ترمومتر مذيعى البيت السعيد الاسبوعى

[النور معنى النور]

احبتى جميعا ..
انتو عارفين انا اعتمدت على ارائكم فى تغييرات كتيرة ...

انا داير منكم خدمة
تعملوها بطريقتى ...:-

استفتاء اسبوعى عن افضل مذيع فى البيت السعيد حسب رايك انت الشخصى من خلال مشاهدتك المباشرة ... ويكون الراى فى تلاتة اجزاء كالاتى :
اولا : احسن اداء لمذيع استديو .
ثانيا : احسن اداء لمذيع خارجى فى المواد المسجلة .
ثالثا : احسن اداء لمقدم تحقيقات من الخبراء والدكاترة .


علما بان الجدول الحالى لمذيعى الاستديو كالاتى :
السبت والاثنين والاربعاء :
الاحد والثلاثاء والخميس :


وليس لى خبرة فى كيفية تسجيل الاراء والاصوات ... اطلب من الادارة تنظيم ذلك اذا امكن .

هذا الموضوع يهمنا جدا وسيكون له اثر مباشر فى وضع الجداول خصوصا اذا شارك فيه العشرة الف عضو من اعضاء المنتدى ......

[وائل محمد الحسن]

ههههههههه استاذ النور مافي شي غلبك
بس عندي اضافة صغيرة بتمني من الاعضاء اوضحو اسباب اختيارم للمذيع ؟
عشان زملاءه يستفيدو من الملاحظات دي

[اعلامية صغيرة]

استاذى الجليل النور لك التحية
وفكرة رائع وحنستفيد منها كتير وفى نواحى كتيرة

[اعلامية صغيرة]

ههههههههه استاذ النور مافي شي غلبك
بس عندي اضافة صغيرة بتمني من الاعضاء اوضحو اسباب اختيارم للمذيع ؟
عشان زملاءه يستفيدو من الملاحظات دي

لك التحية والتقدير اخ وائل

فعلا لو كل عضوا رشح مذيع وادل بااسباب حتكون فى نتيجة واضحة

وانشالة تكون انت اول نجم


ملاحظة توقيعك مبالغة

صلوا على الحبيب

[وائل محمد الحسن]

لك التحية والتقدير اخ وائل

فعلا لو كل عضوا رشح مذيع وادل بااسباب حتكون فى نتيجة واضحة

وانشالة تكون انت اول نجم


ملاحظة توقيعك مبالغة

صلوا على الحبيب
كتر خيرك يا اعلامية بس ماعرفناك ؟؟؟؟؟؟؟؟؟
اذا ممكن عرفينا عليك

[النور معنى النور]

لو امكن الاخوة المذيعين ما يشتركوا فى البوست دة ....حتى تكون النتيجة عادلة ... عندهم بوستات المنتدى التانية كلها مساحات للابداع والتواصل

[النور معنى النور]

تجاهل تام
من ناس المنتدى الاعضاء والادارة ....

لا حد نظم ولا حد شجع الاخرين للمشاركة فى الاستفتاء .....

حتى الناس القالوا انهم جادين ما شفناهم هنا ... !!!
يعنى الاستفتاء دة ما جادى ؟

ولا يمكن فيهو سياسة واستغلال ليكم ؟
ولا يمكن فيهو استهبال من جانبنا ؟

ولا المذيعين كلهم عاجبنكم ...طيب قولو : عاجبننا .

ولا المذيعين ما عاجبنكم .... طيب قولو : ما عاجبننا
طيب .... يمكن بتخجلوا او بتخافو ؟ اوكى ... اكتبوا لينا فى الخاص ...

غايتو الا تكونو ما قاعدين تشوفوا البيت السعيد ....
كدة بنعذركم ......
وربما نلوذ ببعض العبارات الحرسمية الحزينة

[ودالكاملين]

السلام عليكم أستاذ النور

كلنا نعرف ونعشق كل مذيعي البيت السعيد

مصعب
وائل
عمر
نسرين
تقوي
ميرال

بالاضافة للمذيعين الخارجيين

بما يقدموه من مستوي جميل جداً

وحقيقة نحتاج الا تثبيت هذا البوست

لنستطيع ان نقيم الاداء الاسبوعي الذي
يساعد في التنافس الشريف بينهم
ويفجر طاقاتهم

نرجوا من الادارة تثبيت هذا البوست

ولكم جزيل شكري

[النصف الاخر من]

عجبنى اداء الامورة ميرال ....
وهى اضافة حقيقية لمذيعى التلفزيون ...
وهى نجمة البيت السعيد حاليا بلا منازع ....
مبروك

[المحترف]

التحية لك استاذنا المبدع النور
انا شخصيا وفي رأي أن المذيع المتألق (وكلهم متألقين) هو النجم نشأت الإمام

[النصف الاخر من]

لكن الايام دى فى زول طالع فى الكفر براااااااااااااحة :

الشاب الاسمو مصعب

[بوح]

اخى المتالق النور ..

تحيه من العمق ..

الفكرة أكثر من رائعه .. وكما أنت دائم السعى للإرتقاء بذوق المشاهد .. والإهتمام بما يقدم له ..

أحييك من قلبى على التقدم المستمر لكل تفاصيل البرنامج من حيث الماده المقدمه والتيم العامل ..
وأود أن اسجل إعجابى بالطريقه الراقيه التى يطل بها الثنائى مصعب ووائل ..
تلقائيه .. بشاشه .. لغه سليمه .. سلاسة فى الإلقاء .. وهذا ليس تقليلا من شأن البقيه ولكن كلمة حق فى شأنهما ..لك التهنئه بهما وكل التيم العامل بالبرنامج .. ولهما كل الود ..


وأسال الله لك التوفيق ..

ودام الود

[النور معنى النور]

اخى المتالق النور ..

تحيه من العمق ..

الفكرة أكثر من رائعه .. وكما أنت دائم السعى للإرتقاء بذوق المشاهد .. والإهتمام بما يقدم له ..

أحييك من قلبى على التقدم المستمر لكل تفاصيل البرنامج من حيث الماده المقدمه والتيم العامل ..
وأود أن اسجل إعجابى بالطريقه الراقيه التى يطل بها الثنائى مصعب ووائل ..
تلقائيه .. بشاشه .. لغه سليمه .. سلاسة فى الإلقاء .. وهذا ليس تقليلا من شأن البقيه ولكن كلمة حق فى شأنهما ..لك التهنئه بهما وكل التيم العامل بالبرنامج .. ولهما كل الود ..


وأسال الله لك التوفيق ..

ودام الود

لن استطيع ان اخفى رد فعلى الحقيقى على ما كتبته بوح ....

يا سلاااااااااااااام على بوح

انت الوحيدة التى انتبهتى الى ما يحدث الان فى البيت السعيد
انتى الوحيدة التى قراتى ما بين السطور ...
الوحيدة التى اثبتى لنا انك فعلا بتشاهدى البيت السعيد هذه الايام ( مايو ) وليس من خلال صورة ذهنية لاسابيع ماضية ......

فعلا يا بوح .... هناك عمل كبير ... كبير جدا يتم التحضير له بهدؤ ... وتتم تغييرات كثيرة بطريقة تلقائية وهادئة ..... مدروسة بعناية وشورى واسعة ... المنتدى اساسها ...

انتى الوحيدة التى فهمت ان فكرة ترمومتر المذيعين هدفها هو مساعدة مذيعينا على عدم الركون والثبات فى المستوى ... بل ان يكونوا فى لياقة عالية ومتطورين باستمرار من اجل المشاهد .....

يا سلاااااااااااااااااااااااااااااااااااااااااااااااا ااام

[اعلامية صغيرة]

مذيع الاسبوع فى راى كان مصعب
رائع فى الاطلاع عذاب وهادى الحديث وعندو مزج للكلام غير عادى
اعجنى حوار وحديثوا عن مرض ضغط الدم وتاثر بحالة المريض الصغير(ربنا يشفيوا)

[ايمن بشير خليفه]

مافى كلام فى مذيعى البيت السعيد بس نتوقع وبصوت خافض مسالة الخطاب الاذاعى لدينا ان يكون كله باللغة الدارجة قدر الامكان لنجعل رسالتنا سودانية خالصة ولناكد على مسالة الهوية العاملة لينا ازعاج دى اضافة الى الايقاع السريع الذى يكسر الرتابة ويؤكد على جاهزية وحضور المذيع وامتلاكه للياقة الذهنية العالية واظن هذه المعايير تصلح لتكون المقاييس التى يمكن نقيم بها المذيعين .

[نانا]

الفكرة ممتازة ولكن هل ستعمل بنتائج الاستفتاء خطوات ايجابية

[ايمن بشير خليفه]

اشكرك مرة اخرى نانا على المداخلة واظن ان الامر بعد التزام الناس بالموضوع السابق يؤسس لقاعدة المذيع الناجح ويعود الامر برمته الى الادارات التنفذية ولا رايك شنو يا معنى

[ايمن بشير خليفه]

اشكرك مرة اخرى نانا على المداخلة واظن ان الامر بعد التزام الناس بالموضوع السابق يؤسس لقاعدة المذيع الناجح ليعود الامر برمته الى الادارات التنفيذية ولا رايك شنو يا معنى

[نانا]

وانا اصلا قصدت الادارة التنفيذية

[النور معنى النور]

نحن فعلا دايرين مقياس عن طريق كومى ...
اذا تم وضع مقياس بمعايير واضحة ... اعدكم ان نعمل بمقتضاه

اقترح ان يتم ذلك شهريا ...
على ان يستمر الاعضاء فى التداول طوال الشهر
ارى ان يتم تعيين من يقوم بالمهمة ... هل يكون مشرف ام عضو عادى ام ماذا ؟


شكرا نانا
شكرا ايمن
................................ حقيقى

[نشأت الإمام]

برغم منعنا من المشاركة في هذا البوست..
لكن لا نملك الا ان نبارك دوماً.. وبارك الله فيمن اهدانا عيوبنا

[وائل محمد الحسن]

وجدت هذا البوست في الصفحة الثانية أستاذ النور أستميحك عذرا بالدخول عليه فقط اردته في الصفحة الاولي لما فيه من فائدة لنا
لاتبتعدوا كونو معنا فانتم زادنا للطريق

[عاشقه امدرمان]

افضل مزيع نشأت الامام والسبب الثقه في النفس واللباقه

ميرال رائعه

تقوي تحتاج لبعض التركيز وستكون في المقدمه ان شاءالله

مصعب الاستعجال في الكلام يحتاج الي القليل من التروي

وجياكم

تخريمه
هذا راي يا اهلي وماتزعلوا مني
ولو ما كنت بحبكم ما كنت بتمني انكم تكونا الافضل

[خالد النو]

ميرال من المميزين فى البيت السعيد ووائل أدائه رائع وتلقائى جدا

[النور معنى النور]

فى نهاية الاسبوع الماضى حدث حادث الحركة المؤسف لاخينا نشات الامام فغاب يوم الخميس وحل محله الرائع عمر عائس .....

تحية لخلاصة الادب والفن عمر عائس ....

وهاهو فىاقصى الغرفة يدخل على النت ليجمع بعض المعلومات تلاضافية عن الراحل الفنان عثمان حسين بعد ان وصل خبر وفاته قبل قليل ....

[النور معنى النور]

يا جماعة عليكم الله ساعدونا فى التقييمات دى حول المذيعين ..... والله بتفيدنا شديد .....

ببساطة : ممكن تقول : -
( ارى ان افضل مذيع شاهدته هذا الاسبوع هو ..............)
بس .

[النور معنى النور]

تنوذج اختيار مذيع الاسبوع :

ساضع اى علامة جوار اسم مذيع الاستديو المفضل هذا الاسبوع :
@ وائل .
@ مصعب .
@ ميرال .
@ عمر عائس .
@ نشات .
@ تقوى .

[عاشقه امدرمان]

افضل مزيع للاسبوع هو الاخ مصعب
طبعا اتفرجت اليوم البيت السعيد وكانت طريقه تقديموا جد مميزه
هو اصلا كان عاجبني تقديموا بس كان مستعجل
بس اليوم اثبت جدارتوا


تقبلوا راي

[النور معنى النور]

افضل مزيع للاسبوع هو الاخ مصعب
طبعا اتفرجت اليوم البيت السعيد وكانت طريقه تقديموا جد مميزه
هو اصلا كان عاجبني تقديموا بس كان مستعجل
بس اليوم اثبت جدارتوا


تقبلوا راي

شكرا لقولك لرايك يا عاشقة

ارجو من الاخوان الادلاء برايهم : من هو مذيع الاسبوع الماضى الذى اعجبك ؟؟
مهم بالنسبة لى وللاخ جعفر امبدى مسئول المذيعين

عليكم الله شاركوا .........
هسسسسسسسسسسسسسسسسسسسسسسسسسسسسسسسة

[لميس ابراهيم]

افضل مذيع نشات الامام طريقتو مختلفه وبدي الموضوع الداير يقدمو معلومات غير الموجوده في الموضوع اصلا - يعني بزيد المعلومات في الفقرات وشكلو جميل
ووائل طريقتو حلوه لكن ما عارفه ليه بحس انو بتكلف الكلام وعندو طريقه في عيونو اسناء التقديم ما حلوه
وعمر عائس ممتاز والله وينفع مذيع اخبار درجه اولى وصوتو مميز شديد
ومصعب غايب ليهو زمن وهو برضو كلامو لطيف بس شكلو محتاج منو لحبة رياضه لانو زول شاب وما حلو انو الشاب يكون مترهل
نسرين ابتسامته حلوه وجذابه بس مرات بتبتسم من غير مناسبه وصوتها لطيف شديد
وميرال بالجد ما قاعد افهم منها حاجه لكن شكلها لطيف بالزي الجنوبي
وتقوى ما قاعده تقدم معلومات مفيده وعندها غلطات كتيره لكن برضو شكلها حلو
ما عارفه بالضبط دي انطباعاتي وما متاكده من انها صاح ولا لا لكن هو رايي الشخصي
لكن كل المذيعين بتاعين البيت السعيد احسن الف مره من باقي المذيعين الفي تلفزيون السودان

[عمر عائس]

تأكدي لميس أن ما يعجبك نحاول جاهدين في أن يتواصل إلي الأفضل...وما لايعجبك أيضا نسعي جاهدين لمعالجته...وهذا ما يجمعنا باسرتنا في كومي...من أجل التقييم والتقويم.....
فقط نتمني انك تواصلي في المشاهده وتوردي كل ملاحظاتك كما عودنا الأحباب في كومي...

[نشأت الإمام]

العزيز عمر.. كل الود
وشايفك ماشا الله عليك متابع متابعة لصيقة..

الاخت لميس.. خالص الود واديتينا اكتر من حقنا.. كتر خيرك كتيييييير

[لميس ابراهيم]

الاساتذه عمر عايس ونشات الامام

بحييكم وانتو بتتواصلو معانا عبر الانترنت على رغم اني عارفه انو مشغولياتكم بتكون كتيره - لكن بالجد انتو تحديدا الاتنين - اداءكم حلو شديد - ومعاكم وائل محمد حسن برضو لطيف بس كلموه يخلي الحركه بالبي عيونو دي - بتدي انطباع ما حلو كده وما ظريف

[مامون مهنا]

نواصـــــــــــــــــــــــــــــل ........

[لميس عمر]

اعجبني نشات كتير اول امس وهو بقدم تطوع تبرع - كان غايه في الشياكه واول مره اشوفو رابط كرافته مع البدله - وكانت انيقه جدا والله العظيم ياريت ناس الاخبار البلبسو الكرافته كحليه مع البدله البنيه يشوفوهو
واكتر حاجه عجبتني لما متصل قال قروشنا بودوها وين ناس المغتربين وطلع بره الموضوع خالص بطريقه ما حلوه - فالاستاذ نشات قدر يرد عليهو رد ما فيهو قسوه لكن في نفس الوقت وراهو انو دي مهام بقوموا بيها مختلف الجهات - لكن ناس البيت السعيد عندهم الفقره دي لمساعده الناس المحتاجين من دون التدخل في البقوموا بيهو الجهات التانيه - وابوي كان قاعد بيتفرج معانا وعجبتو الاجابه شديد وقعد يضحك ويقول لينا الزول ده زول واعي شديد ما حرج الضيف وما طلع من الموضوع

[نشأت الإمام]

شكراً جميلاً لك ولوالدك..
بلغيه خالص احترامي ومودتي

[ابو جعفر]

تجاهل تام
من ناس المنتدى الاعضاء والادارة ....

لا حد نظم ولا حد شجع الاخرين للمشاركة فى الاستفتاء .....

حتى الناس القالوا انهم جادين ما شفناهم هنا ... !!!
يعنى الاستفتاء دة ما جادى ؟

ولا يمكن فيهو سياسة واستغلال ليكم ؟
ولا يمكن فيهو استهبال من جانبنا ؟


والله ولى تزعل يا استاذي النور

طبعا انا برشح تقوى وبدون منافس

[ابو جعفر]

تجاهل تام
من ناس المنتدى الاعضاء والادارة ....

لا حد نظم ولا حد شجع الاخرين للمشاركة فى الاستفتاء .....

حتى الناس القالوا انهم جادين ما شفناهم هنا ... !!!
يعنى الاستفتاء دة ما جادى ؟

ولا يمكن فيهو سياسة واستغلال ليكم ؟
ولا يمكن فيهو استهبال من جانبنا ؟


والله ولى تزعل يا استاذي النور

طبعا انا برشح تــــقوى وبدون منافس

مع احترامي وتقديري الخاص الى جميع الذعيين

[UnBrEaKaBlE]

السلام عليكم ورحمة الله وبركاته

موضوع جميل و لو اهتمينا بيهو حيطلع اجمل ..

انا بصراحة ما بعرف المذيعين كلهم بس اللي لفت انتباهي اكتر من مرة هو الاستاذ نشأت ..
انسان راقي في طريقة كلامو وتقديمو وكلو اول مرة من زمن يجذبني مقدم في تلفزيون السودان .. ما حنك والله بس ده الحاصل ..

وكمان في واحد مسمياهو [ mini نشأت] بيشبهو شديد كانو اخوهو الصغير هههه .. اللي هو عرفت انو اسمو وائل :lol:

يديكم العافية كلكم والى المزيد من التقدم ..

وان شاء الله بما اني بقيت فاضية بتابع اول باول واقوليكم رايي ..

:wink:

[لميس عمر]

السلام عليكم ورحمة الله وبركاته

موضوع جميل و لو اهتمينا بيهو حيطلع اجمل ..

انا بصراحة ما بعرف المذيعين كلهم بس اللي لفت انتباهي اكتر من مرة هو الاستاذ نشأت ..
انسان راقي في طريقة كلامو وتقديمو وكلو اول مرة من زمن يجذبني مقدم في تلفزيون السودان .. ما حنك والله بس ده الحاصل ..

وكمان في واحد مسمياهو [ mini نشأت] بيشبهو شديد كانو اخوهو الصغير هههه .. اللي هو عرفت انو اسمو وائل :lol:

يديكم العافية كلكم والى المزيد من التقدم ..

وان شاء الله بما اني بقيت فاضية بتابع اول باول واقوليكم رايي ..

:wink:

اختي العزيزه
ده اصلا كان رايي من زمان انو نشات اكتر واحد شيك وقيافه واسلوبو مريح في التقديم - ومعاي والله كتير من الزميلات والزملاء في الجامعه ده رايهم في نشات - وبتابعو البرنامج اكتر في حلقات نشات - وده ما بمنع انو البرنامج حلو وفقراتو منوعه وكل الناس بتحبها

[لميس عمر]

والله ولى تزعل يا استاذي النور

طبعا انا برشح تــــقوى وبدون منافس

مع احترامي وتقديري الخاص الى جميع الذعيين


رايك جميل ومحل تقدير مننا - بس بدون منافس دي - ما بالغتا فيها ؟

[عمر عائس]

لابالغ بدون شك ناس نشات ديل يودوهم وين في ناس في اجازة طبعا ما عارفين صاح؟صاح...

[نشأت الإمام]

لابالغ بدون شك ناس نشات ديل يودوهم وين في ناس في اجازة طبعا ما عارفين صاح؟صاح...

يا حبيب انت في اجازة.. الكاشف اخوك ده حاشرو معاك في المكان الضييييييق ده مالك..؟؟ هاهاهاهاهاه

[الكردفاني]

يا حبيب انت في اجازة.. الكاشف اخوك ده حاشرو معاك في المكان الضييييييق ده مالك..؟؟ هاهاهاهاهاه


شنو ياعمر، الناس ديل لسة اجازتهم ماكملت؟ ههههه