إنشاء أول بنك على الإطلاق على مصاف المنتديات((السودانيه فقط))بنك منتدى كومي

[حميدي الحلفاوي]

إخوتي واخواتي لابد أن الفرد وكل واحد منا يبادره فكره وبيقعد يفكر فيه الحقيقه الفكره جاتني على النحو التالي:
دخلت المنتدى بالأمس ومعاي طفش مابعده طفش...وبعدين سئمت من تكرار البحث عن النكات داخل المنتدى مره جهة شمارات ومره جهة النكات ورايت تششتتها بالبلدي ومشتته تشتيت ومع الطفش الوياي أي المعاي....فكرت....ليه مانقدر نعمل بنك ونسميه بدل بنك المعلومات الكان بالتلفاز لبنك النكات ونكون أول بنك على الأطلاق على مصاف المنتديات السودانيه فقط والمنتشره لأنو هرجتنا لها هرمونيه خا صه ونكون جمعنا جميع المشاركات داخل بوست ثابت والطرائف والنكات
تابعوا بإذن الله سبحانه وتعالى خلال 24ساعه على الشروط وسافتح الأكتتاب والمساهمه واتمنى من جميع اعضاء وعضوات منتدى كومى.نت.كوم المساهمه في راس مال البنك.............. ولي عوده بعد تناول العدني.....يافنطوط ماليك دخل فيهو شئ ولا ..لا ههههههههههههه
معليش اخوي محمد عبيد غادرت الشقه لظروف طارئه جئت قبل 30دقيقه
حتى للأن لم إتعشى لين الحين معليش عشان تحضير المؤشر ماقدرت أخرج شروط المساهمين وعدد الأسهم لكل فرد ومتى الأكتتاب وفتح الحسابات والإيداعات....معذره ياطيب وياذوق يارايق.....تسلم على مرورك بالDHLههههههههههههه

[محمد عبيد ادريس]

العم حميد صاحب الاقتراحات الفعاله ...تحياتى وسلامى الكثير لشخصك وشخوص المنتدجى الاعزاء

العدنى ده ما يطول بالله عشان نستوعب الفكره ...
مودتى .......

[حميدي الحلفاوي]

أخي ود العبيد معليش تاخرت عليك وأنت الشخص الوحيد العملت مرور ولك خالص شكري وتقديري........وسوف افيدك بإذن الله لأنو ترخيص البنك ماهو ساهل عارف إنتا الحاصل في التراخيص الزي دي معاها بلاوي ...هههههههههههه
بس دخلت هنا حبيت اقول ليك..لو خستكه بت خالة المستكه..كانو ناس فستكه ديك البتعرفهم عملوا مرورات ده حال الدنيا...الخستكه والمستكه والفستكه عايزين يتبلبلوا هههههههه (يعني يعملوا بلابل)))المهم عشان ماتكون حامل فيروس الخستكه وبعدين يطلعوك في المنتديات بتقرير ده ماعندو مواضيع مفيده بس جنو خستكه وده واحد مخستك...وتبقى جنب البوماستك ويوسخ خستكتك...ماداير ليك لا الخستكه ولا حتى البشتنه ولا حتى البهدله...هههههههههه حلوه كده ياود العبيد ده جانا من عصر الخستكه
تخيل واحد مراهق كاتب على حيطه((شكرن)) وهو يقصد(شكراً) إيه رايك دي نهاية الخستكه تخلينا نقبل غصبا" عنا نقراء شكرا" تكون بالنون..هههههههههه

[ابوعمار]

اخى العزيز ابوالعبدين
مازلنا فى الانتظار وما ادراك ما الانتظار بس ان شاء الله تعمل لينا فرع هنا فى امريكا واذا مافى طريقه خليه فى مول عفراء عشان قريب من البيت هههههههههههههه

[الكردفاني]

هههههه عمو (حمووووودي) طبعا حمودي إسم الدلع لحميدي، الله يديك العافية بس أهم شئ سعر الصك مايكون بالدولار، خليهو باليورو عشان شايف السيد الدولار سعرو متراجع أمام اليورو وكده، يلا ماتتأخر علينا ياعمو.
إبنك/ عمادالدين الكردفاني

[الكردفاني]

الإنتظار الناااااار النااااااار!!
حميدي اوراق البنك لسة ماجهزت؟ ههههه

[حميدي الحلفاوي]

الإنتظار الناااااار النااااااار!!
حميدي اوراق البنك لسة ماجهزت؟ ههههه

اخي العزيز صاحب الابتكارات المتفردة استاذ / حميدي الحلفاوي
اسعد الله مساك ومساء المتداولين بالف خير
يسعدني ويشرفني ان اكون من اوائل المودعين في هذا البنك الذي ولد باسنانه كعمل متفرد وفكرة جديدة في عالم الفكاهة والابتسامة ، واحييك علي هذا العمل الكبير والجهد المقدر فالكلمات تعجز امام ابداعاتك من يوم لاخر
واليكم هذه الطرفة


( راجل ومرتو بسطلو الباب دق المره قالت سجمي ده بكون راجلي هنا الراجل قام نط من الشباك )

ودمتم بخير م إفتتاح البنك تحت مسمى((بنك كومي العنكبوتيه)) بنكا" للتداول

بسم الله الرحمن الرحيم وبه نستعين-بسم الله إبتدينا وبما يريد الله إرتضينا.
1-إسم البنك:بنك النكات-تحت مجموعة ((بنك كومي العنكبوتيه)) كأول بنك على مستوى المنتديات السودانيه ( فقط)والمنتشره على الشبكه العنكبوتيه
2-يتم التعامل فيه(إيداع- سحب-تحويل-إكتتاب)
3-راس المال البنك من نكته واحده إلى الملايين والمئات-والعشرات
4-رئيس مجلس الإداره((اللورد محمد الشعراوي)((( الكروشابي)))
5-نائب رئيس مجلس الإداره(( اللورد منير عبد القادر))((محمد عبيد))
6-مدير عام البنك:فنطوط.....والأخthooby
7-نائب المدير العام:ياسر طه-أبو عمار-lufthansa1980
8-مساعد نائب المدير العام روعه (فراشة المنتدى)
9-مدير العلاقات العامه:عماد ساتي.
10-مديرالخدمات العامه والمسانده:ود بناوي
11-قسم التسهيلات والأكتتاب:ود كسلا الشايقي مداد النيل.
12-مدير عام شؤن الأفراد-عبد الله كنه-شمعة أمل.
13-نائب مدير عام العلاقات الدوليه:سمل ود الولياب-الفاضلابي
14-نائب المدير العام للخدمات الألكترونيه والحاسوب:سوداني1-الحنونه
15- نائب المدير العام للشؤن القانونيه: عبد الناصر القراشي-حميدي الحلفاوي
====مقدمه تفصيليه للبنك======
تم إنشاء بنك للنكت ويعتبر البنك الأول على مصاف المنتديات السودانيه (فقط)والمنتشره عبر الشبكه العنكبوتيه براس مال وقدره(نكته واحده إلى ملايين النكت ومالانهايه)
-البنك ينتهج عدم إتباع الروتين في الإكتتاب (لاتعبئة نموذج ولافتح حساب ولاتعقيدات).ممكن مراجعة البنك على دوام 24/24 الخدمات متوفره لتحاشي التوقيتات العالميه والقاريه.
-العملاء المميزين يتم تحديدهم بقوة نكاتهم المتداوله وكثرة مشاركاتهم وطرائفهم الجميله والمميزه وحكاياتهم المرحه.

-نهاية كل3 شهور(ربع سنوي) يتم تكريم العميل المميز بعد تحليل إيداعاته وقوة نشاطه بالبنك ويتم ترشيحهم من قبل إدارة البنك مع الأعضاء المكتتبين.
-أتمنى من أعضاء منتدى كومي دوت نت دوت كوم المساهمه في راس مال البنك حتى يكون بنكنا جميعاً بالمنتدى وهم المؤسسين الحقيقيين لينجح البنك وهي فكره إستثماريه للنكت وتروح عن نفسك وإنت داخل البنك وإنت على سريرك((لناس اللاب توب-أو كرسيك لناس الشاشات).
-شعار البنك:وهو الشعار الأوحد من أجله تم تاسيسه لنا جميعاً(((إبتسامتكم +رضاك..بعد رضاء الله..
وعليه أتمنى من رئيس مجلس الإداره ونوابه ومدراء الإدارات الأخرى أن يكون لهم تواجد حيث سيتم الإفتتاح بعد ساعه من الأن وبإذن الله وعلى بركة الله.....
يا راقي وياجميل شايفك ماشاء الله حضورك بعد تلاته صباحاَ جات ولاشنو ههههههههههه أخي الراقي الكردفاني والبنك تم إفتتاحه بشارع منتدى الفكاهه والطرائف بدلاَ عن شارع المنتدى العام ومني لك وللأخرين التحيه والاحترام بس البنك ماتم تنشيط حساباته لأنو الناس عليها بالمنتدى العام وطظين في المنتديات الأخرى إلا واحد محترف منتديات وهم معروفين ناس بتجي مفتحه شديد حتى الإهداء بيمروا عليهو وديل ناس المنتدى الصحيح بيكون لحضورهم وزن من العيار التقيل وعشان كده بتلقى المنتدى العام عامل كده زي المحطه الوسطى الخرطوم ولا مواقف الدروشاب ههههههههههههه
مودتي وتحيتي وإحترامي مره تانيه وتالته

[صديق حسين]

يا حميدي يا الله ارمي لينا خبرتك 20 سنة القضيته في الراجحي في البنك دا بس ابعد منير عن الصرافة .

[حميدي الحلفاوي]

يا حميدي يا الله ارمي لينا خبرتك 20 سنة القضيته في الراجحي في البنك دا بس ابعد منير عن الصرافة .
ههههههههههههه ححححححححححللللللللللللللللللوووووووووه حكاية منير دي حافيه كده !!ماتعودت عليها من فضلك((اللورد منير)) يصبح منير لي شخصياَ حبيب وصديق وأخ وشقيق صغير تماما تماما مثل شقيقي الصغيروبدون مبالغه الوحيد البيتفقدني وأنا عزابي ههههههههه يظل هذا الشخص هامه وقامه ورئيس رابطتي ذات الماركه العالميهGLX excuativeوالمسجله في دوائر المكاتب الهولنديه ذات اللون البرتقالي
المهم البنك ده حنغير فيهو شويه لأنو كتار تركوا المهنه والمسؤليه المنوطه بهم وإحتمال نعقد إجتماع مع اللورد منير عشان نصدر بيان واضح بإقالة بعض الأعضاء من مجلس إدارتها ههههههههههه
هاك دي وحصلت حقيقةَ في 1981م ونحن مساهرين مجموعه من البنك التجاري أمدرمان(بنك المزارع حالياَ ومواجه للبوسته القديمه بأمدرمان وخلف عمارة عمنا عثمان الجزلي)
مجمعه من 6أفراد نوينا ليلة الجمعه كعادتنا نساهر بالحدائق وكان حديقة المورده فيها مشاوي خطيره
وشطه بيدورو بيها عربات الهيلمان والبيجو ههههه وهي تقع في مفترق طريق المورده المتجه لأمدرمان وشارع التاني المتجه للإذاعه والتلفزيون
المهم جلسنا على الجهه المقابله للشارع ناحية شارع المورده والنيل خلفنا
وكان هناك ونسه ونكات ومزات كتيره لأصحاب الشأن(دي إتعرفت؟؟ يعني جبنه وزيتون ومخللات ههه)
الجماعه الأربعه زادو العيار والناس فاكها ضحك ومرح وإنبساط مابعدو وكلنا عزوبيه
في بدايات جلستنا حضروا شبان إتنين من الراضعين حولين كاملين هههههههه
وجلسو في الركن يعني بداية الحديقه من ناحية الشمال مواجهين البحر(وريحة سجارتهم وصلتنا وسطلتنا هههههههههههه)
وعندهم سيارة لاند روفر مكشب كشب ماطبيعي وأنوار بالداخل تقول غرفة نوم متحركه(هباله)
وقبل مغادرتنا بنصف ساعه شغلوا سيارتهم وغادرو وأخر ضحك وإنبساط
خخخخخللللللييييكككك مركز شويه لأنو نهاية النكته
نفس الشخصين بعد ربع ساعه رجعوا وبداؤ يبحثون داخل النجيله وكل واحد يقول للتاني وبجديه مالقيتها..مالقيتها كدى فتش هناك..كدى فتش بجاي..وطبعاَ بطيبتنا الحلوه ونفرتنا الراقيه ذهبنا إليهم أنا وصاحبي الماشاركنا ناس المزه!!!!!!!!
حميدي: ياجماعه إنشاء الله خير فاقدين شنو؟؟
المسطول الأول: وهو راكب مع السائق وليس السائق..ياخي والله فقدنا مفتاح العربيه ديك وجينا راجعين
حميدي: بتقول شنو؟؟!!!!!!! ياخي يافرده قلنا ليك مفتاح العربيه ديك
حميدي وصاحبه: ههههههههههههه لين دمعنا
رد صاحبي: لاكن عربيتكم ياهي ديك مدوره وأنواره مفتوحه وإنتو غادرتو قبل شويه بيها
سائق السياره أو صاحبها: بالله عليكم الله يافرد ده صاحب ما نبهني تخيلوا ههههههههههههههه وهم زاتهم بدأوا يضحكوا
وحكينا القصه لصحبانا وزملانا في البنك وهم زاتهم وقعوا ضحك لين دوموعهم سالت... ده زي الشيك الدرافت أوالcertified cheque لايصرف إلا لحامله for account of payee only
ههههههههههههههههههههههه وحكيناها لزملائنا بالسبت وماصدقوا إن ده حصل

تخريمه: تخيل النفرين ديل في النهايه طلعوا منو؟؟؟ وعلاقاتهم بقت بينا قويه وهسي هم وين؟؟؟
لالالا ياصديق حسين الإجابه تلقاهو في اليو تيوبyoutube ههههههههههههه

[صديق حسين]

يا زول كل شيء ولا زعلك نقول اللورد منير وهو فعلا لورد من المكتب الخامس البريطاني وممكن نديه ليك لقب (سير ) اقتداء بسير ويلسن سمعت بيهو ؟

[د.ابن النفيس]

اخى الغالى السير حميدى ( لكن سير شنو يا صديق ؟؟؟ )
لك خالص تحياتى وودى ايها الرجل الجميل الشفاف

[حميدي الحلفاوي]

يا زول كل شيء ولا زعلك نقول اللورد منير وهو فعلا لورد من المكتب الخامس البريطاني وممكن نديه ليك لقب (سير ) اقتداء بسير ويلسن سمعت بيهو ؟
سمعتا بيهو؟؟!!! هههههههههههههه وحتى سمعتا بسير فارجيسون ههههه أخي الغالي والعزيز صديق عجبني مروروك ولكن عايزك تدينا (إيداع نكته) وتكون توريده دسمه من الفئات البنفسجيه ههههههه طبعاَ البنفسجي ده بيطمن خالص(طبعاَ ياجماعه البنفسجي عندنا هنا فئة الخمسمائه) وكلما كترت زاد البصر أكثر نقاوه وزاد السمع أكثر روعةَ أما القلب فحدث ولاحرج هههههههههه سعدتا بمرورك وتسلم ياغالي


تخريمه قابين: ماقلتا لي النكته طويله ولكن حبيت أحكي وأعكس الصوره كامله هل عجبتك ولا أديك واحده من فئة البنفسجي ههههههههه

[حميدي الحلفاوي]

اخى الغالى السير حميدى ( لكن سير شنو يا صديق ؟؟؟ )
لك خالص تحياتى وودى ايها الرجل الجميل الشفاف
أخي الغالي والعزيز الدكتور أحمد(عجوز المحبه) شكراَ لك على مرورك الراقي وبصمتك دائماَ رغبه أنشدها ..محبتي ومودتي وتقديري وجميعها مفخخه ومغلفه بالتواصل والمحبه النقيه والصافيه في وجهه االكريم فقط...

[د.ابن النفيس]

أخي الغالي والعزيز الدكتور أحمد(عجوز المحبه) شكراَ لك على مرورك الراقي وبصمتك دائماَ رغبه أنشدها ..محبتي ومودتي وتقديري وجميعها مفخخه ومغلفه بالتواصل والمحبه النقيه والصافيه في وجهه االكريم فقط...



يا ملك البنفسج و ديوان المحبة
غير كلامك الحلو ده شئ كاتل قلبى مافى

[الكردفاني]

عودا حميدا السير/ حميدي الحلفاوي ملك مملكة النكات والقفشات والفرفشات، والف مبروك إفتتاح المصرف الأول من نوعه.
أنا طبعا زول سحب ساااااي، الجماعة يودعوا، وأنا آخر سحب وضحك وإنبساطة.
ونكتة المفتاح تتعتبر إفتتاح حقيقي للمصرف، بالجد المساطيل ديل مادة دسمة للضحك هههههه.
زي صاحبك المسطول سواق التكسي، صاحبنا بعد مانضف التاكسي وهو واقف في الدور سرح بخيالو حبتين، في اللحظة دي في بنتين عايزات يمشن مشوار، قالن لصاحبنا : ياعم نحن ماشن بحري.
صاحبنا قاليهن: أمشن لاكن ما تتأخرن يابنات!
خههههههه
مودتي

[مامون مهنا]

والله لكن لقيتك تصطاد فى زمن الازمة المالية وتحاول القفز فوق حاجزها بانشأ محفظة او بنك للنكات لاتضاهى طيب يا عمك موافقين على ان نكون من المؤسسين لهذا الصرح وسنساهم ولكن !!!
هل لديكم فوائد او ودائع استثمارية عاجلة حتى يطمئن قلبى :gna::gna:

[حميدي الحلفاوي]

إخواني الغاليين والعزيين معزة أشقائي تماما شكراَ لمروراتك والتي تسعدني معليش عدم النوم وبصارع من باب الأدب للرد على مروراتكم سطرتا عبارتي الهزيله دي وتسلموا ياغاليين..ولي عوده...يتبع..يتبع

[د.ابن النفيس]

الغالى ابو العبدين وفى رواية اخرى ديوان محبة
احبك الله
لو تتذكر فى الستينات من القرن الماضى كانت
هناك سلسلة نكات لــــــــودنفاش ( طبعا انا كنت صغير
وما متذكره كدى شوف اعمامك )

[الكردفاني]

يلا ياسعادة رئيس مجلس الإدارة والمدير العام ‏(حميدي الحلفاوي) إستعد لمخاطبة الجمعية العمومية للبنك الذي ولد بسنونو هههههه.

[حميدي الحلفاوي]

اقتباس:
المشاركة الأصلية كتبت بواسطة الكردفاني [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

يلا ياسعادة رئيس مجلس الإدارة والمدير العام ‏(حميدي الحلفاوي) إستعد لمخاطبة الجمعية العمومية للبنك الذي ولد بسنونو هههههه.
خلاص يا فرده اعلنتها بهناك بإذن الله سيتم إعلان مجلس الإداره الجديد خلال أسبوع ويكون في علمك ماعايزين نكات الراجل البينوم في بنتو وقال ليها الكلب بيهوهو كيف ههههههههه مودتي وتحيتي وتقديري الدائم والمستمر وشايفك الأيام دي بتنوم من بدري ياربي ليه؟؟؟؟

[sir.joe]

اقتباس:
المشاركة الأصلية كتبت بواسطة حميدي الحلفاوي [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
اقتباس:
المشاركة الأصلية كتبت بواسطة الكردفاني [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

يلا ياسعادة رئيس مجلس الإدارة والمدير العام ‏(حميدي الحلفاوي) إستعد لمخاطبة الجمعية العمومية للبنك الذي ولد بسنونو هههههه.
خلاص يا فرده اعلنتها بهناك بإذن الله سيتم إعلان مجلس الإداره الجديد خلال أسبوع ويكون في علمك ماعايزين نكات الراجل البينوم في بنتو وقال ليها الكلب بيهوهو كيف ههههههههه مودتي وتحيتي وتقديري الدائم والمستمر وشايفك الأيام دي بتنوم من بدري ياربي ليه؟؟؟؟






ونحن في الانتظار

[عادل خليفه]

مشكور يا سليم الذوق علي فكره بنك كومي الحديث ونكته في البنك امان من الدبرسة (انت دبروسا) الجابا حلفا الجديدة شنو؟ واوعي تدخلوا لينا فيها ربا اها الزول الما عندو رصيد وفقير في النكات زينا كده ممكن يسحب ساكت:arf::arf:

[بت البلد]

:yes::yes::yes::yes::yes::yes::yes::yes::yes::yes: :yes::yes: