يقيمون الحفلات الخاصة كثيرا .. Party وكانوا مبدعون فى الرقص الغربى ومن اشهرهم عادل فلانة وهاشم ترافولتا وعوض كيتا زمن سانت جيمس و ليلى فاوستينو وآخرين.

ايضاً كانت هناك فرقة ديامية مشهورة جداً وقد شاركت فى تكوين وجدان الديامة الا وهى فرقة جاز الديم والتى تأسست فى بداية الستينات بقيادة المرحوم عمر عبده .. ومن اشهر اغانيهم حجا كولن كولن وبراى يا خيلا انا من عينى النوم قلا والفنان كمال كيله وكثيراً من الفنانين والعازفين المشهورين سكنوا الديم وكانت حفلاتهم لها طعم خاص ويشارك بالغناء والرقص كل الحفلة وطبعا فى الديم معزوم ما معزوم ما مشكلة.

ونواصل

تحياتي

[فنطوط]

بطرس الغالي ازيك
عارف انا مقصر معاك لكن لي عوده قويه معاك ان شاءالله من ديم بندا وارض الحيوان الى ديم سلك الدخلو اكلو هلك

[عماد ساتي]

بطرس الغالي ازيك
عارف انا مقصر معاك لكن لي عوده قويه معاك ان شاءالله من ديم بندا وارض الحيوان الى ديم سلك الدخلو اكلو هلك

فنطوط يا جارى العزيز والله مشتاقين وينك وانا منتظرك والحقنى ...:D

تحياتي

[fox]

الأخ عماد ساتى والله ياعزيزى ماهذا إلا وفاءاً منك للمكان الذى عشت فيه وإن دل على شىء فإنه يدل على طيب أصلك وكرم أخلاقك..والماعنده خير فى أهله وناس حلته ماعنده خير فى أحد...مش كدة ولا إيه....لكن معظم ناس الديم مغرمين بالكورة فهل كانت هوايتك الكرة؟؟

وبعدين صحيح ما سمعناه عن شباب الديم بأنهم يعملوا مناسبة من لامناسبة بغرض الهجيجج والطرب؟؟

وقالوا هناك فى الديم عملوا فراش عزاء لبوب مارلى،وأيضاً قالوا كان فى مسلسل العصابة خطفت فيه بنت القاضى علشان ما حكم لصالحهم وما قبل الرشوى..ويوم قامت البنت هربت من العصابة عملوا حفلة فى الديم؟؟

المقصود أنهم ناس بهجة وفرايحيين ويموتوا فى حاجة إسمها حفلات وطرب والبارتيات عندهم عادى زى السلام عليكم!!!!!!!!ولا شنو يا عمدة..

[عماد ساتي]

الأخ عماد ساتى والله ياعزيزى ماهذا إلا وفاءاً منك للمكان الذى عشت فيه وإن دل على شىء فإنه يدل على طيب أصلك وكرم أخلاقك..والماعنده خير فى أهله وناس حلته ماعنده خير فى أحد...مش كدة ولا إيه....لكن معظم ناس الديم مغرمين بالكورة فهل كانت هوايتك الكرة؟؟

وبعدين صحيح ما سمعناه عن شباب الديم بأنهم يعملوا مناسبة من لامناسبة بغرض الهجيجج والطرب؟؟

وقالوا هناك فى الديم عملوا فراش عزاء لبوب مارلى،وأيضاً قالوا كان فى مسلسل العصابة خطفت فيه بنت القاضى علشان ما حكم لصالحهم وما قبل الرشوى..ويوم قامت البنت هربت من العصابة عملوا حفلة فى الديم؟؟

المقصود أنهم ناس بهجة وفرايحيين ويموتوا فى حاجة إسمها حفلات وطرب والبارتيات عندهم عادى زى السلام عليكم!!!!!!!!ولا شنو يا عمدة..


اخى العزيز فوكس ... تحياتي لك وشكرا لمرورك.... للأسف الشديد انا كنت بتابع الكورة من بعيد لبعيد وكنت بتاع مزيكة ساكت .... فعلاً ناس الديم يعملوا مناسبة من لا مناسبة وذلك طلباً للهجيج مثلا واحد قلع ضرس يعملوا ليه بارتى كارب كده :D:D ... قصة فراش بوب مارلى دى ما صحيحة لكن حزن ناس الديم شديد على وفاته.... فعلا يا فوكس ناس الديم بتاعين بهجة شديد وناس متعاونيين ومتكاتفين جدا.

تحياتي لك

[الكردفاني]

الله عليك ياعمدة، تمام ومية المية وده توثيق جميل لذلك الحي العريق حي الديم، ونحن في إنتظار المزيد من زكرياتك في الديم.
تحياتي
أخوك/ عمادالدين الكردفاني

[عماد ساتي]

الأخ الكردفاني

اسعدنى مرورك وانشاء الله قريباً ساكتب المزيد.

تحياتي

[امبيسا]

سوق الديم
سوق الديم من اقدم الاسواق في منطقة الديم- وهو يجمع خليط من سكان الديم والجنسيات الاخرى التي تسكن في المنطقة والترزية والحلاقين والمطاعم الشعبية وجميع سكان الديم يلتقون في هذا السوق الملئ بالحكاوي والاخبار السياسية والاجتماعي والفكاهه وهنالك بعض الفنانين تجدم يترنمون بألة العود بجوار ست الشاي وايضا تجد ة قهوة اب جوكو التي تقع في السوق ملتقى جميع الناس . ومعظم لاعبين المنتخب والاندية تجدهم في السوق والفنانين الكبار وهو نقطة تجمع هامة لسكان الديم

[ود القبايل]

الديامة كان الغنماية ولدت يعملوا بارتي ههههههههههههه
اخوكم ود القبايل
بحري الصافية

[عماد ساتي]

العزيز امبيسا ... طلعت ديامى اصلى ... فعلا محل العود مشهور جنب دكان جون ملتقى السياسيين البوليتاريا وانت قلت بجوار ست الشاى ...اىىى اكيد شربت شاى هناك وهى مشهورة بخفة الدم صحى كلامى.

تحياتي

[امبيسا]

والله صحي وعازمنك شاي مع انغام العود والمزيكا
وهاك دي نبذة تعريفية عنة فرقة جاز الديوم بصوت الممثل محمد عبدالرحيم قورنى
[فقط الأعضاء المسجلين والمفعلين يمكنهم رؤية الروابط]
ودي غنية ليهم
من عيني النوم قلا براي يا خلا
[فقط الأعضاء المسجلين والمفعلين يمكنهم رؤية الروابط]

[امبيسا]

فنانين الديم
اشتهر حي الديم بكثير من الفنانين والموسيقيين والملحنين والفنانات ومازالوا متواجدين في الديم ومنهم فرقة جاز الديوم براسة الفنان ابراهيم حسين عبده والفنانه سميرة دنيا عمنا عازف الجيتار المشهور في الاذاعة والتلفزيون رمضان عمنا عبد الفتاح الله جابو عازغ الكمان وهو أول من عمل آلة كمان من الصفيح عمنا عوض دوكا من الزين يجيدون عزف العود الفنان عمر احساس الفنان المرحوم رمضان زايد- الفنانه عيده- الفنانه زهرمان- خالد مختار - وكثير من الفنانين والموسيقيين.

[عماد ساتي]

أمبيسا ... كيف حالك وقعت لى فى الجرح ولقيت زول طاره يساعدنى فى هذا البوست عشان اخوك ذاكرته هرمت ورفعت ابراهيم كبير ههههه :d وايضاً من فناني الديم الفنان رمضان زايد والكوميدى المشهور طارق الأمين فرقة الهيلاهوب والفنان مصطفى سيداحمد فى فترة سابقة.

طبعا فرقة جاز الديم دى قصه براها وهى تعبر عن نبض الديم واعتقد بان جاز الديم لو لم تكن فى الديم لكانت عشان كده فى الحفلات يعزفوا فقط والحضور يغنوا لقد شاهدت فى الثمانيات من القرن الماضى تلك اللوحه الرائعة عدة مرات وكانت كل الحفلة تردد (براى يا خلا انا من عينى النوم قلا) ولا انسى عبدالقوى وعباس زلط.

تحياتي لك امبيسا ودمت.

[امبيسا]

من سكان الديم عمنا ابراهيم بلال رحمه الله كان موسوعة في الثقافة والمعرفة وبمكتبته الثره بكل انواع الكتب والمراجع الدينية والسياسية والفنية.وكان يعشق كرة القدم وكان يحمل كرسيه ويذهب إلى الساحة الشعبية لحضور المباريات.
ومن اهم الشخصيات استاذنا النور خضر علم من اعلام التعليم في المنطقة وقد سميت مدرسة السجانة النموذجية باسمه مدرسة النور خضر و يكن له كل سكان الحي بالإحترام والتقدير والله يديهو العافية
---------------------------------
تخررررررررررررريمه
اليوم 19/11 كانت هنالك ليلة غنائية في نادي الاتحاد بالديوم وهو نادي إجتماعي رياضي وإمتلأ النادي بالديامه من كلي مناطق الديم وتعال شوووووووووووف مع سميره دنيا بنت الديم رقيص سااااااااااااااااااااي واخر عظمه

[عماد ساتي]

امبيسا نحنا طلعنا اولاد حله واحدة يا سلام ذكرتنى العم العزيز المثقف ابراهيم بلال رحمه الله والأستاذ النور خضر النور ... طيب انا كنت ساكن جنب نادى التعايشة عرفتنى والا لسه.

تحياتي

[فنطوط]

الديامه حبايبي الحلوين اهل الكفر والوتر اهل اللغات والإبتسامات ازيكم
انا عارف يا بطرس مقصر معاك شديد في البوست ده لكن لك العتبى حتى ترضى .

[كمال عدلان]

الديم وما ادراك بالديم

الديم الدين
الديم التواصل
الديم الكفر
الديم الوتر
الديم سلك
الديم تعايشة
الديم حجر
الديم مايقوما
الديم بشدار
تحياتي واشواقي لكل فردي بالديم عبد السلام جلود / معاوية/ منتصر عبدالله / علي قدس / ابوبكر / عبد العزيز حمبوكة / مرتضى تهريب / وكل زملاء كورس مشتل المقرن .
انا ما قلت ليك يا عماد ساتي لما اتكلمت عن قهوة الحبش انت جبت الكلام ده من وين يعني شكي طلع في محله وبصراحة ما اى زول بيعرف قهوة الحبش ولما اقول قهوة الحبش ما قصدي اى قهوة من اى ست شاي حبشية قاعدة في الشارع .
لك التحية على هذا الطرح .

[عماد ساتي]

الأخ العزيز كمال عدلان اشكر مرورك الجميل وكمان فى انتظار مشاركاتك فى البوست دا بالذات.

تحياتي

[عماد ساتي]

الديم والحبش

عشق الأحباش من قديم الزمان منذ الستينات الديم وسكنوا الديم واعتقد ان سبب محبتهم للديم يكمن فى عشقهم للموسيقى والبارتيهات Parties والديسكوهات والتى متوفرة بكثرة فى الديم... اى مناسبة ان شاء قلع ضرس يعملوا بارتي والأحباش شعب فنان بطبعه يتمتعون باصوات جميله جداً (يقال انهم من نسل الملك داؤود) عازف الناى يقال انه عندما كان يعزف على الناى تتوقف كل الحيوانات والطيور لسماعه.

كما ان الديم هو بكل المقايسس موطن الموضه والأحباش يحبون اللبس القيافه يعنى الديم يعتبر الشانزليزيه فى الخرطوم ويقال بان الأحباش اول من ادخل الجينز للسودان فى السبيعينات.

نواصل

تحياتي

[كمال عدلان]

العزيز / عماد ساتي كل التحايا العطرة ممزوجة بطيبة اهل الديم بكل اجناسهم وكل ثقافاتهم وتحية لهم في كل ديم .
اخي من منطلق الموضع المطروح ولكي تعم الفائدة وتمتلك المعلومات الغائبة عن الكثير منا ومنكم نمتلك ما هو غائب عنا .......
ثمة اسئلة تدور في دواخلنا ولك ان اتجيب اوتترك الفرصة لمن لهم الدراية عن الاسئلة من الاعضاء .

ماهي حدود الديم الجغرافية ؟
ماهي العلاقة بين اهل الديم واهل العمارات ؟
ماعلاقة الديوم الشرقية بالديوم الغربية ؟
ماهو اقدم مسمى للديوم الشرقية سلك ام حجر ام ماذا؟
لماذا سمى شارع باشدار بهذا الاسم ومن اين يبدا واين ينتهي ؟
ما علاقة كزام الشهير بصيوانات المناسبات باهل الديم؟
ما هي قصة مسمى ابوحمامة ؟
اخي الله يعينك على الاجوبة مع انه في غيرها بس الاول هذه .

[كمال عدلان]

وينك يا عماد ساتي ؟؟؟؟؟؟؟؟

ممكن الاستعانة بصديق او حذف الاسئلة كما تشاء بس اظهر .

[الريم]

جميل جميل ياديامه ونحن اهلكم وجيرانكم من حي الزهور فرقنا من الديم شارعين يعني نحن بي شارع الصحافة بالنص والعمارات بين شارع 25 و27 والعايزنه كله بنلقاه في الديم الحنانه والبترقص العروس ههههه والفنانه والبتبيع الخمره والحنه الديم يااخواني لالامي كل شئ كل شئ يخص النساء وياما مشيت مع بنات خالي واخواني سوق الديم وجبنا الطلح والشاف للخالات واشترينا القلل الفخارية من سوق الديم وجبناها معانا ابوظبي الديم عبارة عن وطن كااامل لامي جميع الاعراق والاجناس ونحن ياعماد ساتي جيران بيت النوش اهل القولد
وبرضو عم عبده وصالح سيد الدكان وطبعا حي الزهور تعتبر جزء من الديم لانهم كلهم يحتلو مساحه واحده ونفس المكان يعني جيران شكرا لك اخي عماد علي السياحه الجميلة دي في شوارع الديم وطبعا لما نحن صغار ونمشى سوق الدديم بنات الديم دااائما نلاقي منهم علقة حااارة ماشاء الله لاعبات كاراتيه ماهرات ونحن بنات ابوظبي طول لسان في الهواء وخوف شديييد منهم وديامي وخليك ديامي

[الريم]

العزيز / عماد ساتي كل التحايا العطرة ممزوجة بطيبة اهل الديم بكل اجناسهم وكل ثقافاتهم وتحية لهم في كل ديم .
اخي من منطلق الموضع المطروح ولكي تعم الفائدة وتمتلك المعلومات الغائبة عن الكثير منا ومنكم نمتلك ما هو غائب عنا .......
ثمة اسئلة تدور في دواخلنا ولك ان اتجيب اوتترك الفرصة لمن لهم الدراية عن الاسئلة من الاعضاء .

ماهي حدود الديم الجغرافية ؟
ماهي العلاقة بين اهل الديم واهل العمارات ؟
ماعلاقة الديوم الشرقية بالديوم الغربية ؟
ماهو اقدم مسمى للديوم الشرقية سلك ام حجر ام ماذا؟
لماذا سمى شارع باشدار بهذا الاسم ومن اين يبدا واين ينتهي ؟
ما علاقة كزام الشهير بصيوانات المناسبات باهل الديم؟
ما هي قصة مسمى ابوحمامة ؟
اخي الله يعينك على الاجوبة مع انه في غيرها بس الاول هذه .
اعتبره استعان بصديق لكن صديق فاشل بس ابوحمامه لكن تابعه للحلة الجديده في لفة الرميله بعيده من الديم ويفصله عن الديوم الغربيه شارع الحرية وابوحمامه برضو اهلي سا كنين فيها وبنجيب منها اللحم والدجاج والخضار والديوم الشرقيه يفصله من الغربيه شارع الصحافة ظلط (معليش استعنته بي امي وبصصتني شويه في الكلام ده )

[فنطوط]

اعتبره استعان بصديق لكن صديق فاشل بس ابوحمامه لكن تابعه للحلة الجديده في لفة الرميله بعيده من الديم ويفصله عن الديوم الغربيه شارع الحرية وابوحمامه برضو اهلي سا كنين فيها وبنجيب منها اللحم والدجاج والخضار والديوم الشرقيه يفصله من الغربيه شارع الصحافة ظلط (معليش استعنته بي امي وبصصتني شويه في الكلام ده )

منو القال ابوحمامه في لفة الرميله وبعيده من الديم

لي عوده للتوضيح يا الريم

[عوض الباقر]

[QUOTE=عماد ساتي;3788]تعالوا الليلة نحكى عن حى متفرد بمعنى الكلمة الا وهو الديوم الشرقية بالخرطوم واختصارا (الديم) والذى كان من حظى ان يكون ميلادى به وترعرعت فيه (ترعرعت دى عجبتنى شديد) وبقيت ديامى بالميلاد.

أخي عماد
لك التحية،،
ياااااااااه إنت رجعتنا.. سنه وفتحت جروح ابت تندمل . حليل الايام ديك. لما كان اولاد الحله ذي الاخوان( علي فكره أنا ديامي علي السكين، ميلاد ونشأة ودراسة ومن هناك إغتربت) ولحد الان كل ما انزل إجازه لازم اقيف وابكي علي الاطلال، وكمان بودي اولادي واوريهم واشرح ليهم كيف كان اهل الديم تلقاهم في السراء والضراء مع بعض وكانوا كالبنيان يشد بعضه البعض وإذا اشتكي منه عضو تداعي له كل الجيران بالسهر والوقوف إلي جانبه. ويااااااحليل أيام الساحه الشعبية ونادي الاستقلال ليق جامع طيفور وسوق الديم وكشك عمك ابوظريفة عليه رحمة الله والكلام عن الديم وناس الديم كثير ولنا عوده

[محمد يحيي]

بسم الله الرحمن الرحيم
السلام عليكم ورحمة الله وبركاته
مرحبا بك أخي تقبلوا خالص تحياتي
اخ / عماد ساتي وشكر علي هذا الكلام الجميل عن الديم وانا ديمي باميلاد الديم هو السودان الديم الخرطوم واما سكن الديم ما سكن الخرطوم وما سكن المورداة مسكن عطبره وما سكن كوريا ما سكن بورتسودان الديم الحضاره ويا اخي عمار لعلم انو اخ /حروه في حلة الاستقلال فرش بومرلي ثلاث يوم وانا شهد علي هذا الكلام

[ابو عبد الحفيظ]

لكم الشكر احبتي ولكم العتبي لغياب الاخ عماد ساتي لظروف سفره الي السودان لقضاء اجازته السنوية واتمني من جميع الديامة المشاركة في البوست

[كمال عدلان]

يا فنطوط خليها تتفسح شكلها ساكنة القوز وبتجي نايمة من الخرطوم في كنبة باصات الديوم الغربية .


محمد يحي انا سكنتهم كلهم الا كوريا لما اشتغلت في بورسودان سكنت الاسكلة .
بس الموردة عطبرة صورة طبق الاصل من الديم .

[salahelfaki]

عماد ساتي والديامة .. والزوار..
أنا ابن الحلة الجديدة .. وفي الديم كان لدينا صداقات جميمة.. منهم علي سبيل المثال.. عمنا المرحوم عمر عبده.. وأولاد أخيه.. اسماعيل محمد عبده.. وكان لي صديق شخصي في ديم القنا.. وكان لدي صديق آخر في محطة الغالي.. الأخ يحي محمد أحمد موسي.. وكان هناك زميلنا في وزارة العمل عازف الكمان ..كابو.. وكما كان كابو زميلنا .. كان هناك كابو آخر يسكن قرب اشلاق البوليس قرب سينما النيلين.. وسينما النيلين هذه لنا معها ذكريات جميلة.. فكلما نريد أن نقضي وقت.. نذهب لها.. دورين ..الأول والثاني.. وخاصة عندما كان هناك فيلم عرس الزين.. حيث (هججنا ورقصنا وكأنه بيت عرس).. لدرجة أن مدير السنما أعاد لنا لفيلم لأكثر من مرة..حيث استمر قرابة الشهر في سينما النيلين..
رابطة المايقوما لعبنا فيها وخاصة أخونا وصديقنا قرض.. والأخ الصديق / عبدالعال أبوشنب.. اللاعب السريع.. وأخونا وصديقنا.. محمد حامد..لاعب اشبال المريخ.. وطالما ذكرنا الرابطة.. والتى كانت تعد أكبر رابطة.. لا بد لنا من ذكر ديجانقو.. لاعب النيران.. وهناك حارس مرمي فريق الوحدة.. لاعب يمسك بالكرة مثل الليمونة ما شاء الله عليه.. ولا بد من ذكر الأخ العزيز جدا.. هاشم اسحاق.. لاعب الأهلي الخرطومي..والتيجو.. والأخ العزيز جدا..شمس الدين لاعب النيل.. الرشيد وأخوه صلاح الرشيد..
أسماء كثيرة أتمنى تذكرها ..ولكن يبدو أن الذاكرة قد (خربت) بسبب غربة دامت 25سنة.. كافية لقتل الهمم..
ولي عودة لتنشيط الذاكرة..
عفوا..سأقوم بانزال بوست باسم الحلة الجديدة تلك الجميلة..أتضامن فيه مع الديم وما جاورها..وصولا لبيت أختنا أم مجاهد.. والابنة العزيزة الريم..

[محمد يحيي]

اخ/
salaheifaki
لك التحية والي ناس الحلة الجديدة ومرحب بك في الديم والحلة الجديدة والديم بيت واحد بس ذلط ابوحمامة هو السبب ونحن اهل الديم يوجد لدينا معرفه باشباب الحلة الجديدة في مجال الكرة امثل المرحوم عصام عز الدين واخ عصام خليل وعثمان وهاني وجميع شبان نادي الدفاع الكرة الطائرة
وتقبل انا نكون اعضاء في منتديات الحلة الجديدة من اليوم

[salahelfaki]

اخ/
salaheifaki
لك التحية والي ناس الحلة الجديدة ومرحب بك في الديم والحلة الجديدة والديم بيت واحد بس ذلط ابوحمامة هو السبب ونحن اهل الديم يوجد لدينا معرفه باشباب الحلة الجديدة في مجال الكرة امثل المرحوم عصام عز الدين واخ عصام خليل وعثمان وهاني وجميع شبان نادي الدفاع الكرة الطائرة
وتقبل انا نكون اعضاء في منتديات الحلة الجديدة من اليوم

محمد يحي..
هلا بيك وغلا.. ومرحبا بك.. لقد هيجنى هذا البوست ودفع في نفسي شجون وخبايا كثيرة.. وجعلنى أنفض التراب عن ما كتبته عن الحلة الجديدة.. قبلا ..لأعيد بعضه هنا..
عصام خليل أعرفه وأعرف أخاه كمال خليل.. وتلك المنطقة تبعد عنا حوالي 2 كلم.. فأنا قرب محطة ابوحمامة.. وعصام خليل في شمال الحلة الجديدة قرب ميدان الليق.. ولكنا كنا نعرف بعضنا البعض وكأننا ابناء حي واحد..
لنا لقاء هناك.. ان شاء الله..

[ود الفضل]

سلام يا الديامة حكاويكم حلوة بطعم سماحة انسان بلدي.....
واصلوا نحن في الإنتظار....
ولا الراي شنو يا صلاح!!!!!!!!!!!!

[فنطوط]

محمد يحي..
هلا بيك وغلا.. ومرحبا بك.. لقد هيجنى هذا البوست ودفع في نفسي شجون وخبايا كثيرة.. وجعلنى أنفض التراب عن ما كتبته عن الحلة الجديدة.. قبلا ..لأعيد بعضه هنا..
عصام خليل أعرفه وأعرف أخاه كمال خليل.. وتلك المنطقة تبعد عنا حوالي 2 كلم.. فأنا قرب محطة ابوحمامة.. وعصام خليل في شمال الحلة الجديدة قرب ميدان الليق.. ولكنا كنا نعرف بعضنا البعض وكأننا ابناء حي واحد..
لنا لقاء هناك.. ان شاء الله..

رحم الله اخونا عصام خليل رحمة واسعه

[kymo]

أخونا عماد ساتي الديامي الاصيل
شكرا لك على هذا البوست الذي أثار الشجون وهيج بالذكريات وجنح بنا الى مرافيء ايام خوالي مرحا قضيناها في ديمنا العزيز وعشان نبدأ القصة من أولها ثم نصل الى حبنا ديم الله ابو شنبر(كما كان يطلق عليه الديامه زمان عندما تسأل واحد من الديم ساكن وين طوالي يقول ليك ديم الله ابوشنبر).
نحنا بنسمع كتير عن نمرة 2 ونمرة 3 طيب وين نمره واحد؟ مافي واحد سأل نفسه السؤال ده؟
عشان نعرف حدود الديم لازم نعرف حدود نمره واحد:
نمره واحد تبدأ من نهاية محطة الغالي وتحديد بعد نهاية الطلمبة مباشرة يعني الطلمبة داخله داخل حدود الديم وتمتد حدود نمره واحد الى بداية الشارع الممتد امام حديقة القرشي من الناحية الجنوبية وهو الشارع الذي يمتد الى ان يصل القسم الجنوبي سابقا( حاليا القسم الاوسط) ومن الناحية الشرقية تحده مقابر فاروق ومن الناحية الغربية امتدات الشارع الذي يمر غرب حديقة القرشي باتجاه الجنوب حتي يقاصد محطة الغالي .. هذا هو (نمره واحد)
ما دون ذلك فالباقي من المنطقة هو الديوم سواء كانت شرقية أو غربية (باستثناء السجانه والمايقوما وحي الزهور) وحتى هذه كان يطلق عليها في السابق ديم السجانه ديم المايقوما وديم حي الزهور.
وكان يطلق على كل هذه المنطقة كلمة الديوم بمسمياتها المختلفه ديم التعايشة ديم تقلي ديم برته ديم القنا ديم سلك ديم سلمان الخ ..

هذا تعريف عام وسوف نعود فيما بعد للذكريات وسوق الديم وقهوة ابوجوكو وحاج دردق العجلاتي ودكان ود البلد والفن والكورة في الديوم وسينما النيلين والشخصيات البارزه .. ولنا عوده.

[فنطوط]

عماد ساتي والديامة .. والزوار..
أنا ابن الحلة الجديدة .. رابطة المايقوما لعبنا فيها وخاصة أخونا وصديقنا قرض..
لا بد لنا من ذكر ديجانقو.. لاعب النيران.. وهناك حارس مرمي فريق الوحدة.. لاعب يمسك بالكرة مثل الليمونة ما شاء الله عليه.. ولا بد من ذكر الأخ العزيز جدا.. هاشم اسحاق.. لاعب الأهلي الخرطومي..والتيجو.. والأخ العزيز جدا..شمس الدين لاعب النيل.. الرشيد وأخوه صلاح الرشيد..
أسماء كثيرة أتمنى تذكرها ..ولكن يبدو أن الذاكرة قد (خربت) بسبب غربة دامت 25سنة.. كافية لقتل الهمم..
ولي عودة لتنشيط الذاكرة..
عفوا..سأقوم بانزال بوست باسم الحلة الجديدة تلك الجميلة..أتضامن فيه مع الديم وما جاورها..وصولا لبيت أختنا أم مجاهد.. والابنة العزيزة الريم..

تسلم يا ريس
انا الاسماء دي كلها عرفتها بس ياتو واحد في اولاد قرض لعب معاك (اسماعيل ، صلاح، ربيع ، عماد )

[salahelfaki]

تسلم يا ريس
انا الاسماء دي كلها عرفتها بس ياتو واحد في اولاد قرض لعب معاك (اسماعيل ، صلاح، ربيع ، عماد )


لك الشكر فنطوط..
العم عبدالله سليم صديق شخصي للوالد.. وزميل له في النقل الميكانيكي.. لأكثر من خمسة وثلاثين سنة.. وأولاده كلهم معرفة لي.. أنا لعبت لفترة بسيطة جدا في رابطة القوز في فريق الفجر الجديد.. ثم تركت الكرة واتجهت للغناء .. فوجدته غير مجدي.. أخيرا أصبحت متفرج..
في تلك الفترة كان يلعب معنا الأخ ميرغنى عبدالله سليم والملقب بقرض أو كراع حديد.. وتشهد له الملاعب ’تذاك بأنه كان صلبا ومدافعا جسورا.. لا تستطيع أن تمر منه.. أما الذين ذكرتهم أنت ..فهم أخوته الذين يصغرونه في السن..وكلهم أخوة بالنسبة لي..
سأذكرهم ايضا في بوست الحلة الجديدة.. فهم ان لم يذكروا.. فكأنما البوست قد فقد معناه..

[محمد يحيي]

اخي kymoكيف هل انت من الديم لو ضهب سي

[salahelfaki]

رحم الله اخونا عصام خليل رحمة واسعه

لا حول ولا قوة الا بالله .. الدوام لله.. رحم الله الأخ عصام خليل.. والعزاء لأسرته الكريمة ..خاصة أخونا كمال خليل.. الحقيقة الفترة طالت ولم أعرف هذه المعلومة..
شكرا لك فنطوط..

[kymo]

أخي محمد يحي السلام جاك
اخوك من الديم ومن حي القنا جنوب السوق ميدان الرعد والنصر تحديدا نشأة وصبا وشبابا وشيبا كنت ومازلت ديامي نمبر ون لعبت بفريق النصر والرعد ثم فريق العاصفه الذي كنت كابتنا له ومن اوائل الذين ساهموا في بناء الساحة الشعبية بالديوم الشرقية ومن المشتركين في مهرجان الشباب الاول الذي كانت تدريباته بالساحة الشعبية بقيادة خبير الاستعراضات ابوجبل وقتها واقيم العرض باستاد الخرطوم .. وانت من ننيو يا دلو.
اوع تكون طاشي ولى حاجه

[محمد يحيي]

اخي/kymo
انا جدي مولود في الديم خلي انا وساكن في حلة الاتحاد شمال النظام العام ولعبت في الساحة وامي مولود في الديم وانا هس خارج السودان لكن الديم جاري في دمي
النصر حسن زايد و الطاوؤس وناس مزمل دفع الله ومحمود ومصطفي ومنير والنصر جمال لوفا وشيخ ادريس عبد المحمود

[kymo]

اخونا محمد يحي
ازيدك من الشعر بيت انت بتتكلم عن زمن قريب وانا ابدأ ليك من زمن أبعد شويه زمن ناس مصطفى ود الكاندو واحمد سالم وودالفولي والنمتي وسوماك وعبدالحفيظ جادين وبكري هيمت وسعيد وش البابور وفضل بريمه ومحمد موسى وخضر موسى وسوماك وعثمان ود ابجوكو الخ.. من النصر ومن الرعد عبدالقادر هلموته وعبدالقادر اسحق وحاج دردق وود الجاك والخواجه وعزالدين ود النل أخو شرف الدين ومن العاصفة حماد ابراهيم حماد والسر كفلي وعثمان كفلي وعبدالوهاب ابراهيم احمد والشيخ نيجريا والشيخ العرندس طبعا كل الخلق القلتها ليك دي انحنا مادفعتن لكن عاصرناهم ونحن الجيل اللي استلم الرايه منهم يعني دفعتنا هي ناس مزمل دفع الله وشرف الدين موسى ومحمد قرنوق وعبدالمحمود وشيخ ادريس فيما بعد وعبدالفتاح شاويش ومدثر دفع الله اما حسن زائد وطه ابراهيم احمد ومحمد جمعه واسماعيل سمبك الخ .. فديل الدفعه البعدنا وعاصرونا في نفس الوقت.

بالمناسبة بيتنا فاتح في ميدان الرعد والنصر مباشرة من الناحية الشماليه ويفتح جنوب وفيه الغسال الوحيد الفاتح في الميدان منذ أكثر من خمسين سنة وحتى تاريخه.. يعني المويه بعد التمرين من اندنا.

والله بعد ده الا كان أجيب ليك بطاقة جدي تحتمس الأول.

بالمناسبة ايضا انا ذكرت ليك الشخصيات دي مش عشان التأكيد باني ديامي لكن عشان نتذكر الزمن الجميل وهذه الشخصيات التي كنا في صبانا نعتبرها ذي الشخصيات الخرافية الهلامية من فرط اعجابنا بها وأغلب هؤلاء هم ممن رسمو شخصية الديم الكروية طبعا في شخصيات كتيره من فرق اخرى كالنجم الاحمر ناس ودكه اخوان عبدالرازق وعبدالوهاب وحسين ومن الوطن والحريه والاستقلال والاتحاد والطليعه ناس زومبا الخ.. ممن يضيق المجال بذكرهم حاليا.. ولسع ما جينا لأهل الفن.

واشوفك قدام.

وبرضه الشكر موصول لأخونا عماد ساتي لفتحه المخزون في لاشعور الديامه.

[محمد يحيي]

اخ /kymo
السلام عليكم يا عمي ما تزعل انت شيخ الديم واب الروحي وابو جوكو كمان بس برحه علي نحن لس شباب وانت رجل عمي لك الاحترم ثم الاحترم ثم الاحترم ياعمي كيمو علي العلم انا اخي الكبير اسمو محمود يحيي لعب في الاتحاد ثم الاهلي يمكن تكون يتعرفو مع ناس شرف الدين احمد موسي في المريخ ونمر في التحرير وعوض الصافي وعلي عبدالله اومزمل دفع الله في الهلال انت تكلمت عن الفن في الديم الديم جاز الديم وكمال كيلا وجيلاني الواثق وعمر عبده وهرم عثمان حسين وارجو منك الكثير في الفن لانك انت موسوعه ما شاء الله يا عمي كيمو بس انت ما تكون كمال العمارات لنت حله ناس بت النوش لك الشكر ثم الاحترم يا عمي كيمو ابن اخوك محمد يحيي

[kymo]

بمناسبة شيخ الديم دي دي طبعا كان في ناس شيخ السوق واولاده ناس صديق كلزيوم واخوه عباس وفي كمان حبتين اصغر نسيت اسمائهم ومن ألمع شخصيات الديم ناس عمك عبدون واولاده هاشم واخوانه ومن اعلام الديم التي لاتخطأها العين عمك المرحوم الدبل اسمه بالكامل محمد الحسن وقيع الله (الشهير بالدبل) وكان عنده أشهر واقدم عربة تاكسي (كونسل) وقتها وبعدها فتح محل في بيته للمناسبات والحفلات والمكرفونات وكان يقيم معه الفنان النعام آدم ، وقتها كانت فرقة جاز الديم في أوج مجدها كأول فرقة نحاسية في الديم ومن افرادها عمر كبو وكرتو وحاج دردق ومجموعه اخري وكان عندها مشجعين ملتزمين ذي بتاعين الكوره هسع يباروها محل ما تكون ذي ناس ابراهيم تبن وناس كابو وغيرهم ، وظهرت بعد ذلك بفتره مجموعة من الفرق الشبابية الاخرى تتغني بالحقيبة بصوره حديثه ذي فرقة حي القنا بقيادة بدرالدين حسن عباس وقاسم الحلفاوي وفيما بعد بدرالدين وعطا عمر صالح وكان يصاحبهم في الايقاع أحمد مدني وفي الكورس كمال سيسي والشاذلي وعبدالمجيد النعير وعبدالمجيد آخر وآخرين ثم ظهرت فرقة اخري على نفس النمط واعتقد كان يسمونها فرقة اولاد المايقوما بقيادة عبدالله الصديق وعلي مختار وعمر سليمان (ان لم تخني الذاكره في اسمه) الذي حول فيما بعد لفرقة اخرى تتغني باغني الجاز وبالمناسبة هذا الشخص درس معي بالمدرسة الاوليه بكوريا (وكوريا دي مافي آسيا ياشباب(ده للناس الماعارفين الديم ) ده الحي الواقع جنوب مقابر فاروق وكان اسمها (مدرسة عزالدين) على اسم الناظر.
وسنعود فيما بعد للفنانين الحديثين في تلك الفترة وذكريات أخريات.

وبعدين يا اخوي انا اقول ليك بيتنا فاتح في ميدان الرعد والنصر كان ومازال حتي هذه اللحظة ترجع تقول لي كمال العمارات .. يا اخوي العمارات دي نحنا كنا بنجيب منها القش في الخريف ونعوم في الترع البحفروها لواري التراب .. يعني ما كانت موجوده من اساسه تقولي شنو وتقولي منو؟
تخريمه :
يا شيخ محمد يحي ما دام ساكن في حلة الاتحاد وشمال النظام العام أكيد بتعرف عمك محمد احمد عثمان ابودقن واذا ما عرفته أكيد بتعرف ولده محمد الملقب ب ( محمد المجنون) بيتهم مقابل بيت ناس ود الريفي .

[kymo]

عوووووووووووووووووووووك يا عماد ساتي

يا اخوانا صاحب البوست ده مشى وين ؟ حتى اخونا محمد يحى الكان متحرك شويه نام في العسل ..الديم ده كبير ياديامه كل واحد يمسك ليه حته منه ويجضمه.

[محمد يحيي]

يا kymoالعمارات
الديم كبير اي نعم واكبر من العمارات كمان يا كيمو اتحدث لنه عن الفن في الديم لنو انت رجل عمنه بس جيل اليوم مش قبل 50سنه نحن عوزين ناس مجاهد جاز الديم وليس المرحوم عمر عبده والتمثيل/ ومحمد قرني وامنه الحاج وزروق محمد ومهدي عبدالله هذه جيل اليوم


يا اخي كميو انت عمد ساتي ده عرس وشنو

[محمد يحيي]

اخ كيمو الحاصل شنو يا اخي وانا وانت بس من الديم ولاشنو

[فنطوط]

الغالين محمد يحي kymo وكل الديامه الحلوين لكم التحية وانتم تتجولون هنا وتتزكروا في ناس الديم والحلة الجديده محل الكفر والوتر والابتسامات واللغات طبعا انا خليط ما بين الديم والحله الجديده عشقى الابدي .
بالله كدي واحد منكم يعدد لينا الديوم كلها الشرقيه فقط لانها كثيره طبعا الغربيه معروفه وهي الحله الجديده بما فيها ابوحمامه و ديم سلك وديم سلمان والقوز والرميله .

ولي عوده معكم من ديم بندا وديم كارا وارض الحيوان وحلو ايامكم مع الديامه

[عماد ساتي]

الأخوة الأعزاء الدياما الأصليين .. صلاح الفكي وكيمو ومحمد يحيي وفنطوط.

الحقيقة البوست سخن بوجودكم ومنتظر اثراء البوست بذكرياتكم فى ربوع ديمنا الحبيب ... الديم الذي يقف حجرعثرةامام كل الديكتاتوريات المرت على السودان... الديم الفن والموسيقى والطرب والبشكه وتحياتي

[عماد ساتي]

كنا فى ذلك الزمن الجميل صغارا نلهو ونلعب ونأجر عجلات وكنا مغرمين بالحوامة فى العمارات ... الحقيقة كنا نقوم بغارات على العمارات حيث كنا نتسلح بقنايات طويله فى طرفها الأعلى سلك معكوف وذلك لخرط التمر هندى والذى كانت يتواجد بكثرة فى العمارات وطبعا ناس العمارات ما شغالين بيه وشفع العمارات القدرنا لو اكلوه برقدوا مستشفى طوالى:gna:.
ايضاً كما عفاريت بمعنى الكلمة حيث كانت هناك شركة على ما اتذكر اسمها كافورى تقوم بتوزيع اللين على سكان العمارات ونلبد نحن فى انتظار العربية وكانوا يقومون بوضعه على الحيطة الخارجية للمنزل وكانت قصيرة وياخذون الفاضى من نفس المكان نقوم بالإعتداء على الحليب وشرب الزجاجة باردة اتذكرها حتى الآن ووضع الفاضى والزوغه. وبعدها نمر على شارع 15 حيث كانت يوجد كثير من البارات ونلم القزاز الفاضى لبيعه لسيد القزاز وذلك لزوم العشاء فى بوفيه نادى التعايشه ودخول شعب فى سينما النيلين.

ايضا كنا نشرك (نصطاد عصافير) فى مقابر فاروق ... حيث تكثر الطيور ونبات السعدة (الآن لا يوجد نبات السعدة فى المقابر) انقرض فى هذا الزمن الأغبر... وكانت هواية خاصة فى الإجازات تجدنا نحمل اكثر من 5 اشركه ونعود محملين بود ابرك وبت ابرك وطبعا لا ننسى ونحنا راجعين المرور على حى كوريا للتفرج على المشاكل هناك (فرجه بس يا فنطوط :wink:).

تحياتي ونواصل[/align]

[kymo]

وييييييييييييين يا لورد الحكاية شنو كنت غاتس وين الزمن ده كلو ؟.. عموما حمدالله على السلامه.

ده نظام موجودين وكده وبنرجع ليك تاني بأمر المولى

[فنطوط]

العزيز بطرس الف حمدالله على السلامه والبوست نور من جديد


وطبعا لا ننسى ونحنا راجعين المرور على حى كوريا للتفرج على المشاكل هناك (فرجه بس يا فنطوط :wink:).

تحياتي ونواصل[/align]


هسي انا سألتك من شي ولا الفي بطنوا سمسنق براااااااااااهو دانسنق

[عزام السودانى]

تعالوا الليلة نحكى عن حى متفرد بمعنى الكلمة الا وهو الديوم الشرقية بالخرطوم واختصارا (الديم) والذى كان من حظى ان يكون ميلادى به وترعرعت فيه (ترعرعت دى عجبتنى شديد) وبقيت ديامى بالميلاد.

الديم هو تلك المنطقة التى تبدأ من حديقة القرشى حتى السوق الشعبى ومن العمارات حتى السجانة ... تلك البقعة التى خططها الإنجليز . سكان الديم هم خليط من جميع انحاء السودان بذلك يكون الديم سودان مصغر بمعنى الكلمة ... ويعيشون جميعاً فى الفة نادرة الحدوث.

الديم كان ومازال هو مكاناً جميلاً للبوليتاريا الكادحين ومكاناً جميلاً للموسيقى حيث يهوى اهل الديم الموسيقى والموضة حيث كان الديم منبع التقليعات والموضة الجديدة على مر السنين ... يعنى لمن تظهر حلاقة جديدة تلقاها فى الديم اول حاجة بعدين تنتشر فى باقى العاصمة ... ولأهل الديم لغة خاصة تسمى (الرندوق) ... انتشرت الآن فى الجامعات وكان اهل الديم جميعاً صغاراً وكباراً يرندقون ولو ما من الديم ما تفهم حاجة زى بتكلموا رطانة كده و الجكس :d :d كان من احرف المرندقين وهاكم النكتة الحقيقة دى عن الرندوق:

كان احد طارات الديم يحكى مع جكسون بدون ان يراها بالتلفون مدة طويلة وقال لها فى احد الأيام (انتى انحنا حنكون كده على طول كلمنت امبوروا متين حنرفع جوزيف لاقو - )... :d كلمنت امبوروا وجوزيف لاقو من كبار الشخصيات السياسية من جنوب السودان فى ذلك الوقت و معناها انتى انحنا طوالى كده حنكون نتكلم بالتلفون متين نتلاقى. وما اظرفه.

يا فنطوط الحقنى ولازم تكتب فى الحتة دى واللا اشتكيك للديامة.

على كل الديامه الإضافة فى هذا البوست.

والى اللقاء فى الحلقة القادمة.

نواصل

تحياتي

عزيزى ساتى

تحيه عطره
شـكــ وبارك الله فيك ـــرا لك ...

طبعا اخوك ديامى مولود فى الديم وتربيت فى الديم وترعرعت فى الديم

وحموت فى الديم ومازلت عائش فى الديم

انا اسكن جوار عماره القسيس باقرب من مدارس الديم شرق (الجالوص سابقا )

تحيه لك ياديامى

تخريمه : بتعرف ناس انس الحبر و طالوش وكبروس وناس طاشين


ودمتم

[عماد ساتي]

وييييييييييييين يا لورد الحكاية شنو كنت غاتس وين الزمن ده كلو ؟.. عموما حمدالله على السلامه.

ده نظام موجودين وكده وبنرجع ليك تاني بأمر المولى

كيمو ... فى انتظارك وشكرا لك.

تحياتي

[عماد ساتي]

عزيزى ساتى

تحيه عطره
شـكــ وبارك الله فيك ـــرا لك ...

طبعا اخوك ديامى مولود فى الديم وتربيت فى الديم وترعرعت فى الديم

وحموت فى الديم ومازلت عائش فى الديم

انا اسكن جوار عماره القسيس باقرب من مدارس الديم شرق (الجالوص سابقا )

تحيه لك ياديامى

تخريمه : بتعرف ناس انس الحبر و طالوش وكبروس وناس طاشين


ودمتم

الأخ العزيز عزام السوداني ... يا فرده ... انا كنت ساكن جنب نادى التعايشه والآن جوار ميدان الإتحاد وناس طالوش وكبروس وطاشين بعرفون من زمان زمان جداً.
تحياتي واشوفك فى البوست دا يومي

[عزام السودانى]

الأخ العزيز عزام السوداني ... يا فرده ... انا كنت ساكن جنب نادى التعايشه والآن جوار ميدان الإتحاد وناس طالوش وكبروس وطاشين بعرفون من زمان زمان جداً.
تحياتي واشوفك فى البوست دا يومي

ياحبه ميدان الاتحاد معناها قريب لينا

جم ناس عمار النعمان (ابكره) اخو امير بتاع المناسبات وجم ناس ودابعشه

[عماد ساتي]

لكن ما بالغت يا عزام ...تصور نحنا جيران ناس ود ابعشه حيطة بالحيطة من الناحية الثانية ... طلعنا اخوان وجيران تعرف عبده ساتي او نورالدين

تحياتي

[عزام السودانى]

لكن ما بالغت يا عزام ...تصور نحنا جيران ناس ود ابعشه حيطة بالحيطة من الناحية الثانية ... طلعنا اخوان وجيران تعرف عبده ساتي او نورالدين

تحياتي

بلاى سلم على احمد ابعشه من ابوالعزائم

الاسامى ماغريبه على الا اشوفهم

وانا الان بحيك من رمبيك حاضره ولايه البحيرات من الجنوب الحبيب

ودمتم

[محمد يحيي]

اخ /عماد ساتي حمد الله علي السلامة
انت مره ساكن حلة نادي العلمين ومره حلة نادي الاتحاد بامناسبة حلة نادي الاتحاد خط احمر لنو دي حلة انا ساكن في يعني انت يا عماد ساتي مضهب سي في حلة الاتحاد ارجاء منك ان تحكي لنه عن الديم في هذا الاجازة واخص نادي الاتحاد وناس الكشتانة

[عماد ساتي]

الأخ محمد يحيي ... الله يسلمك.
اخوك طبعا من مواليد الديم (جنب دكان بشير وبيت قسمه سابقاً) ورحلنا بعد ذلك الى جوار نادى التعايشة منذ الستينات وحتى 93 جيناكم بعداك جنب ميدان الهلال سابقاً والإتحاد حالياً... جوار ناس ودالبحر وجيران ناس ود ابعشه حيطةبالحيطة ... المصيبة انا طلعت من السودان عام 87 يعنى لمن رحلنا انا بره وبعرف الناس البعرفهم من زمان فى الحلة آل شبو وعمر حلاوة وغيرهم.
ساكتب ان شاء كثير من الزكريات وساكتب عن سوق الديم والإجازة الأخيرة ان شاء الله.

تحياتي

[محمد يحيي]

الأخ محمد يحيي ... الله يسلمك.
اخوك طبعا من مواليد الديم (جنب دكان بشير وبيت قسمه سابقاً) ورحلنا بعد ذلك الى جوار نادى التعايشة منذ الستينات وحتى 93 جيناكم بعداك جنب ميدان الهلال سابقاً والإتحاد حالياً... جوار ناس ودالبحر وجيران ناس ود ابعشه حيطةبالحيطة ... المصيبة انا طلعت من السودان عام 87 يعنى لمن رحلنا انا بره وبعرف الناس البعرفهم من زمان فى الحلة آل شبو وعمر حلاوة وغيرهم.
ساكتب ان شاء كثير من الزكريات وساكتب عن سوق الديم والإجازة الأخيرة ان شاء الله.

تحياتي

اخ عماد لك التحية واعتز بك من الديم ذلك الوطن الثاني انا ساكن جوار نادي الاتحاد اخو احمد يحيي والمرحوم صلاح يحيي يمكن تكون يعرف احمد ارجو ان تحكي لن عن الديم في هذه الاجازة لنو نحن معاك في اغربة

[الريم]

كنا فى ذلك الزمن الجميل صغارا نلهو ونلعب ونأجر عجلات وكنا مغرمين بالحوامة فى العمارات ... الحقيقة كنا نقوم بغارات على العمارات حيث كنا نتسلح بقنايات طويله فى طرفها الأعلى سلك معكوف وذلك لخرط التمر هندى والذى كانت يتواجد بكثرة فى العمارات وطبعا ناس العمارات ما شغالين بيه وشفع العمارات القدرنا لو اكلوه برقدوا مستشفى طوالى:gna:.
ايضاً كما عفاريت بمعنى الكلمة حيث كانت هناك شركة على ما اتذكر اسمها كافورى تقوم بتوزيع اللين على سكان العمارات ونلبد نحن فى انتظار العربية وكانوا يقومون بوضعه على الحيطة الخارجية للمنزل وكانت قصيرة وياخذون الفاضى من نفس المكان نقوم بالإعتداء على الحليب وشرب الزجاجة باردة اتذكرها حتى الآن ووضع الفاضى والزوغه. وبعدها نمر على شارع 15 حيث كانت يوجد كثير من البارات ونلم القزاز الفاضى لبيعه لسيد القزاز وذلك لزوم العشاء فى بوفيه نادى التعايشه ودخول شعب فى سينما النيلين.

ايضا كنا نشرك (نصطاد عصافير) فى مقابر فاروق ... حيث تكثر الطيور ونبات السعدة (الآن لا يوجد نبات السعدة فى المقابر) انقرض فى هذا الزمن الأغبر... وكانت هواية خاصة فى الإجازات تجدنا نحمل اكثر من 5 اشركه ونعود محملين بود ابرك وبت ابرك وطبعا لا ننسى ونحنا راجعين المرور على حى كوريا للتفرج على المشاكل هناك (فرجه بس يا فنطوط :wink:).

تحياتي ونواصل[/align]

غايتو ياعماد في دي بالغته عديييييل كدي والله مته موت من الضحك ودى شقاوة ما بعدها شقاوة وصحيح ديامي وانا ما طلعته منك بعيد جارتك في حي الزهور ولو اني ما اتربيت فيها لكن الان موجوده فيها بحكم ولادة امي فيها والي الان بيت جدي فيها وبننزل فيه كل اجازة يلا اعطينا شئ عن جارتك حي الزهور

[عماد ساتي]

الأخت الريم ... اسعدنى مرورك ...ناس حى الزهور ديل جيراننا وانا الآن اسكن فى آخر مربوع فى الديم ومنه حى الزهور وساحكى عن حى الزهور.

تحياتي

[عماد ساتي]

الحفلات فى الديم طبعا ليها نكهة خاصة جداً ...فحفلات الديم تتميز عن غيرها بالهجيج والطرب والرقص المرتب وكان فى ذلك الزمن مشاهير الراقصين مع الموسيقى الغربية عادل فلانه وليلى فاوستينو وفردتي هاشم ترافولتا والذى اجبرني على دخول فيلم حمى ليلة السبت saturday night fever للممثل جون ترافولتا اكثر من عشرين مرة وذلك لحفظ بعض رقصات ترافولتا وكان يجيدها بصورة مذهلة.
وكنا من نجوم الديسكوهات فى فندق اكسلسيور والنادى الأرمنى وكافتيريا السكه حديد والفروسيه حيث كانت تقام مسابقات احياناً وكانت منافستنا قوية مع اولاد نمرة 3 (اولاد العز) وكنا دائماً نكسبها.
وكان من مشاهير الدى جى D.J ديسكو فاسيلى وعبود والعبدلله على ضيق.
طبعا فى الأمسيات نجلس ونترقب حفله فى الديم لو مافى نرخى اضنينا للنوادى حيث كانت تسمع الحفلات بوضوح ونهاجر للعمارات زاكين الحفلات... وفى مرة من المرات كان هناك حفلة فى النادي القبطى وطبعا نادى استقراطى ويؤمه الأخوة الأقباط فقط والحقيقة كانت مزيكتهم حاره موسيقى غربية فقمنا بالدخول ووقفنا على جنب لا يشبهنا احد وطبعا قاشرين.
وبعد قليل حضر عسكرى كبير السن وسألنا مندهشاً: انتو الدخلكم هنا شنو ..؟؟ فرديت : معزومين.... فضحك ورد بسخرية عليكم الله يا اولاد الديم فى واحد بشبهكم هنا كدى عاينوا بالله ... فتلفتنا وفعلا الجماعة كلهم اقباط. فضحكنا فقال براحه كده اتخارجوا وفعلا اتخارجنا.

تحياتي

[الريم]

الأخت الريم ... اسعدنى مرورك ...ناس حى الزهور ديل جيراننا وانا الآن اسكن فى آخر مربوع فى الديم ومنه حى الزهور وساحكى عن حى الزهور.

تحياتي

المعني ياعماد انك ساكن جنب دكان بشير الفلاتي وكنا معتقدين بشير الذكرته في كلامك هو بشير موسي وازيدك نحن جيران بيت النوش يعني قريبين منك معك متواصلين في الذكريات الجميلة وناس حي الزهور اعتقد ما عندك معهم ذكريات لانهم في حالهم وناس مساكين وماعندهم شدائد مش كده؟

[عماد ساتي]

العزيزة الريم ... ناس النوش ديل اقربائي وبيتنا بيبعد منه 500 متر بس ... وناس حى الزهور عندنا معاهم زكريات وكنا دائماً لناس نمرة 3 والعمارات لمن يسألولنا ساكنين وين نقول حى الزهور عشان ما يهرشوا مننا :wink:

تحياتي وراجع ليك.

[عزام السودانى]

المعني ياعماد انك ساكن جنب دكان بشير الفلاتي وكنا معتقدين بشير الذكرته في كلامك هو بشير موسي وازيدك نحن جيران بيت النوش يعني قريبين منك معك متواصلين في الذكريات الجميلة وناس حي الزهور اعتقد ما عندك معهم ذكريات لانهم في حالهم وناس مساكين وماعندهم شدائد مش كده؟

الريم قلت ساكنه جم ناس النوش سلمى على نصر النوش وميدو اخوه

سلام من عزام السودانى (ابو العزائم) انا ساكن جم بقاله بت الرضى جار ناس النعموش

ودمتم

[الريم]

الريم قلت ساكنه جم ناس النوش سلمى على نصر النوش وميدو اخوه

سلام من عزام السودانى (ابو العزائم) انا ساكن جم بقاله بت الرضى جار ناس النعموش

ودمتم

ان شاء الله سلامك يصل وانا اليوم كنت قريب من دكان عصام النوش وعنده طحنية جميلة جدا بس ما بحب ادخل دكانه لانه قدرت الفول جنب باب الدكان وانا عندى حساسيه من الفول الله يسامح الخليج والاغتراب بقينا مازي السودانيين نحب الفول

[عماد ساتي]

وين الديامة فى اجازه واللا شنو ؟؟؟طبعا موسم اجازات وما احلى الديم فى الإجازات.

راجع ليكم قريباً جداً

تحياتي

[عزام السودانى]

وين الديامة فى اجازه واللا شنو ؟؟؟طبعا موسم اجازات وما احلى الديم فى الإجازات.

راجع ليكم قريباً جداً

تحياتي

الديامه موجودون هنا ياحبه فى اى حاجه جاهزين


ودمتم

[عماد ساتي]

الديم والرياضة

الديامة بطبعهم رياضيين وكثير من اللاعبين البارزين من الديوم الشرقية مثال فوزى التعائشة وكتم وشرف بتاع النيل وطبعا حديثا طارق احمد آدم ومنقستو والكثيرين.

ولكن احتكر اولاد الديم تنس الطاولة منذ بداية الثمانينات ابتداءً من بطل السودان الصديق عدلى والمرحوم الفنان اخوه ساندرو والأخ اسامة المك (كان يعمل مدرباً فى هولندا) وجاء بعدهم ولد حلتنا الدرديري (اظنه يعمل فى اتحاد كرة الطاولة الآن) واخوانه .

نواصل

تحياتي

[ابو نون]

بسم الله الرحمن الرحيم اللهم صل على محمد وعلى آله وصحبه أجمعين
ديامه اقعدو بادبه
ما هو ده الديسكو الجنن الطلبة
اظنو ديم القراى اخد اسمو من ديمكم
الاخ عمده ارجو ان تورد معنى كلمة ديم
فى اللغة ؟
ولماذا سمى حى الديم او الديوم كلها
وكيف كانت الحياة فى ذلك الحى قديما
وما هى اهمية الديوم عموما فى الحياة العملية والحركة الوطنية والثقافية
نريد تفاصيل لو امكن
مع شكرنا الجزيل لتوارد خواطركم جميع المتداخلين واتارى عمك كيمو طلع ديامى
بالمناسبة انا عندى صاحبى اسمو حاتم على طه من سكان الديم واهلو جنبنا فى ابى روف
مازال بلعب كورة مع اولادكم فى الديم وشربت معاهو قهوة الحبش كم مرة
وفعلا الديوم من اجمل مناطق الخرطوم واقدمها واعرقها
خصوصا ديم السجانة وسبق الخيل

[عماد ساتي]

الأخ العزيز ابونون ... يقال ان اصل كلمة الكلمة اتت من ان كان اهالى الديم يسكنون فى بداية تأسيس الخرطوم فى مكان نمرة 2 الآن واخيراً انتقلوا الى المنطقة الحالية وديموا بها ولذا سميت بالديم.

راجع ليك قريبا لابين اهمية الديوم عموما فى الحياة العملية والحركة الوطنية والثقافية.

تحياتي

[manda]

يا عماد ساتي

سلمت اناملك يا راقي..

الديم جميل .. رغم قلة معرفتي به .. لكن سمعت عنه وعن كل ما يميزه من جمال..

في الطيبة والكورة.. والمسجد.. والنكت والخفشات..

والمعاشرة الطيبة الرائعة..

بالإضافة إل ما ذكرته لنا في هذا البوست الجميل..

ولقد تأسفت كثيراً لعدم دخولي لهذا البوست في الأيام التي رفع فيها..

ولكن لي عودة .. والآن بين طيات هذا الكلم الرائع الجميل..

ارفع القبعة طويلاً.. وانحناء لك يا عظيم ..

وشكلك ديامي أصيل..

سلمت يمناك..

[عماد ساتي]

اشكرك جزيل الشكر اخى العزيز ماندا والكلمات الرقيقة يا مبدع وان شاء الله اجازتي قريبا واعزم تزور الديم.

تحياتي

[امبيسا]

اشتهرت منطقة الديوم بمجموعة من النساء المشهورات في الديم يقمن بعمل وجبة العشاء امام بيوتهن في منطقة الديم ويضعون البنابر والترابيز القصيره للاكل(عشان تاكل بمزاج) وهن يعملن اجود واطعم انواع الكوارع والشيه الضاني والعجيبة الشطه(اسياده عدددديل) وهن في قمت الظرف والتعامل مع الناس وهن يعملن حتى وقت متاخر من الليل مازالن حتى الان.

[عماد ساتي]

امبيسا ... كيفك يا ديامي يا اصلى.
نعم وكمان اسمه شارع العشاء وكان من اشهرهن زمان حواء كلاب وفعلا يشتهرن بالكوارع والظرف كعادة اهل الديم.

تحياتي

[امبيسا]

توفى الى رحمة الله خالنا العزيز عوض بكرين من ابرز ابناء الديم (انا لله وانا اليه راجعون) الذي يسكن جوار نادي التعايشه وهو من اقدم سكان الديم على ما اعتقد .
انا لله وإنا اليه راجعون

[امبيسا]

الديم والجمبات(جمبا كافيه)
( يقولون الديامه المكان الذي تذهب لتنجمه فيه)
انتشرت في الاوان الاخيره في الديم (الجنبات) وهي عبارة عن كافتيريات في بيوت الاحباش الذي يسكنون الديم طرازها فلكلوري اثيوبي يقدمون لك الفيشار بالطبق الاثيوبي والقهوة الاثيوبية على انغام الموسيقى الاثيوبية وانت قاعد(منجمى) والبخور مدور. ويقدمون ايضا وجبة الزغنى ومن اشهر الجنبات –هلين كافيه، كراون كافيه، اندنت كافيه، الماظ كافيه،ماركاتو كافيه واخرى عديدة. ويستاجرون منازل غالية الاجر ويعملون عليها الديكورات والاضاءات ويقومون بخدمة الزبائن.

[محمد يحيي]

اخ /عماد ساتي
كيف الحال الديمه في الاجازه ولشنو

[عباس منا]

الاخ عمدة
عمدة كيف ليل حديد 0 حديده منى 0 بنزين من عندك0 شارع النيل الجكس فصل 0 منقرنا 0
وتدوم الراويه الى ان تصل النمتى (البوليس) كبس 0
الديم واعلام الديم
عمك الكنانى بمركز صحي المايقوما
عمك كع بتاع التسالى العجيب كان بيقليهو بالرماد
قعر بابور
البعيو وهاك الليله جدول الكورة رابطة الديم /العمارات (الان مستشفى ابن سينا) /السجانة (ترب بلاع- ضم التاء)المايقوما 0
والرحلة من الخرطوم
الغالى/ عوض عكير/ الشدرات / التعاون/ 00 / حجازى/ السوق الشعبي/
وتدوم الرويه وتدوم
الاستاذ العلامة مربي الاجيال المرحوم / جعفر محمد عثمان امام وخطيب جامع سوق الديم
ومن ساكنى الديم نائب رئيس الجمهورية على عثمان وكمال عبيد والشيخ الكاروري
تخريمة
المرحلة الابتدائية بمدرسة الفلاته (المايقوما/1) وقبلها خلوة الفكي محمد احمد له الرحمة
والمتوسطة الديوم الحكومية (كانت الناحية الشرقية من ترب بلاع واخوك من الناس اللمو عضام الميتيين لمقابر فاروق
عمك ابودقن وابنه محمد المجنون من قرايبي
ستدوم الرواية المتفردة ولنا عودة

[محمد بخيت]

ياريتك تعرف لحدة وين بعزك .... تحياتي
من دواعي السرور ان تكون الديم هي اهم المحطات في حياتي لست من سكانها لكننا كنا نسوق خطواتنا اليها لشي يعلمه اصدقائي ربما هو نوع من الالفة او شي آخر لا اعلم كل ما في الامر اننا كنا نشتاق اليها في كل مديتة نذهب اليها وعموما ياسيدي هنيئا للديم بابناءها .... دمتم

[معروف اوشي]

اخي الجميل عمــــــاد ساتي

و الله من الطرافة و الجمال و المعلومات الكتيرة و الحلوة في
البوست قعدت اقراه صفحة صفحة لحدي ما كملت الصفحات العشرة
طبعا" انا عضو جديد و البوست قديم .
التحية لك على البوست فكرة رائعة انك تكتب لينا عن ذكرياتك في
الديم و ده تاريخ .
و عليك الله كتر لينا من المحلبية الزي دي و الراندوق زي في اول
صفحة في البوست اعمل منو معالي زائد ( زيادة ) , الضحك كتلني
من الطرفة الحلوة . ( لقيني كيف في الراندوق ).
يمكن تكون ما عرفتني مع انو نحنا قرايب و نسايب .
انا طبعا" ما سكنت الديم لكين سكنت جيرانهم في الحلة و ابو حمامة
و السجانة و الخرطوم تلاتة .
الديامة ناس و لا احلى منهم , و عندنا زمليتنا ايام الجامعة ساكنة الديم
قريب من تقاطع 41 و هي اول زميلة لينا تعرفني بنفسها كعادة اهل الديم
الجميلين و البحبو الناس و مرة كانت في مظاهرات في جامعة الخرطوم
و الدنيا جايطة و السوق العربي كلو دخاخين بمبان و العربات محروقة و الناس
خايفة و المواصلات اتقطعت جينا شلة ماشين كداري من الكلية لحدي الخرطوم
2 و ركبنا تاكسيين لأنو كنا كتار و مشينا بيت ناس زمليتنا ( لبنى ) في
الديم و قيّلنا و اتغدينا و كرمونا غاية الكرم و العصر كدة كل زول شتت بيتهم
و كان معانا صاحبنا و زميلنا ( امين ) ولد الدكتور القبطي المعروف صبحي
اسكندر اخصائي النساء و التوليد من ناس الديم و عيادته مشهورة فاتحة في
الظلط . و ( امين ) طبعا" حلبي شديد و عندو ازمة وشو بقي فشفاش من دخان
البمبان و قرّب يموت لينا في السكة .
و كمان عندي اصحاب كتار من الديم بحييهم ناس طيبين و حلويين .و بنمشي
نتعشي في نادي الباسا عن عوض بتاع الفول و نشرب مديدة في محل جنب نادي
الباسا ذاتو فاتح في الظلط .

طرفة : مرة كنت طالع من المستشفى متأخر الساعة 12 , قلت اغشي ابوحمامة
امشي نادي النهضة الاقي الحبايب , جيت السكة حديد ركبت الحافلة بتاعت ظلط
عشان انزل باشدار و منها اركب ركشة لي ابو حمامة . المهم ركبت لقيت ليك
الحافلة كلها حبش و شغالين ليك وني وني وني وني وني راندوق تقيل بس
راندوق حبشي . الهبش داخل الحافلة على مسئولية صاحبه (هيييي يكة )
ههههههه . بقيت اعاين في الحافلة بي استغراب كان لقيت لي سوداني معاي
لقيت ليك الكمساري يعاين لي بي ابتسامة , قمت قلت ليه الحافلة دي ماشة ويين؟!!!
شكلو فهمني قال لي ماشة اديس هي بسم الله ماشة ظلط و السواق مات من الضحك.
و لمن وصلت باشدار كانت الحافلة فاضية لأنو الجماعة كلهم نزلو في اديس هي بسم الله
الديم .

التحية لناس الديم الجميليين كلهم و جيرانا الحبش كمان .



تحياتي اخ عمـــــــــــــاد و واصل لينا في الذكريات .



خالص الود


:heart:ــــــ:heart:ـــــــروووف

[عماد ساتي]

[فقط الأعضاء المسجلين والمفعلين يمكنهم رؤية الروابط]اقتباس[فقط الأعضاء المسجلين والمفعلين يمكنهم رؤية الروابط]المشاركة الأصلية كتبت بواسطة عباس منا[فقط الأعضاء المسجلين والمفعلين يمكنهم رؤية الروابط]الاخ عمدة
عمدة كيف ليل حديد 0 حديده منى 0 بنزين من عندك0 شارع النيل الجكس فصل 0 منقرنا 0
وتدوم الراويه الى ان تصل النمتى (البوليس) كبس 0
الديم واعلام الديم
عمك الكنانى بمركز صحي المايقوما
عمك كع بتاع التسالى العجيب كان بيقليهو بالرماد
قعر بابور
البعيو وهاك الليله جدول الكورة رابطة الديم /العمارات (الان مستشفى ابن سينا) /السجانة (ترب بلاع- ضم التاء)المايقوما 0
والرحلة من الخرطوم
الغالى/ عوض عكير/ الشدرات / التعاون/ 00 / حجازى/ السوق الشعبي/
وتدوم الرويه وتدوم
الاستاذ العلامة مربي الاجيال المرحوم / جعفر محمد عثمان امام وخطيب جامع سوق الديم
ومن ساكنى الديم نائب رئيس الجمهورية على عثمان وكمال عبيد والشيخ الكاروري
تخريمة
المرحلة الابتدائية بمدرسة الفلاته (المايقوما/1) وقبلها خلوة الفكي محمد احمد له الرحمة
والمتوسطة الديوم الحكومية (كانت الناحية الشرقية من ترب بلاع واخوك من الناس اللمو عضام الميتيين لمقابر فاروق
عمك ابودقن وابنه محمد المجنون من قرايبي
ستدوم الرواية المتفردة ولنا عودة
[فقط الأعضاء المسجلين والمفعلين يمكنهم رؤية الروابط]
[فقط الأعضاء المسجلين والمفعلين يمكنهم رؤية الروابط]

الاخ عباس منا .. ياسلام ذكرتنا زمن جميل ... عصر ذهبي زمن كع وقعر بابور (بالمناسبة قابلته قبل شهرين وبقى تمام التمام) والخزين . اتمنى ان تثرى البوست ببعض الزكريات.

تخريمة: اسمك ما غريب على انت من وين؟

تحياتي

[عماد ساتي]

[فقط الأعضاء المسجلين والمفعلين يمكنهم رؤية الروابط]اقتباس[فقط الأعضاء المسجلين والمفعلين يمكنهم رؤية الروابط]المشاركة الأصلية كتبت بواسطة maroof1979[فقط الأعضاء المسجلين والمفعلين يمكنهم رؤية الروابط]




اخي الجميل عمــــــاد ساتي

و الله من الطرافة و الجمال و المعلومات الكتيرة و الحلوة في
البوست قعدت اقراه صفحة صفحة لحدي ما كملت الصفحات العشرة
طبعا" انا عضو جديد و البوست قديم .
التحية لك على البوست فكرة رائعة انك تكتب لينا عن ذكرياتك في
الديم و ده تاريخ .
و عليك الله كتر لينا من المحلبية الزي دي و الراندوق زي في اول
صفحة في البوست اعمل منو معالي زائد ( زيادة ) , الضحك كتلني
من الطرفة الحلوة . ( لقيني كيف في الراندوق ).
يمكن تكون ما عرفتني مع انو نحنا قرايب و نسايب .
انا طبعا" ما سكنت الديم لكين سكنت جيرانهم في الحلة و ابو حمامة
و السجانة و الخرطوم تلاتة .
الديامة ناس و لا احلى منهم , و عندنا زمليتنا ايام الجامعة ساكنة الديم
قريب من تقاطع 41 و هي اول زميلة لينا تعرفني بنفسها كعادة اهل الديم
الجميلين و البحبو الناس و مرة كانت في مظاهرات في جامعة الخرطوم
و الدنيا جايطة و السوق العربي كلو دخاخين بمبان و العربات محروقة و الناس
خايفة و المواصلات اتقطعت جينا شلة ماشين كداري من الكلية لحدي الخرطوم
2 و ركبنا تاكسيين لأنو كنا كتار و مشينا بيت ناس زمليتنا ( لبنى ) في
الديم و قيّلنا و اتغدينا و كرمونا غاية الكرم و العصر كدة كل زول شتت بيتهم
و كان معانا صاحبنا و زميلنا ( امين ) ولد الدكتور القبطي المعروف صبحي
اسكندر اخصائي النساء و التوليد من ناس الديم و عيادته مشهورة فاتحة في
الظلط . و ( امين ) طبعا" حلبي شديد و عندو ازمة وشو بقي فشفاش من دخان
البمبان و قرّب يموت لينا في السكة .
و كمان عندي اصحاب كتار من الديم بحييهم ناس طيبين و حلويين .و بنمشي
نتعشي في نادي الباسا عن عوض بتاع الفول و نشرب مديدة في محل جنب نادي
الباسا ذاتو فاتح في الظلط .

طرفة : مرة كنت طالع من المستشفى متأخر الساعة 12 , قلت اغشي ابوحمامة
امشي نادي النهضة الاقي الحبايب , جيت السكة حديد ركبت الحافلة بتاعت ظلط
عشان انزل باشدار و منها اركب ركشة لي ابو حمامة . المهم ركبت لقيت ليك
الحافلة كلها حبش و شغالين ليك وني وني وني وني وني راندوق تقيل بس
راندوق حبشي . الهبش داخل الحافلة على مسئولية صاحبه (هيييي يكة )
ههههههه . بقيت اعاين في الحافلة بي استغراب كان لقيت لي سوداني معاي
لقيت ليك الكمساري يعاين لي بي ابتسامة , قمت قلت ليه الحافلة دي ماشة ويين؟!!!
شكلو فهمني قال لي ماشة اديس هي بسم الله ماشة ظلط و السواق مات من الضحك.
و لمن وصلت باشدار كانت الحافلة فاضية لأنو الجماعة كلهم نزلو في اديس هي بسم الله
الديم .

التحية لناس الديم الجميليين كلهم و جيرانا الحبش كمان .



تحياتي اخ عمـــــــــــــاد و واصل لينا في الذكريات .



خالص الود


:heart:ــــــ:heart:ـــــــروووف
[فقط الأعضاء المسجلين والمفعلين يمكنهم رؤية الروابط]

الآخ معروف ... سعيد جدا جدا بمرورك وتعطيرك البوست ... البوست يحتاج لاسلوبك الرائع فى الكتابة وبرجع ليك بزكريات مرندقة قريبا ان شاء الله.

تحياتي

[عزام السودانى]

[فقط الأعضاء المسجلين والمفعلين يمكنهم رؤية الروابط]اقتباس[فقط الأعضاء المسجلين والمفعلين يمكنهم رؤية الروابط] [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط]) المشاركة الأصلية كتبت بواسطة maroof1979[فقط الأعضاء المسجلين والمفعلين يمكنهم رؤية الروابط]
و كمان عندي اصحاب كتار من الديم بحييهم ناس طيبين و حلويين .و بنمشي
نتعشي في نادي الباسا عن عوض بتاع الفول و نشرب مديدة في محل جنب نادي
الباسا ذاتو فاتح في الظلط .






:heart:ــــــ:heart:ـــــــروووف
[فقط الأعضاء المسجلين والمفعلين يمكنهم رؤية الروابط]



انت يازول بتجى لحدى عوض بتاع الفول وما بتمر علينا

ياخى نحن سبوته عند عوض و عبده بتاع الكوره والمديده


انت تعال بشارع الجوده وامشى شرق واسأل اى زول بيجيبك لينا


مع تحياتى ابو العزائم جمال الدين






ودمتم

[معروف اوشي]

[فقط الأعضاء المسجلين والمفعلين يمكنهم رؤية الروابط]اقتباس[فقط الأعضاء المسجلين والمفعلين يمكنهم رؤية الروابط] [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط]) المشاركة الأصلية كتبت بواسطة maroof1979[فقط الأعضاء المسجلين والمفعلين يمكنهم رؤية الروابط]
و كمان عندي اصحاب كتار من الديم بحييهم ناس طيبين و حلويين .و بنمشي
نتعشي في نادي الباسا عن عوض بتاع الفول و نشرب مديدة في محل جنب نادي
الباسا ذاتو فاتح في الظلط .






:heart:ــــــ:heart:ـــــــروووف
[فقط الأعضاء المسجلين والمفعلين يمكنهم رؤية الروابط]



انت يازول بتجى لحدى عوض بتاع الفول وما بتمر علينا

ياخى نحن سبوته عند عوض و عبده بتاع الكوره والمديده


انت تعال بشارع الجوده وامشى شرق واسأل اى زول بيجيبك لينا


مع تحياتى ابو العزائم جمال الدين






ودمتم



اخي العزيز
عزام
تسلم يا سيدي
و الله اتلومنا معاك ما قايلك بي هناك
عموما" معليش يا طيب
و نعوضها ليك ان شاء الله
في الحقيقة انا طولت شوية ما جيت لي عوض
و ناس المديدة ديلاك
بس اوعدك يوم نعمل عليك غارة
ان شاء الله قريب
يعني اسأل اقول
عزام ولا ابو العزائم
و الله الاسم طويل شوية بيعمل وجع حلق
زي اسمي بس ما في مشكلة يا جميل
هاهاهاهاها
مودتي
اتوقعني قريب
معرووف

[عماد ساتي]

[فقط الأعضاء المسجلين والمفعلين يمكنهم رؤية الروابط]اقتباس[فقط الأعضاء المسجلين والمفعلين يمكنهم رؤية الروابط]المشاركة الأصلية كتبت بواسطة عزام السودانى[فقط الأعضاء المسجلين والمفعلين يمكنهم رؤية الروابط]اقتباس[فقط الأعضاء المسجلين والمفعلين يمكنهم رؤية الروابط] [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط]) المشاركة الأصلية كتبت بواسطة maroof1979[فقط الأعضاء المسجلين والمفعلين يمكنهم رؤية الروابط]

و كمان عندي اصحاب كتار من الديم بحييهم ناس طيبين و حلويين .و بنمشي
نتعشي في نادي الباسا عن عوض بتاع الفول و نشرب مديدة في محل جنب نادي
الباسا ذاتو فاتح في الظلط .






:heart:ــــــ:heart:ـــــــروووف
[فقط الأعضاء المسجلين والمفعلين يمكنهم رؤية الروابط]



انت يازول بتجى لحدى عوض بتاع الفول وما بتمر علينا

ياخى نحن سبوته عند عوض و عبده بتاع الكوره والمديده


انت تعال بشارع الجوده وامشى شرق واسأل اى زول بيجيبك لينا


مع تحياتى ابو العزائم جمال الدين






ودمتم
[فقط الأعضاء المسجلين والمفعلين يمكنهم رؤية الروابط]
الاخ عزام كيف الحال ... بالصدفة كنت مع لؤى قبل سفره وعرفت انك تسكن فى حلتهم ... وطبعا من اصدقائى القدامى الجوكر .

تحياتي

[عزام السودانى]

اقتباس [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط]) المشاركة الأصلية كتبت بواسطة عماد ساتي[فقط الأعضاء المسجلين والمفعلين يمكنهم رؤية الروابط]اخ عزام كيف الحال ... بالصدفة كنت مع لؤى قبل سفره وعرفت انك تسكن فى حلتهم ... وطبعا من اصدقائى القدامى الجوكر .
تحياتي

[فقط الأعضاء المسجلين والمفعلين يمكنهم رؤية الروابط]




انت قاصد لؤى حامد الفاتح فىبيت ناس الجوكر


لو هو انت ماوصلتنا عديل كده ولا زم تمر علينا المره الجايه





























دمتم

[عماد ساتي]

فى انتظار اثراء البوست من ديامة المنبر ... ومن الذين مروا من هنا ...

تحياتي

[فوراوي]

أعجبني التطرق والحديث لهذا الحي العريق الذي يشكل السودان لما فيه من تباين وثقافات عدة وانا شخصيا أسكن اللاماب وأمر يومياً بالديم وأشعر أن هؤلا الكادحين في نعمة أحسدهم عليها.

[عبدالمنعم الطاهر]

لم أذهب للديم إلا مرة واحدة اثناء فترة وجودنا بجامعة الخرطوم في اواسط التسعينات
وذلك لحضور محاضرة للشيخ/ ابو العزائم في مسجده
وكانت ليلة ما احلاها من ليلة جلسنا فيها حتى الصباح الباكر ثم ذهبنا إلى البركس

التحية للديم والتحيه ليك اخ/ عماد

كسره:
مرات كنا بنمش نفطر بكافتيريا (سونا) فقد كان عندهم بوش كااااارب

[ودالخرطوم]

وريتوووووووووونا لكن قدام عديييييييل .

[عماد ساتي]

من الشخصيات المؤثرة جداً فى المجتمع الرياضى فى الخرطوم عامة والديم خاصة المرحوم عمنا باب الله (كع) بائع التسالى المشهور فى ستادات الرياضة وكان يمتاز بتسالى فريد من نوعه وقد برع كع فى ذلك واصبح يخلص القفه فى عشرة دقائق من وصوله وقد سمى بكع نسبة لمناداته بكلمة واحدة فقط للتسالى بقوله (كع) ...
رحم الله عمنا باب الله واسكنه فسيح جناته.

تحياتي

[امبيسا]

التحية للجميع
ايضا احد علامات الديم عمنا عبد الله العجلاتي كان عمنا عبد الله من الشخصيات المرحة وكنا نقوم بتاجير العجلات منه تلك العجلات التي قام بتعديلها وتركيبها بطريقة فنية قمة في الروعة وطلائها الملون احمر - اصفر -ازرق- كلنا تعلمنا فيها السواقة وكنا احيانا نذهب بها على ميدان ترب بلاع وهو يقوم بقبضنا ويمسكنا من اضانا (تاني ما تجوني تقول دايرن عجلة) وهو يرتدي ردائه ونظارته(قعر كباية) وكان مولع بسماع الراديو ويقوم بمقاطعة المزيع في الاخبار(وقد قام الرئيس....) فيقاطعه عم عبد الله (قام وين)المزيع: قام الرئيس بالسفر عم عبد الله مقاطعا(سافر وين)خخخخخ
كان فنانا في صيانة اجزاء العجلة بطريقة متفردة .....انهم اهل الديم

[امبيسا]

ومن معالم الديم وتحديداً محطة التعاون وتحديداً تحت المظلة المقابلة لدكان كمبال عمنا محمد النقلتي ...ياسلاااااااااااام شخصية متفردة انسان كلو طيبة -متسامح- اجتماعي-مجامل فنان بمعني الكلمة من قمنا لقيناهو في هذه المحطة...ودائما بسال من عماد ساتي ومن اخبارو وربنا يديهو العافية

[حامد عثمان حامد]

بالله يا عماد ساتي انت ديامي؟
زمان كنا نقول الديامه حطب القيامه...
مرحلتي الدراسية في المتوسطة والثانوي كانت في مدرسة اقرب للديم وهي مدرسة الخرطوم جنوب 1 المتوسطة...يا سلاااااااام كانت صرحا وقلعة من قلاع العلم..
اتشرف بان السواد الاعظم من اصدقاء الدراسة كانوا من الديم ...لذا علاقتي اقوى بالديم من اركويت حيث اقطن...لان الديم حي يحتويك وتذوب في مجتمعه المتجانس والخلاق...رجعتنا لامل ايام يا عماد ساتي...
نوعدك بحلقات من الذكريات ان مد الله في الاجال

[عماد ساتي]

بالله يا عماد ساتي انت ديامي؟
زمان كنا نقول الديامه حطب القيامه...
مرحلتي الدراسية في المتوسطة والثانوي كانت في مدرسة اقرب للديم وهي مدرسة الخرطوم جنوب 1 المتوسطة...يا سلاااااااام كانت صرحا وقلعة من قلاع العلم..
اتشرف بان السواد الاعظم من اصدقاء الدراسة كانوا من الديم ...لذا علاقتي اقوى بالديم من اركويت حيث اقطن...لان الديم حي يحتويك وتذوب في مجتمعه المتجانس والخلاق...رجعتنا لامل ايام يا عماد ساتي...
نوعدك بحلقات من الذكريات ان مد الله في الاجال


البوست نور بوجودك اخى العزيز حامد عثمان حامد .. انا ايضاً قريت فى الخرطوم جنوب 2 ... فى انتظار اثرائك للبوست.

تحياتي

[عزام السودانى]

اقتباس:
المشاركة الأصلية كتبت بواسطة حامد عثمان حامد [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
بالله يا عماد ساتي انت ديامي؟
زمان كنا نقول الديامه حطب القيامه...
مرحلتي الدراسية في المتوسطة والثانوي كانت في مدرسة اقرب للديم وهي مدرسة الخرطوم جنوب 1 المتوسطة...يا سلاااااااام كانت صرحا وقلعة من قلاع العلم..
اتشرف بان السواد الاعظم من اصدقاء الدراسة كانوا من الديم ...لذا علاقتي اقوى بالديم من اركويت حيث اقطن...لان الديم حي يحتويك وتذوب في مجتمعه المتجانس والخلاق...رجعتنا لامل ايام يا عماد ساتي...
نوعدك بحلقات من الذكريات ان مد الله في الاجال



معليش يا حامد انت من دفعه كم فى مدرسه الخرطوم جنوب (1)


انا من الدفعه الحضرت استاذ ابوعبيده اباده واستاذ صلاح سنكرب


ودمتم

[ايمن بشير خليفه]

الجميل عماد ساتى
عشان جبت سيرة الديم ولعت فينا الوجواجه ( هههههه ) الوجواجة بتعمل السحساحة والنحناحة وعدم الراحة ( هههههه )
اخذتنى عماد الى اربع اعوام ونيف اشهر ... المكان الديم ... شارع الباطنية ... المستاجر ايمن بشير ... صاحب العقار عبود محمد جامع .... الجيران مولانا معتصم تاج السر رئيس محكمة الخرطوم جنوب .... محمد على مدير بنك النيلين فرع الصناعات ..... محمد المحافظ ... بلندا القصير المكير ... محمد دينج اشهر تاجر ممنوعات بالخرطوم عموما ... بابكر ود النوبة ... لآلتى الحبشية صاحبة القهوة ( علمت انها توفت منذ عامين ) عباس ركس افضل ميكانيكى مواتر ... محمد على ( دوكو ) امهر من يطلى السيارات ... حسان وشقيقه النور ... عم عوض صاحب الكنتين الذى لا تتعدى سلعه عن الخمسة سلع ...حاجة عشه صاحبة الشاى والزلابية الفخيمة ...
حكايات ستروى هنا فى هذا البوست
ساحكى عن اشياء لا توجد فى اى مكان سوى فى الديوم ...
ديامى كنت احلى ايامى
مع محبتى
تقبل مرورى اخى عماد

[عبدالله صالح]

والله يا عمدة ابدعت يا قريبي والديامة ما قصروا تمو الباقي ههههههه طبعا لدي صداقات قوية بأهل الديم بحكم علاقتي الاسرية وزيارتي لابناء خالي الاخ وليد والعصر نمر عليكم نسوق عبدو وانا طبعا جايي من البلد كرت الجماعة يعزموني شي ايسكريم شي شاي ويتونسوا في حاجات افهم سطر وافط سطر ههههه ثم نذهب الي اولاد الحبر وارتبطت علاقتي بالدسوقي طبعا ديل الجيل الثالث بالنسبة ليكم وحقيقة كنت احس ان هذا الحي به قيم ريفية وحضرية في نفس الوقت وكنت اعتز بعنترياتهم وحرارة قلبهم طبعا انا جاي من البلد وعندي بعض الحكاوي سأحكيها ان شاء الله رغم اني ماديامي لكن كوماوي وناواوي وناس كومي اقرب للديامة من اهل ناوا خاصة في جانب الطرب ههههههه

[salahelfaki]

والله ياعماد .. فتحت المنتدي قلت اقدم مشاركة في العام.. وأدخل علي الاجتماعي لتقديم شكري واتقديري لأدارة المنتدي التى منحتنى وسام .. فوجدت هذا البوست .. قمت كوعت وقرأته حتى وصلت مرحلة أن أمسك بالكي بورد وأخط لك ما أسطره الآن ..
بحكم الغربة الواحد منا لا زال يتحري الذكريات ويتبعها حيث ما حلت .. وقد وجدت نفسي هنا ..
التحية لك ولكل أخوتي واصدقائي وزملائي في الديم .. أهل الكورة وأهل الفن ..:heart:

[محمد السندى]

تسلم عمده على الزكريات الجميله التى اتحفتنا بها من الديوم وحقيقة زكريات الصبا لها وقع خاص لدى كل منا
خالص شكرى

[حامد عثمان حامد]

الاخ /عزام
اسف لتاخر الرد لاني غبت عن المنتدى فترة من الزمن
عاصرنا استاذ ابو عبيدة عثمان -وبالمناسبة كان ضيف على افطار رمضاني في حديقة القرشي رمضان الماضي-لكن استاذ ابو عبيده لا يمكن ان تؤرخ به لانه امضى فترة طويلة بالمدرسة ويعتبر اقدم معلم.
تخرجت من جنوب واحد1993..كنا في نهر ابوبكر اذ ان المدرسة كان بها ثلاثة انهر ..ومن الصدف الجميلة اننا درسنا الثانوي العالي بها ايضا في ما سميت بمدرسة عبد الله بن رواحة الثانوية...وتشرفت بان كنت اول رئيس لاتحادها..ممثلا لاي حزب دي بوريك ليها عماد ساتي.
الان انا حزين لما آل عليه حال المدرسة من اهمال وتردي وتعدي عليها من اصحاب محلات صيانة السيارات.
لماذا حدث لها هذا؟؟؟

[عزام السودانى]

الاخ /عزام
اسف لتاخر الرد لاني غبت عن المنتدى فترة من الزمن
عاصرنا استاذ ابو عبيدة عثمان -وبالمناسبة كان ضيف على افطار رمضاني في حديقة القرشي رمضان الماضي-لكن استاذ ابو عبيده لا يمكن ان تؤرخ به لانه امضى فترة طويلة بالمدرسة ويعتبر اقدم معلم.
تخرجت من جنوب واحد1993..كنا في نهر ابوبكر اذ ان المدرسة كان بها ثلاثة انهر ..ومن الصدف الجميلة اننا درسنا الثانوي العالي بها ايضا في ما سميت بمدرسة عبد الله بن رواحة الثانوية...وتشرفت بان كنت اول رئيس لاتحادها..ممثلا لاي حزب دي بوريك ليها عماد ساتي.
الان انا حزين لما آل عليه حال المدرسة من اهمال وتردي وتعدي عليها من اصحاب محلات صيانة السيارات.
لماذا حدث لها هذا؟؟؟


يا دفعه عرفتك عديل لكن انت ماحتتذكرنى

انا كنت فى نهر عثمان معاى محمد نصر النوش وصالح واره لكنى درست الثانوى فى لخرطوم الجديده

ومن قلت لى رئيس اتحاد عرفتك يا حبه لانى فى نفس الوقت كنت رئيس اتحاد الخرطوم الجديده

وانت كان فى الدفعه الوراك منتصر صلاح (الارهابى ) صاح

يا حبه لازم نلتقى


ودمتم

[عماد ساتي]

ومن معالم الديم وتحديداً محطة التعاون وتحديداً تحت المظلة المقابلة لدكان كمبال عمنا محمد النقلتي ...ياسلاااااااااااام شخصية متفردة انسان كلو طيبة -متسامح- اجتماعي-مجامل فنان بمعني الكلمة من قمنا لقيناهو في هذه المحطة...ودائما بسال من عماد ساتي ومن اخبارو وربنا يديهو العافية

للاسف الشديد فى اجازتى الاخيرة وجدت المظله المشهورة قد ازيلت ورحل عمنا محمد النقلتى بعد ثلاثون عاماً من جلوسه تحت المظله ... قالوا ناس المحليه اجبروه على الرحيل المر ... متأكد بانه قد تألم اشد الالم لفراق ذلك المكان ...

ساواصل فى هذا البوست وايديكم معانا ...

تحياتي

[ابوزينب المحسى]

يا اااخى دا بوست رهيييييب
الجماعة كلهم طلعوا ديامه
معناهو كان تسموها منتديات الديم
هههههههه
وانا اقول الشفتنة والظرافة دى من وين
المولانا
والتقدمى
والارهابى
والكبابى
وحاجات تانية حاميانى
مزيدا من الابداع ونحن فى شقف لمتابعة هذا البوست الشيق
والله بديتو الليل مشى قلت اضع البصمة واجى اقرائه بالتفصيل
وحييياكم الغمام

[عماد ساتي]

يا اااخى دا بوست رهيييييب
الجماعة كلهم طلعوا ديامه
معناهو كان تسموها منتديات الديم
هههههههه
وانا اقول الشفتنة والظرافة دى من وين
المولانا
والتقدمى
والارهابى
والكبابى
وحاجات تانية حاميانى
مزيدا من الابداع ونحن فى شقف لمتابعة هذا البوست الشيق
والله بديتو الليل مشى قلت اضع البصمة واجى اقرائه بالتفصيل
وحييياكم الغمام

الاخ العزيز ابو زينب المحسى ... بمرورك الجميل عطرت سماء وازقة الديم ....

تحياتي