نقــاش ما قبل مباراة ╗◄ المريخ Vs الهلال ►╔ بمناسبة احتفالات سوداني

[سمل ود الولياب]

إخـواني وأعـزائي أعضـاء وزوار منتـدى كومى يسـرنا ان نقـدم لـكم
نقــاش ما قبل المباراة التي ستجمع الأربعـاء المـوافق 30/04/2008

@ السـاعة 08:00 بتـوقيت السـودان[فقط الأعضاء المسجلين والمفعلين يمكنهم رؤية الروابط] استـاد المـريخ
[فقط الأعضاء المسجلين والمفعلين يمكنهم رؤية الروابط]
للنقــاش @
* كيف تتوقع ان يكون اللقاء؟ جادي ام استعراضي؟؟؟
* توقعاتك لتشكيلة الفريقين؟؟؟
* من هم الثلاث لاعبين من الفريق الآخر, الذين تتمناهم في فريقك المفضل؟؟؟

* هل ترى ان اقامة مثل هذه المباريات الودية بين القمة يمكن ان تذيب التعصب بين جمهور الفريقين؟!!! نتمـنى لـكم أجمـل الاوقـات
وفي انتـظار مداخـلاتـكم ونقـاشـاتـكم الجـميلة
دمتـم بـود

[ودالكاملين]

مرحباً بك سمل ود الولياب في الركن الرياضي

علي ما أعتقد أن هذه الكورة لن تقام بسبب فريق الهلال الذي
قال أنه لم يقدم له طلب من الاتحاد العام

علي العموم نرجو من الهلال لعب المباراة بأي شكل كان
لانها مفيدة جداً للفريقين وهما مقبلين علي مباريات ثقيله

أما بالنسبة للجمهور فالتعصب موجود فلا تفرق معهم مباراة رسمية
من ودية وربنا يكذب الشينة

مشكووووووووور أستاذ سمل ود الولياب

[العربى]

حقيقة ياسمل هذه المباراة ليس لها معنى
وغير ضرورية وضررها اكبر من نفعها
ترفع درجة التوتر.. تذيد عدد الاصابات
والمنتخب لدية مباراة والهلال لدية منافسة
والمريخ يحاول لملمة جراحة..
اتمنى للعيبة السلامة
والفوز للهلال
[فقط الأعضاء المسجلين والمفعلين يمكنهم رؤية الروابط]

[ودالكاملين]

ياعربي ما كنا كويسين يلملم جراحوا دي شنو

شد حيلك للراجيك

جنوب أفريقيا

وكان الكورة أتلعبت

[محمد عبيد ادريس]

الاخ سمل التحيه والود ...
اولا اشكرك على اللقطه الرائعه لدره ملاعب السودان والذى اتمنى صادقا ان تكون كل ملاعبنا بمثل هذا المستوى او افضل ...
اما بخصوص مباراة اليوم فاعتقد ان الجهازين الفنيين سيحرصان على الخروج باقل ضررا بالنسبه للاعبين لذا ستكون مباراه اغلبها استعراضى وخاصة ان الاعمده الفقريه للفريقين سيرتدون شعار الفريق الاخر .
واختلف مع العربى بانها تجربه يمكن ان تكون جاده ويستفيد منها المنتخب ان ترك الامر فى شكل التنافس الطبيعى .
وبالتاكيد ان مثل هذه المباريات تذيب التعصب الاعمى للفرقتين وعندما تعتاد الجماهير على مثل هذه اللقاءات فتكون الحصيله مره هنا واخرى هناك يصبح الامر سجالا وسرعة التعويض للمهزوم مما يجعل الامر ياخذ شكل التعود .
وصدقنى لا اتمنى هذا او ذاك لان حبه اولا هو الذى يخرج ابداع ايا منهم ويكفينى ان ما اعجب بادائه اجد فى حب اكبر وهو حب الوطن والمنتخب الوطنى .

عاطر تحياتى .

مودتى .....

[الزمخشري]

اخي سمل: شارك الهلال ببعض اساسييه وبفريق يغلب عليه الشباب واسيري كنبة الاحتياط ورغما عن هذا فقد استطاع ان يلحق هزيمة بينة وواضحة بالوصيف

غاب عن الهلال سبعة من اساسيي الهلال (سيدا - معز محجوب - عمر بخيت - علولو - حمودة - كرنقو - احمد عادل ) ويمكن اضافة ايفاني بتحفظ
حيث انه يشارك اساسيا في بعض المرات !!!
ورغم غياب هذه الكتيبة (كتيبة الردع الاستراتيجية ) فقد انهي الباقون الامر بكل سهولة واستطاع صغار لاعبي الهلال مانديلا والنعيم ود حمد ومهيد الفاضل سحب البساط من الجميع
ولان احدهم قائلا واين الهدف التي احرزه عبدالزهراء ؟
والرد بكل بساطة ان عبدالزهراء لاعب مهاري بدون شك وقد وجد مع الصف الثاني من الهلال ما لم يجده مع اساسيي الوصيف فابدع واحرزهدفه
لعب فيهما يوسف هوت بطلعاته ومهند بفنياته الدور الذي لايمكن تجاهله
ونقول كيف كان سيكون حاله لو لعب مع الصف الاساسي للهلال ؟
الهلال ارض للابداع ..اي لاعب يلعب فيه سيجد نفسه وسيجد انه يقدم شيئا جديدا وانه ولد من جديد
الهلال ارض لا تشبه بقية الاراضي البور !!!!.

[العربى]

بداية ودية وختام هلال مريخ
وكالعادة النصر للهلال


على الطلاق لو امبدة لبست شعار الهلال
لانتصرت على الوصيف

والحمد لله ارادوها ودية
فكنا للود اقرب

[الزمخشري]

ياقمر دورين
أنا سفتك وين!.

[ودالكاملين]

الاخ الزمخشري

تحية طيبة

أنت شكلك غاوي مشاكل

علي الطلاق بالتلاتة

لو حضرت الكورة ماكان حيكون دا كلامك

لانو الهدف الاحرزو علا الزهرة من عرضيه من باولينو ولدنا

وهدف باولينوا ولدنا شوف الكورة جات من وين

ونحن ماغلبناكم عشان ولدنا

وأنتو غلبتونا عشان الراكوبة بتاعتكم القعدت لينا عاله

شوف الكورة وبعداك تعال إتفاصح

ولك جزيل شكري

[الزمخشري]

الاخ الزمخشري

تحية طيبة

أنت شكلك غاوي مشاكل

علي الطلاق بالتلاتة

لو حضرت الكورة ماكان حيكون دا كلامك

لانو الهدف الاحرزو علا الزهرة من عرضيه من باولينو ولدنا

وهدف باولينوا ولدنا شوف الكورة جات من وين

ونحن ماغلبناكم عشان ولدنا

وأنتو غلبتونا عشان الراكوبة بتاعتكم القعدت لينا عاله

شوف الكورة وبعداك تعال إتفاصح

ولك جزيل شكري
اخي ود الكاملين
كلما اتسعت الرؤية إمتلك الانسان ما يملك أن يقوله.
انظـــر ماذا كان ردي وانظر إلي ردك انـــــا لم اذكر الذين أحرزوا الأهداف ولكن أجبت علي سؤال كنت أتوقعه منكم.
وكفي.

[ودالكاملين]

اخي ود الكاملين
كلما اتسعت الرؤية إمتلك الانسان ما يملك أن يقوله.
انظـــر ماذا كان ردي وانظر إلي ردك انـــــا لم اذكر الذين أحرزوا الأهداف ولكن أجبت علي سؤال كنت أتوقعه منكم.
وكفي.

مرحب مرحب

أنت قلت هزمتوا المريخ بالاشبال وأنا قلت ليك
الجابو الاهداف أولادنا


دايرني أقول ليك

نعم لقد هزمنا الهلال بأشباله

وبعدين وين الاشبال
الهلال كلوا فيهو كم لاعب ولو أمكن ممكن تذكر لي الاشبال ديل

عشان نشوف كم هم ؟ وهل يستطيعون حسم المريخ بخماسية ؟



ومن الان لا للكلام المغلف




ولك خالص إحترامي

[الزمخشري]

مرحب مرحب

أنت قلت هزمتوا المريخ بالاشبال وأنا قلت ليك
الجابو الاهداف أولادنا


دايرني أقول ليك

نعم لقد هزمنا الهلال بأشباله

وبعدين وين الاشبال
الهلال كلوا فيهو كم لاعب ولو أمكن ممكن تذكر لي الاشبال ديل

عشان نشوف كم هم ؟ وهل يستطيعون حسم المريخ بخماسية ؟



ومن الان لا للكلام المغلف




ولك خالص إحترامي

أخي ودالكاملين هل كل من مانديلا ومهند الطاهر ونعيم الصحافة ودمهيد الفاضل هل هم لعيبة لنادي المريخ هذا هم الذين رجحوا كفة الهلال بعد أن وصلت المباراة للتعادل وكما ذكرت أيضا سابقا وأذكر لك الآن أن الهلال لعب في ظل غياب ثمانية من تشكيلته الأساسية وراجع ردودي السابقة علي هذا البوست لمعرفتهم لذا كانت التشيكلة من الأشبال والإحتياطي أها الكلام دا وقع ليك ولا أعيدوا تاني؟...