المساعد الشخصي الرقمي

مشاهدة النسخة كاملة : روائع الشاعر اسحق الحلنقي

الشايقي ود كسلا
08-Aug-2007, 12:24 PM
رائعة من روائع الحلنقي بالصورة والصوت [فقط الأعضاء المسجلين والمفعلين يمكنهم رؤية الروابط]
ابو عبد الحفيظ
08-Aug-2007, 01:11 PM
رائعة من روائع الحلنقي بالصورة والصوت

[فقط الأعضاء المسجلين والمفعلين يمكنهم رؤية الروابط]

اخي العزيز الشايقي ود كسلا مااروعك
لك التحية وانت تتحفنا بهذه الروائع
والتحية عبرك للمبدع اسحق الحلنقي
دمت بالف خير
Raw3a
14-Aug-2007, 02:50 AM
والله ما قصرت و ابدعت بالجد..

تسلم يا رائع ولك كل التحايا..
الشايقي ود كسلا
14-Aug-2007, 03:52 AM
الاخ ابو عبد الحفيظ
الاخت روعة
لكم الشكر وانتم تجوبون علي كل البوستات
مشجعين ومعلقين
جزاكم الله خيرا
ولكم مودتي
الشايقي ود كسلا
19-Aug-2007, 08:20 AM
اسحق الحلنقي وقطر الندي
الريد جو قلبي بحبك بدا
ياطيبة حياتي يا قطر الندي
ما كان في خيالي تتنكر كدا
أيامن الجميلة ليه بتنكدا
جربت هواهم
قليبي انكوى
تاريهم جاروا
وماصانو الهوى
حاولت اسيبك واتناسى المضى
أيامك معاي ساعات الرضى
المكتوب علي أنا قلبي ارتضى
ياريت الليالي عطفو يعوضا
جربت هواهم
قليبي انكوى
تاريهم جارو
وماصانو الهوى
الكلمة الحنينة مشتاق اسمعا
روحي خلاص جفيتا والشوق لوعا
الدمعات
عيوني كيفن تمنعا
وانا شايف سنيني جورك ضيعا
جربت هواهم
قليبي انكوى
تاريهم جاروا
وماصانو الهوى
يومي الشفتك انت حسيت بالهنا
طويت يا حياتي شمعاتي انا
بعد الحب دا كلو يا أجمل منى
لي بكيتني تاني عاودت الضنا
جربت هواهم
قليبي انكوى
تاريهم جاروا
وماصانو الهوى
الشايقي ود كسلا
19-Aug-2007, 08:23 AM
أسحاق الحلنقى : الكروان






ليه يا كروان خليت عشك

باريت الغربة البتغشك

فارقت البلد البتريدك

بالصندل كانت بترشك

ليه يا كروان سبت ديارك

ومشيت خليتهم سمارك

دي الغربة الحتت نوارك

ما تسيبها تقلل مقدارك

دا البعد الحاصل كان منك

ليه نرمي اللوم على اقدارك

ليه يا كروان خليت ناسك

ومشيت للناس الماناسك

انت المعروف بين جلاسك

معروف بي رقة احساسك

ليه تنسى عيون النيل والليل

والريد الحابس انفاسك

ليه يا كروان بعدك طول

وما عاد تغريدك زي أول

انا عارفو حنينك ما تحول

عشق الأوطان ما بتاول

اصلو الانسان ما بكون انسان

لو بنسى قديم زمنو الاول
الشايقي ود كسلا
19-Aug-2007, 08:25 AM
أسحاق الحلنقى : شال النوار




ياريت من أول000

وريتنا إنك يكمن00 تتأخر يوم

كان غائب00أطمنّا شويه

وبحرك ياليل00ماشفنا نجوم

بيقولوا الغائب00عذرو معاه

في غيابك ياما00نشيل اللوم

العيد الجاب الناس000لينا ما جابك

يعني نسيتنا خلاص

مع إنك إنت الخليتنا

نغني الحب00ذكري وإخلاص




قريبا أعمال الشاعر: اسحاق الحلنقى
الشايقي ود كسلا
19-Aug-2007, 08:26 AM
ياأعز الناس/اسحاق الحلنقي
يا أعز الناس حبايبك نحن
زدنا قليل حنان
دا العمر زادت غلاوتو معاك
وصالحني الزمان
يا أحن الناس حنان

كنت من قبلك
بشيل الليل دموع
واطويه هم
انا كنت بخشى
على الأماني الطفلة
يفنيها العدم
وجيت لقيتك بين قلبي دموع
وغنيتك نغم

يا حبيب
ورد الأماني
الفي أعماقي فتح
وابتدا القلب
العاش العمر في آهاتو
يفرح
والزمن ماظنو بعدك انت
يرجع تاني يجرح

نامت أحزان عمري
غنى زماني
واتلاشت صعاب
أنا قبلك الأيام
قضيتا سراب
يسلمني السراب
وبيك طويت من عمري
صفحة ماضي مكتوب بالعذاب
الشايقي ود كسلا
19-Aug-2007, 08:28 AM
وسط الدايرة/اسحاق الحلنقي
وسط الدايرة أجمل نايرة
خلي قلوبنا تطير
وارحلي بينا فراشة حنينة
بين زينات وعبير
ولما الخصلة تدور طربانة
تبقي حرير في حرير
فرحي خلق الله واتّنّي ياشبه القمرة
وارقصي رشي عبيرك فينا وفتحي يا زهرة

أرقصي زيدي الساحة سماحة
نحن معاك نشيل
نغني غناوي ..نحكي حكاوي
لما ندوب في الليل
لا ترتاحي لا تريحينا
لسة الوقت طويل

عمرك كل فرح يا زينة
شيلي من الأفراح وادينا
راقصي البسمة راقصي النسمة
خلي الموجة تدور بينا
أوعي تهدي
كمان اتحدي
يلا جميلك تمي علينا علينا
الشايقي ود كسلا
19-Aug-2007, 08:29 AM
هجرة عصافير الخريف/اسحاق الحلنقي
هـجرة عـصافير الـخريف
فـى مـوسم الـشوق الحلو
هـيج رحـيلا مـع الـغروب
احـساس غـلبنى اتـحملو
وكتمت اشواق الحنـيـن
داير الدموع يتـقـلـو
ورجعـت خليت الـدموع
يـنسابو ..مـنى ويـنزلو
ليـه يا عصافيـر الخريف
خضرة مـشاعـرى اشيلا صيف

تـحت الـغمام شـايف
مـواكب الـهجرة اتـلاشت سراع
ليه يـا عـصافير ليه الاسف
مين علمك أسف الوداع
وعارف دا ما اول سفر
لبلاد بـعيدة بـدون مـتاع
زى ما بتخافي مـن الرياح
بنخاف كمان انحن الضياع
ليه يا عصافير ليه الضنى
صفقة جناحك احزنها

غـايـب الـسنين الـليله
مالو غنا العصافير غـلبو
طراهو زولا كان ولوف
كم رضا خاطرو وطيبو
سمع قليبو كـلام حـنين
هـدهد مـشاعرو ودوبـو
الـناس سعيدم فى الـحياة
لا ضاق فراق لا جربو
وانا حالى فى بعد الوطن
دفـعنى ضي العين تمن
الشايقي ود كسلا
19-Aug-2007, 08:33 AM
رحتا خليتنا
تاني ما جيتنا
لو مغالطنا ما مصدقنا اسال العنبه الراميه فوق بيتنا
خاينا يا دنيا
وقاسيا يا دنيا
قلنا نصبر
لا لا لا ما بنقدر
مالصبر قاسي
والمحبه قدر
خاينه يا دنيا وقاسيا يا دنيا

الزمن غدار
ظلمه ما بندار
حني يا دنيا
واقبلي الاعذار
خاينه يا دنيا
وقاسيه يادنيا
قاسيه يا دنيا
وخاينه يا دنيا
قلنا يا قمره سافري من بكره
ختي في قلبو صورت الذكره
خاينه يا دنيا
وظالمه يا دنيا
انت عارف الغذاب شفنه
والشقه وغشنا
Raw3a
19-Aug-2007, 07:45 PM
ياخي الاغنية دي بالجد ابداع

تشكر يا شايقي

ماااااااااااااااااااا قصرت
الشايقي ود كسلا
23-Aug-2007, 05:54 AM
ياخي الاغنية دي بالجد ابداع

تشكر يا شايقي

ماااااااااااااااااااا قصرت



مودتي يا روعة

[فقط الأعضاء المسجلين والمفعلين يمكنهم رؤية الروابط]
ود ابجديد
14-Oct-2007, 05:05 PM
تسلم يا الشايقي علي الروائع دي