ولا واحد سأل عن النور معني !!

[بلسم الروح]

أخونا النشط جدا النور معني يسجل غيابا واضحا هذه الأيام -
النور - لعل المانع خير ؟؟ نتمني ذلك
خالص التحايا ..
د/ بلسم

[وليد فضل]

النور معنى فالح جدا فى مهاجمة تيم كل الجمال (ما بدخلوا المنتدى) (عاملين فيها كبار)
اما هو بخش بالمزاج بالمناسبة تكون اشطر زول لو قدرت تقعد من النور دقيقتين فى التلفزيون .. واخر مرة جاء فى زواج معد كل الجمال مصعب كارورى مع شيخ على فى زيارة خاطفة (ومن ديك وعيك )

[البطري]

فعلا" اصبت كبد الحقيقة أخي وليد

[ودالكاملين]

الاستاذ النور

مشغول جداً بالبيت السعيد

ولا بهمو كل الجمال ولا غيره

وبالاجتماعيات هو أدري


مع حبي وتقديري لاستاذ النور

[ابواحمد]

تشتكي من قله ردود الاعضاءفي بوست اخر ........... اها جاتك يالنور

[نانا]

النور
الحوار انقلبوا على شيخهم....
يا ساتر منشية وقصر تاااااانى

[ابومرام]

النور فاضى من اجتماعات ( وصوت لوم) يدخل فى اجتماع ويمرق من التانى (عينى باردة) اشفق عليك اخى النور من الارهاق ( ذكرتنا باجتماعات مدير منوعات سابق وا (خوفى من نفس المصير)

[محمود حوته]

السؤال المطروح
هل استفاد النور معنى من المنتدى والمطروح فيه بخصوص تطوير البيت السعيد
كل الجمال انساهو شوية لان المقارنة الى الان معدومة ولا شنو يا جماعة؟؟

[وليد فضل]

دة بوست للنور معنى عن فريق كل الجمال
************************


--------------------------------------------------------------------------------

ولا فى زول ح يرد عليكم يا جماعة
ديل ناس نايميم فى العسل
بفتكروا انهم كدة تمام
ما محتاجين ليكم

ثم ... منو انتو عشان تتكلموا مع ناس كل الجمال ؟؟؟؟
ديل كباتن كبار
وبرنامجهم تمام مية المية

ما فاضين ليكم
انتو قابلين الاسماء دى قدركم ؟ :


- الجيلى محمد عوض - ملك المونتاج .
- محمود عبد الله - امبراطور الاخراج .
- وليد فضل - مالك ناصية البحث الفنى .
- عمر معنى - سيد التحرير الميدانى .
- مصعب الكارورى - نجكم الاعداد فى هارمونى والقنوات .
- مروان الزبير - المعد الذى اصبح منتجا للبرنامج الان بفضل امكانياته الضخمة .


ايها الزملاء فى المنتدى : الناس ديل خلاص طلعوا ... بقوا فوق

حتى كلامنا دة ح يقروه قراية ... ويمشوا ....وقتهم غالى ....!!!!!
************************************************** **********************
شوفتوا الكلام دة كيف النور معنى قال الكلام دة رغم انو سحب اغلب ناس كل الجمال الى البيت السعيد واخر زول مشى ود الضى وترك البرنامج فى الهبوب
يلا نعد وننتظر ونشوف النور حا يرد متين.. قولو واحد اثنين ثلاثة

[وليد فضل]

ابو مرام الثلج كيف

[محمد عبد العظيم]

النور لا اسكت الله لك حسا
اولادك شغالين رش تقيل

[ليمون بارا]

بوست لذيذ جدا كأن ناس كل الجمال كانوا راجين النور معنى (يدقس) وهاك يا سلخ
النور اتغدى بيهم فى بوست سابق والللة العشاء بيهو اتوقعها مساجلة مهنة جميلة

النور ارجى الراجيك انا معاهم ... نانا انتى كيف؟؟

[الكردفاني]

ياشباب.. النور المعني صار شخصية
V I P
ومافاضي لهضربتكم دي، وجدول أعمالو ممتلئ لحد التخمة.
ربنا يعينو

[النصف الاخر من]

النور معنى فالح جدا فى مهاجمة تيم كل الجمال (ما بدخلوا المنتدى) (عاملين فيها كبار)
اما هو بخش بالمزاج بالمناسبة تكون اشطر زول لو قدرت تقعد من النور دقيقتين فى التلفزيون .. واخر مرة جاء فى زواج معد كل الجمال مصعب كارورى مع شيخ على فى زيارة خاطفة (ومن ديك وعيك )


معقولة دى يا اخ وليد فضل - انتو معاهو وما لاقينو ؟ غرور يعنى وكدة ..الله يكون فى عونكم

[مصطفى سنجه]

الناس ديل كاخلووووا ليك جنبة تنوم عليها يالنور
شد حيلك بس معاهم ..

[النور معنى النور]

شكرا للاهتمام اخوتى واخواتى ....
وسامحونى هذه الايام عندى مشاكل جوهرية فى البرنامج ....
نكون او لا نكون ...



اما السيد وليد فضل ومن لف لفه وحت حته ( محمود حتة ) ...
نقول ليهم راجعين ليكم ....

كل زول من الزوار يمشى اقرب طبلية يشترى مناديل ورق ...
لانو الغبار ح يقوم والعجاج ما يديكم الدرب .....

ومن الجهة الاخرى فى ناس تانية محتاجة المناديل دى لقش الدموع .....
دموع التماسيح ................

قال مروان منتج قال .....
ماانتو تستاهلو ...
كما تكونو يؤمر عليكم

[ليمون بارا]

يا ساتر ولعت
النور قادم

[وليد فضل]

اواصل نشر حبري الذي لن ينزف مداده إلا إحقاقاً للحق
جهزنا المناديل ...
تانى شنو ...
(عجبتنى كلمة حاجات جوهرية)
ياخى ما ترجع لى بيتك الاول ..
بنرحب بيك ... والله كنت زمان سمين وامين ...
اما الليلة اظنك مقاسك بيكون قريب من شريف ثلج ...
يا شعراء المنصات لا تتشرطون في موقع الأمسيه العريف للامسيه منتج مصقول
مخضرم (زائغ من المنتدى ) يكون رجع ماليزيا تانى
عدم استقراره يشكل مأساه بالنسبه لابداعه

[اعلامية صغيرة]

اواصل نشر حبري الذي لن ينزف مداده إلا إحقاقاً للحق
جهزنا المناديل ...
تانى شنو ...
(عجبتنى كلمة حاجات جوهرية)
ياخى ما ترجع لى بيتك الاول ..
بنرحب بيك ... والله كنت زمان سمين وامين ...
اما الليلة اظنك مقاسك بيكون قريب من شريف ثلج ...
يا شعراء المنصات لا تتشرطون في موقع الأمسيه العريف للامسيه منتج مصقول
مخضرم (زائغ من المنتدى ) يكون رجع ماليزيا تانى
عدم استقراره يشكل مأساه بالنسبه لابداعه



الله عليك ياوليد
حلوة شعراء المنصات دى

وينك يااستاذ النور


شكلوا الغبار هسع حيقوم

[نانا]

انا محايدة يا ليمون بارا

لا مع القصر ولا مع المنشية

لكن برضوا مع اللعبة الحلوة .......

مين طالع فى المنصة ........

[محمود حوته]

بصفتى مخرج لبرنامج كل الجمال
اخصص فقرة (اخر اخبارك) القادمة للاخ النور معنى
والكرسى بتاعنا يا النور بارد وما داير بدلة جديدة من مركز عفراء
حا تجلس مع ناس حلوين وتتزكر زمن ما بتلقى بالقروش ومال الدنيا
بتجى يا حبيبنا النور ولا وعد وزوغة

[ابومرام]

اما الليلة اظنك مقاسك بيكون قريب من شريف ثلج


والله يا وليد انا فخور انو اكونendcatour لاستاذ النور (دى امشى لى مروان اشرحها ليك) والتلج لذيذ وببرد الواطة لانو الغبار قايم اليومين ديل اما استاذ النور فهو جاهز لاى مشورة فنية اذا غلبكم البرنامج وقلتو الروب خصوصا انو الفردة الاخر مشغول اليومين ديل بشهر البصل الله يكون فى عونكم

[وليد فضل]

الله يا شوش بعجبنى حماسك الشديد للمنتجين ولكن ما تتحمس شديد وشوف الحماس الشديد مشيت بيهو مكره من ليالى النغم........ الفاتت دى لا حا تفهمها ولا بشرحها ليك المنتج المنفذ شوف ود الضى امكن يفهمك ....الفردة المشغول بى شهر البصل حا يجيكم فى سوق البصل .... اقول ليك يا شوش غلبنا وقلنا الروب تعال لينا انت
فى الانتظار ...
بتجى ....
ولا زايغ ذى منتجك ...
بالمناسبة فى السخانة دى لوح الثلج عمل كم ؟؟

[اعلامية صغيرة]

اما الليلة اظنك مقاسك بيكون قريب من شريف ثلج


والله يا وليد انا فخور انو اكونendcatour لاستاذ النور (دى امشى لى مروان اشرحها ليك) والتلج لذيذ وببرد الواطة لانو الغبار قايم اليومين ديل اما استاذ النور فهو جاهز لاى مشورة فنية اذا غلبكم البرنامج وقلتو الروب خصوصا انو الفردة الاخر مشغول اليومين ديل بشهر البصل الله يكون فى عونكم


شهر البصل بوصل ياابو مرام




عرستوا زى القمر وبعدين صحبتى


تخريمة صغيرة
شنو يابومرام دايرين تتطلعوا نفستة من العرس راعوا ياخى معاك (وليدات)ولاشنو ياوائل

[ابومرام]

الله يا شوش بعجبنى حماسك الشديد للمنتجين ولكن ما تتحمس شديد وشوف الحماس الشديد مشيت بيهو مكره من ليالى النغم........ الفاتت دى لا حا تفهمها ولا بشرحها ليك المنتج المنفذ شوف ود الضى امكن يفهمك ....الفردة المشغول بى شهر البصل حا يجيكم فى سوق البصل .... اقول ليك يا شوش غلبنا وقلنا الروب تعال لينا انت
فى الانتظار ...
بتجى ....
ولا زايغ ذى منتجك ...
بالمناسبة فى السخانة دى لوح الثلج عمل كم ؟؟

الظاهر انك يا وليد حا تشترى تلج كتير من قروش MTN الكتيرة دى على فكرة ناس بيت المال بشتروا التلج ولا بكسروا
اما ليالى النغم اسال عن اميز باحث وستجد الاجابة الشافية بس بعد ود الضى يلقى الباص ويرد بتاعوا
اذا اردتم الاستعانة بى فانا جاهز بس عبر السيرفر او الاستشارة البحثية فقط مع مودتى تقطع الاربعمية بعرق العافية الهنية

[وليد فضل]

ههههههههههههههههههههههههههههه
حلوة يا شريف
انت مشغل فريد جاسوس معاكم ..بى سرعة جاتكم
والله يا شريف نحنا ما بنكابر فعلا اميز باحث وشفت شغلك
لكن البفهم جويلى منو ....
موافقين تعال كان بالسيرفر ولا بالاستشارة البعجبك فيهم
لكن ما عندنا ليك جنيهات بالكوم ذى ديك ...
نحنا الايام دى بنغير فى الجلد واسال تومات خيرى
بى قروشكم دى جبتوا لينا الهوا ....
برضو حلال عليكم تستاهلوا..
خلى النور يرد شوية يا شوش
اجتماعات برضو ..
تقطعوها بى عرق العافية
اقول ليك مروان زاتو شيلوه معاكم ...
مملكة كبرى مروان ومصعب والجيلى لاعبين 2 تراكس
هنا وهناك .......
انا غايتو بموت واقف ...
النور معنى المناديل جاهزة بالدستة .. وينك انت الال غيابك

[محمد عبد العظيم]

تراشق لطيف بين البيت السعيد وكل الجمال وحقيقة اهم افضل برامج التلفزيون واحلاها ا
اقول ليكم سر من عندنا
حا نعمل هجمة على رموز البرنامجين
يجونا هناك وبقروش اكتر
ياخبر الليلة بى قروش
شروق يا عسل

[النور معنى النور]

أخونا النشط جدا النور معني يسجل غيابا واضحا هذه الأيام -
النور - لعل المانع خير ؟؟ نتمني ذلك
خالص التحايا ..
د/ بلسم

تسال عليك العافية اختى دكتورة بلسم ...

شكرا ليك يا صحة يا مصحصحة ...

انتى سالتى ببراة ( احسب ذلك ) عن غيابى ...
لكن بعض رجال المدينة تلقفوا الخبر واطلقوا الاشاعات .....
ثم سكتى انتى من بعد ما سالتى
مستمتعة باصوات السهام المسمومة وهى تنهال على
ولم تظهرى بعد ذلك
فى سلوك منتدوى غريب !!!!!
وهذا ما يجعلنا نشكك فى صحة مصداقية السؤال اصلا .... ههههههههههههههههههههههههههه ......

لا لن اكتف بذلك ساحيل الشكوى الى الاخ المدير بالانابة ابو احمد .....

وادعو الاخيار او من يظنون انهم اخيار من ناس المنتدى الذين يزورون ولا يكتبون ان يقولو كلمة حق واحدة ثم يرجعوا لبياتاتهم الشتوية والصيفية ..

[النور معنى النور]

تراشق لطيف بين البيت السعيد وكل الجمال وحقيقة اهم افضل برامج التلفزيون واحلاها ا
اقول ليكم سر من عندنا
حا نعمل هجمة على رموز البرنامجين
يجونا هناك وبقروش اكتر
ياخبر الليلة بى قروش
شروق يا عسل

ياخوى جاهزين مقنطرين .... قدموا عروضكم بس ....شروق ... زول ....ساهور .... هارمونى .... قطوف .... الضحى ..... طبول العز ... بالالوان .... سودانية ....

اى مكان اى زمان ....
ناس البيت السعيد وكل الجمال تختار اى زول لاى مهمة ح يقوم بيها على اكمل وجه ... لاننا تعلمنا من بعض واختبرنا كل الطرائق ... ووووو

[النور معنى النور]

ياشباب.. النور المعني صار شخصية
V I P
ومافاضي لهضربتكم دي، وجدول أعمالو ممتلئ لحد التخمة.
ربنا يعينو


يا كردفانى يا نضيف .... ما قلنا ليكم يا جماعة الغبار بوسخكم

انت عارف يا ود الرهد اب تكنة ... انا ما غالبنى ابشتن ليك صاحبنا وليد فضل دة لكن قت فى نفسى : يا ود هسى تدى يجاى بجاى يموت ... يبقى بطل ....

انت رايك شنو يا راجل يا عظيم يا بن الاصول والقيم مش موقفى صاح ....؟

[النور معنى النور]

الظاهر انك يا وليد حا تشترى تلج كتير من قروش MTN الكتيرة دى .....


تقطع الاربعمية بعرق العافية الهنية



تقطع الاربعمية بعرق العافية الهنية

الجملة دى ما واضحة يا شريف ...
كدى فهمنى ...
انت عارف انو انا مع قصر النظر والتمتمة .... فهمى تقيل .....
فهمنى ياخ ....
فاهمنى ؟؟

[وليد فضل]

بفهمك انا يا حبيبنا النور
شريف الايام دى ما بيجمع من مسالة التعداد وكدة...
بواقى حسابات ..
انتو قايلين شريف بلعب فى ملعبكم بس ...
تتعدد الملاعب والضحاكة واحدة ...
افهمك انا يا النور..
الليلة قروش mtn الفترة المفتوحة نزلت عن فريد ..كلنا صرفنا واتبحبحنا ويا شريف انت غلطان هى ما اربعمائة بل خمسمائة لحلوح ما ينقص لحلوح ..
لكن المبلغ بسيط ما بجيب هوا بالمناسبة انا رقمى سودانى وبموت فى سودانى خليك اكبر مع الشبكة الاكبر لكن الوردية جات كدة ...
فهمت يا النور... صاحبك شوش مشى الخزنة بفتش ليهو فى سلف ولقى الفاتح مهدى مبسوط ولقط الاسامى وانا اسمى فوق وش
الليلة خمسمائة ويم السبت كورة المريخ مع الفريق من زمبابوى وحا اقبض تانى
شوش ما تجى معاى مساعد ياى الوالى الغالى جيمى ...
انتخابات المريخ قريبة اهو برضو باب رزق ...
رايكم شنو تتبنوا حملة جمال الوالى فى انتخابات المريخ اخير من المرصد البايت
النور قال خايفنى اموت ويقولوا على بطل
يا زول اضرب ساكت انا بطل من ورق

[النصف الاخر من]

وليد انت ساكن وين ؟

[شجن]

~*¤ô§ô¤*~*¤ô§ô¤*~معقول دا معني معقول حرم عليك يا وليد دا النور كلامك دا ما صح ~*¤ô§ô¤*~*¤ô§ô¤*~

[النور معنى النور]

اااااااااااااااااااااخ انا
حاولت امسك نفسى كتير من الرد لكن ما قدرت ....
هسى ح اخلى موضوع الورق ... والورق البطل جانبا
لانو عبد الرازق بتاع البقالة ادى الجيلى بطل ... الجيلى اكل البطل .. وعبد الرازق بتاع البقالة يعاين ليهو تحت تحت .... وبعد ما خلاص اتاكد انو الجيلى صاحب وليد وكاتم اسرارو اكل البطل بتاع الشفع السغار ... قام كورك ليهو ( الجيلى ... البطل دة مدتو منتهية ) ... ههههههههههه وتعال شوف ......بالله يا جماعة فى حقد من وليد على صاحبو الجيلى اكتر من كدة ؟ مسكين يا ابوصلعة الجيلى

[النور معنى النور]

دنيا غريبة ..
فى حاجات بتخلى الواحد متحير ...
يعنى الايام دى والكورة مولعة والمريخ بهناك ... يجيك زول يقول ليك العجب !!!
شنو يعنى العجب ؟؟؟؟

[النور معنى النور]

طبعا صاحب وليد التانى السيد المخرج محمود عبد الله ( محمود حتة ) مخرج كل الجمال متضارى ورا وليد ... وليد طبعا جسمو ضخم بسبب فيتامينات المريخ ولجانه كما اعترف هووبسبب الفترات المفتوحة ...عشان كدة محمود ما بلقى صعوبة انو يلبد وراهو هاربا من اسئلة اقلام كومى الشرسة مثل مصطفى كونج والكاشف وبريقع ( سابقا ) ..... واللبدة دى خلف هذا الجبل الضخم جعلت جسم محمود يترهل وغير قادر على جرى كل الجمال ... وغير قادر على ان يصيح ويقول بقهر : ( ما دايرين مروان ... ما دايرين مروان ) ......

مشكلة كبيرة ,,,,
اسفين للازعاج يا كونج كونج
عليك الله ما اخير ليك البوست دة ( بوست الهاربة الق المعانى ) بدل ناس وائل وعائس ال ما بردوا عليك ؟..... تعال شوف عمايل البطل الورق دة ...

[وليد فضل]

يا ربى النور دة بجرجرنى لى وين ...
ااى انا زاتى هتفت مع محمود (ما دايرين مروان )
لكن نسوى شنو نحن اتعودنا من هروب الكبار الباعونا والشمس حية...
لسة الضمير بناغم فيهم .. عشان كدة ادونا فن تشكيلى وحاجات تانية ..
نحنا عافين منهم بس انشالله الزمن يعفى عنهم ..
يا مشاهدين كل الجمال اعملوا محاكمة وكلنا نخش القفص .. والقاضى يحكم ..
وكل زول بى بى العملوا يتحاكم ..... محكمة .. القاضى منو اختاروه انتو ..
الجيلى لاعب معانا نص كلتش وبالوا مع البيت السعيد ..لابتوب .. وتلفونات فيها تلفزيون .. وسلطة وجاه ..
المريخ يا النور عالم جميل والوالى اجمل....... لجان المريخ ناعمة وحنينة ..
لكن كان قلت ليك بصرف من جيبى على شغل المريخ بتصدق ... ما لقيت من المريخ فى ثلاثة سنين غير تلفون ورقم مميز ولمن المريخ طار من الصفاقصى التونسى اديت التلفون لى محمود هدية ... لكن شوف الطرفة دى يا النور معنى وهى حصلت حقيقة
جمال الوالى ضرب فى رقمى الشالو محمود وقال لى محمود ( منو انت انا جمال الوالى محمود قفل الخط لانو قايلو زهير حسن احمد بهظر معاهو ) عليك الله محمود دة نصيح فى زول بقفل الخط لى الوالى ....
شريف سكت مالو التلج ساح ولا شنو ....
شريف يوم صرف البيت السعيد فى الخزنة انا قاعد وديها فى حسابك طوالى ما بريحك.

[ابومرام]

وليد الساح منو فينا
نحن حاضرين قايلنا شرائط مكتبة بتتراجع مع مردس ولا شنو
نتلاقى فى اللفه يا دفعة
والبيت السعيد دليل السعادة دايما مش زى برامج لما فات صاحب الفكرة صارت اجوائها عكرة
راجعوا انفسكم ( والجميل يبين اينما زرع)

[النور معنى النور]

اين محمود ....
وديتو وين يا وليد
اوعى يكون هارب فى شوارع امبدة

شايفك خليت التلفزيون وبقى جهادك ميدانى ....وتوزع فى البيانات البوستات
الله يرحم عصريات البقالة ..والجيلى الكان بيوكلنا بالدين ... ما عارف قروشو حلال ولا ...؟

[النور معنى النور]

الناس ديل معتمدين عليك فى الرد ليه ؟ مش انت الباحث ... فقط
ولا ح تشتغل كمان اعداد ومنتج ومحرر ميدانى .... وتخم قطع ديل كلها ....؟
يا راجل ؟؟؟؟؟
ما شاعر انك كترتها شوية ؟؟؟
باقى ليك وليد زاكى الدين .....

يعنى بعد ما فوتنا حكاية لجان المريخ والفترات المفتوحة ...لسة انت مصر ...؟؟؟

[النور معنى النور]

طيب ... رمضان كيف ؟؟؟؟؟ هههههههههههههههه

[نانا]

النور وينك ما باين

[النور معنى النور]

ايها الاخوة والاخوات الزوار ... اريد ان اذكركم بشيئين :
اولا : المناديل ... لزوم العجاج
ثانيا : احصاء الاهداف والزوغانات

ابو عبد الحفيظ ... فاهم حاجة ؟ ههههههههه

[نانا]

النور بيحاول تخويف الاخ وليد
دى شى باين وواضح
النور لو عندك حاجة طلعها بدون همز
لانو هو قال كلامو واضح.. انا القاضى وبحكم بينكم بالعدل والحساب ولد

[وليد فضل]

انا والله تعبت من تجميع المناديل ....
والعجاج ما قام ..
العجاج الشفناهو عجاج المرتزقة لما قاموا جارين بعد دحرهم ..
بالمناسبة حبيبنا النور امس كان بايت فى التلفزيون..
وسدو الفرقة تمام ...
تحية ليهم وما بكتب شى ..
وتحية لى مصدق حسن ..
والهادى احمد دفع الله ..
وعريفى ..
انا بايت الليلة ومعانا جابر الزين
الليلة بنخليك يا النور ..
بنرجع بكرة ...

[وليد فضل]

الدكتورة عاملة بتدور فينى
لكن انا مافى زول بدورنى ... هى زاتها عجاجها قام قبل دة
عارفين كيف ... اسالوا حامد عثمان
وهاك يا زعل وحردان ....

[وليد فضل]

النور وينك
العجاج قرب ولا شنو

[نانا]

اردنا الوقوف معك فيما تكتب فهاجمتنا بلا وعى
ولكن ...فقط كن فى الانتظار
والبادى اظلم

[الكردفاني]

هههههه داحس والغبراء.. العجاج جاااااااااااكم ياوليد.

[ابومرام]

بالمناسبة يا وليد ما ناس مكتبتكم بس البايتين
نحن برضو كنا بايتين واكلنا الطماطم سلطة بدون ملح ولا عيش
وكان هناك جنود مجهولين لا اريد تسميتهم
لولاهم لتوقف البث (كانوا فى النكبة ) يحضرون الجاز للمولد حين انقطعت الكهرباء
كان الجميع فى حالة استنفار حتى الكبار
كان الجميع قدر الحدث
وكان الجميع رهن الاشارة

[نانا]

لكم الشكر جميعا
واتراجع عن نيتى فى مواصلة الغبار
لانو خليل ما ترك غبار نتكتح بيهو

[النور معنى النور]

لكم الشكر جميعا
واتراجع عن نيتى فى مواصلة الغبار
لانو خليل ما ترك غبار نتكتح بيهو

لا يا دكتورة ... لا
انتى اكبر من كدة
تتراجعى كيف ؟؟؟؟؟؟؟؟؟؟؟؟؟؟

لن نقبل ابدا ...
وسياتيك المدد على وجه السرعة

قال وليد قال ....
وليد ولا منير ... وجهان لعملة واحدة ....
التفاصيل لاحقا لو اديتونا الامان