حميدي وبس ورمضان زمان وهسي

[عبدالله كنه]

الرجل اللذيذ الجميل حميدي الحلفاوي

عايزك في موضوع صغير بمناسبة إقتراب شهر الخير والبركة


بما أنني مازلت كما يحلو لك أن تسميني (الشافع عبدالله كنة)

قررت أن أفتح باب حوار حقيقي وجامد بين رمضان هسي مع جيلنا ورمضان زمان مع جيل حميدي


رمضان عندنا ليه طعم خااااااص ونكهة خاصة

طبعا بعد العبادة والذكر

كمية هائلة من العصائر والمشروبات الغازية


بسبوسة وسمبوسة وحبة تفاحة


سيجارة بعد الفطور (مع إني مابسجر) وأجمل حاجة يكون أبوك ماعارفك بتسجر ويجوكم ضيوف في البيت تزوغ ومايشوفوك تاني

سهرة شبابية وقيم ضمنة وقيم كوتشينة وشوية كورة والنوم بعد السابعة صباحا

وأحيانا أفلام عربية وأجنبية للصباح

مكيف ضارب بدون بطانية وصحية مع الأذان وفطور جاااااااهز

تلاجة مليانة عصائر أشكال وألوان والحلويات دي أهم حاجة

وتعال شوف يوم العيد الصباح

آخر قشرة وتنسيق وإعداد وإتفاقات شبابية وترتيبات من أول يوم في رمضان

أها ياحميدي

دة رمضان حقنا كدة إنتو رمضانكم كان كيف لما كنت علي أعتاب الحياة الشبابية

الله يديك العافية وطولة العمر ويدي الصحة للجميع ورمضانكم كريم مقدما

[ابو عبد الحفيظ]

عبد الله كنة مااروعك وياحميدي يلا نحن منتظرنك

[حميدي الحلفاوي]

عبد الله كنة مااروعك وياحميدي يلا نحن منتظرنك
ياود كنه إنتا قايل عمري أصلو كم قايلني ناس ستين ولا خمسه وخمسون طبعا" إنتا كمان ماتبقى خلاص بتمص الغشاشه الله يعزك ويكرمك أنا بالظبط عمري في 22102007
قفلت ال30سنه هههههه وبعدين بعد عشره سنه بقفل العشره الرابعه
ومعاهو تمانيه اولاد ضكور وبعدين الساكن معاك وإنت سكن بغرفتو وتارك غرفتك الإسمو إسحاق وفي رواية أخرى ود كسلا الشايقي أكبر مني بخمسه سنوات وزياده ههههه....المهم لامن كنت بتصوم مع ناس أبوك كنت زيك وكنت أكبر منك ب6سنه لأنك قفلت التلاتين جنب بعض ههههه إنتا قايل يعني رمضان بيتحضر لالالا إنتو ماكنتوا متحضرين ههههههه كنتو بدو....بدو...وايد وايد بدون وايت...ولي عوده بإذن الله ..عشان قاعد اسس ليا بنك سميتو بنك منتدى كومي والله من جد بنك وحنطرح فيهو أسهم وسوف يعلن الإكتتاب قبل رمضان وبعدين الشعراوي بس مقرط على البنك...ههههههههههه و غدا" بمزاج نكمل مع الطرائف والنكات الحقيقيه البتحدث في رمضان...عند أهلنا بتاعين التمباك بالهيل الهرري والفيتنامي والفنزويلي .....

[محمد عبيد ادريس]

ممكن نتاوق بس يا كنه ؟؟؟؟:confused:

[عماد ساتي]

عبدالله كنه وينك ليك كم يوم كده ما شايفنك.


انا برضو يا حميدى منتظرك ... وتقريبا انا دفعتك انت قول وانا بقول بس منتظرك تبدأ.

تحياتي

[حميدي الحلفاوي]

ممكن نتاوق بس يا كنه ؟؟؟؟:confused:
كنة شنو ياود العبيد إنتا كمان الساعه 2.30ده مافاضي زي الوقت ده تلقاهو في مطعم بخاري ولا قاعد يسلق ليهو بيض مع لحمه مقلبه ..وبعدين هو تركني على الكورنر وفات لمنتدى ناوا دوت نت هههههههههه أخي وحبيبي ود العبيد تاوق زي ماتتاوق...ريحة الحلو مر...والعصيده الأنا مابدور طعمها....لسه رمضان قالو قرب ...مش قالوا صوموا ..هههههههههه إنتا حبيبي وعزيزي بل في مقام الأشقاء تماما" وبعدين تتاوق دي كلمه عربيه متأكد منها ياود العبيد ههههههه معليش لأني رطاني ومابفهم عربي مظبوط..مو بالحيل ولا كويس...ومامعنى كويس بالمناسبه دي هههههههه
ل

[حميدي الحلفاوي]

عبدالله كنه وينك ليك كم يوم كده ما شايفنك.


انا برضو يا حميدى منتظرك ... وتقريبا انا دفعتك انت قول وانا بقول بس منتظرك تبدأ.

تحياتي
أخي العزيز عمادكوف وفي رواية أخرى إذا صحت((راستا)) ياخي كتر خيرك إنك دفعتي لكن يازول ناس دفعتي نصهم شيبو ونصفهم زي كده كلكعوا..بالمناسبه ياعماد الكلمه ميه بالميه عربيه ههههه إنتا عارفني رطاني قح...وبعدين العربيه دي بقت ليا زي الركشه وسط الدفارات..ههههههههه أشكر لك عظيم مرورك...وإذا عايز ود كنه...طبعاط عارفو وين مع ناس راستا بهناك...ههههههههههههه تسلم ياغلي....ختام وكمال حديثي ومروري شكري وتقديري الدائمين لشخصكم الكريم ......................

[محمد عبيد ادريس]

كنة شنو ياود العبيد إنتا كمان الساعه 2.30ده مافاضي زي الوقت ده تلقاهو في مطعم بخاري ولا قاعد يسلق ليهو بيض مع لحمه مقلبه ..وبعدين هو تركني على الكورنر وفات لمنتدى ناوا دوت نت هههههههههه أخي وحبيبي ود العبيد تاوق زي ماتتاوق...ريحة الحلو مر...والعصيده الأنا مابدور طعمها....لسه رمضان قالو قرب ...مش قالوا صوموا ..هههههههههه إنتا حبيبي وعزيزي بل في مقام الأشقاء تماما" وبعدين تتاوق دي كلمه عربيه متأكد منها ياود العبيد ههههههه معليش لأني رطاني ومابفهم عربي مظبوط..مو بالحيل ولا كويس...ومامعنى كويس بالمناسبه دي هههههههه
ل

العم حميدى ( الرطانى بالفصحى ) تحياتى ...

عشان كده انا قلت لشعراوى فى رساله خاصه علمونا الرطانه عشان نتفاعل معاكم اكثر ...
واقترح ان تقوم تعملوا لينا فصل تعلمونا فيهو الرطانه ....
اما مشهيات رمضان فهى كثيره اذا اسقطت العصيده ( اوع تكون اسقطتها عرقيا ) ...من حساباتك ...واكيد التركين بتاعكم ده فى رمضان لا يذكر ولا كيف ....


مودتى .....

[salahelfaki]

-Sep-2007, 02:16 AM
أعلاه تاريخ البوست والوقت الذي فتح فيه.. وبمناسبة قدوم رمضان .. نعيد فتحه مرة أخرى..

كنه الحبيب..
رمضان زمان ورمضان الآن .. مع تحياتي ..

[حميدي الحلفاوي]

-sep-2007, 02:16 am
أعلاه تاريخ البوست والوقت الذي فتح فيه.. وبمناسبة قدوم رمضان .. نعيد فتحه مرة أخرى..

كنه الحبيب..
رمضان زمان ورمضان الآن .. مع تحياتي ..
يا الله عليك ياود الفكي نستلهم من الفيض يقين وتخيل ده تاني شهر من إفتتاح المنتدى05092007 الساعه 2.15صباحاَ الثلث الأخير... وبعدين أنا بهناك فتحتا منتدى في الإسلامي إسمو(((خيمة كومي في رمضان) وحتلقى فيه أكيد مايسرك ولكن هنا سنسرح
طبعاَ بالعاميه حقتنا....تحيتي ومودتي ويسعدني كثيراَ مروراتك

[د.ابن النفيس]

[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

[حميدي الحلفاوي]

شكراَ أخي الغالي الدكتور أحمد وأقول لك((شهرك مبارك)) وبلغنا سوياَ وجميعنا رمضان وتقبل الله من الجميع صالح الأعمال