من في مخيلتي..!!

[مداد النيل]

لا حاقدر الملم خطاي..واجيك
ولاني قادر اعيش بدونك..
انتي نادره في دلالك
وكلي تايه في عيونك..
ووين احصل زي خصالك
اسال الله لي يصونك..
ولما اسرح في خيالك.
او افتش لي اكتمالك..
القي كل الدنيا خاليه..
وخاليه من زره كمالك..

انتي يالمعسول كلامك..
وانتي يالممشوق قوامك..
ولمسه من اطراف اناملك..
تسري في جلد البسالمك..
زي دوايا يشفي لي كل المسالك..
كيف اعيش من دون لقاك..وكيف اسمع لي نداك..
ياحلوتي العاليات قصورك..
انتي ديمه متين بكاك..

يالضميرك ديمه صاحي..
ويالقليبك ديمه واعي..
انتي غايه مطلوب وصولك..وكل زولا ليكي ساعي..
شان يفوذ بي رحيقك..ويلقي شهدا زيه مافي..
لانه وجهك ديمه مشرق..انتي يابدر الاماسي..
ولانه شعرك في سواده
مافي ليلا ليه يباهي..
ولانه خصرك في ضموره..
مافي ريلا ليه تضاهي..
وقلبي محتاج ليها شوفتك..
يادره ياقمر الضواحي..
وناري تلهب في حشايا..
متين اشوفك ماني داري..
انتي نسمه في هجيري..
وضل يمامه في عز نهاري..
لانه مسكك ديمه فايح
زي اريجا من يضاري..

ولانه لونك شال من لون ..الزرع لونه..
ولانه بسمك خطف من البرق سومه..
وشان عيونك صافيه مره..
وابتسامتك حلوه ذهره..
وكل من ابصر ملامحك..
يسأل الله ليك ستره..

----------------------------------

[احمد بناوي]

انتي غايه مطلوب وصولك..وكل زولا ليكي ساعي..
شان يفوذ بي رحيقك..ويلقي شهدا زيه مافي..
لانه وجهك ديمه مشرق..انتي يابدر الاماسي..



احيييييييي
قدرت تطلع كلام جواي ماقدرت اصيغو واقوله
والله ابدااااااااااع يا ود قلت لي اسمك منو

[ياسر الصافي]

[font=Tahoma]انتي غايه مطلوب وصولك..وكل زولا ليكي ساعي..
شان يفوذ بي رحيقك..ويلقي شهدا زيه مافي..
لانه وجهك ديمه مشرق..انتي يابدر الاماسي..



]

[size=5][color=#0000FF]مداد كم انت رائع اتحفنا بالمزيد يا يزيد
واتخطى حاجز الزمن الرقيق
واشجينا بالربابة
غدا تكون لكل المدن المنسية في غايهب الماضي مداد
انت غيثارة

[ابو عبد الحفيظ]

تسلم مداد علي الكلمات المكتوبة بمداد من ذهب