هل يفعلها النور معني ،، ويجبر كسرهم ؟؟؟

[شرف محمد الحسن]

قبل أربعة أعوام أصدرت وزارة العمل السعودية قراراً
يلزم أصحاب الشركات والمؤسسات بتخصيص أربعة
في المائة من جملة الوظائف للمعاقين .... واليوم يمثل
برنامج البيت السعيد همزة وصل هامة بين المجتمع و
إخواننا وأخواتنا الذين أراد الله لهم هذا الظرف ...
فهل يبادر النور معني بتخصيص وظائف للمعاقين
الذين لا تمنعهم إعاقتهم من العمل في مؤسسة البيت
السعيد ؟؟ كثير من هولاء تغلبوا على إعاقتهم ، ونموا
قدراتهم بشكل مدهش وفنان ..
فهلا جبرتم كسرهم يا مؤسسة البيت السعيد ..؟؟

[النور معنى النور]

اولهم انا ذاتى ..... مش انا معوق ؟ لو راجل قول لا ....
القاعدة جنبك موافقة ؟

كدة باقى ثلاثة فى المائة ......

[منير عبد القادر]

القاعدة جنبك موافقة ؟

......


ما قلت لينا القاعدة جنبو منو ؟ عشان تبقوا تلاثة

[شرف محمد الحسن]

اولهم انا ذاتى ..... مش انا معوق ؟ لو راجل قول لا ....
القاعدة جنبك موافقة ؟

كدة باقى ثلاثة فى المائة ......

معني يا أستاذ .. لو إنتي معوق نحنا نكون شنو؟؟ مكسحيين ؟؟
ومع ذلك الكمال لله .. قبلنا الواحد في المية ..
وعايزين تتم لينا الثلاثة الباقية ،، ما شرط توظفهم عندك لكن أعلن الفكرة
في البرنامج وأدعوا ليها المسؤليين في وزارة العمل ،، والباقي إنت عارفو ..
وأنا متأكد إنو دي فكرتك قبل ما تجول بخاطري .. يا أستاذ ..

[شرف محمد الحسن]

ما قلت لينا القاعدة جنبو منو ؟ عشان تبقوا تلاثة

شكرا يا منير على الدخول ..
القاعدة جنبي دي ( وما تكلم زول ) دي بنت أفكاري الأوحت لي بالفكرة ..
ولأن معني توردت ليه الخاطرة من بنات افكاره شافه قاعده جنبي ..

[الكردفاني]

ههههه إجابة رائعة مثلك أخي شرف، وربنا يجبر بخاطر البجبر بخاطر المعوقين الموهوبين.
والفكرة كلها إنسانية، بس هل سيتم إنزالها لأرض الواقع؟
مودتي

[نانا]

ونسبة الإعاقة في السودان تبلغ 5- 7% كذلك للمعوقون قانون غير مجاز منذ اعوام
كذلك يعانى المعوقون من عدم تفعيل وتطوير التشريعات التي تضمن حق المعوق في الحياة الاجتماعية بجانب دعم سياسات الدمج في كافة الاحتياجات الضرورية. لو افترضنا ان سكان السودان اربعون مليون فهنالك ستة مليون معوق وهى نسبة عالية
مرتبطة اساسا بضعف برامج التطعيم الطفولى
كنت اكون مسرورة لو رفع الاخ شرف الطلب للجهات المسئولة عبر برامج متخصة لان توظيفهم فى البت السعيد منطقه غريب فهل ستوعب البت السعيد مشكلة بطالة المعوقين ولو قدر له ذلك كم سيساهم فى المائة من الحل ........

[شرف محمد الحسن]

وربنا يجبر بخاطر البجبر بخاطر المعوقين الموهوبين.
والفكرة كلها إنسانية، بس هل سيتم إنزالها لأرض الواقع؟
مودتي


يا كردفاني يا رائع روعة الإسم الجميل ..
في البدء بتكون الخاطرة ، ثم تتحول للفكرة ، وبعدين أضعف الإيمان نطرحها
ونناقشها مع بعض ... ربما توحي لصاحب قرار بردة فعل إيجابي ..
شكرا على مشاركتك ..

[شرف محمد الحسن]

كنت اكون مسرورة لو رفع الاخ شرف الطلب للجهات المسئولة عبر برامج متخصة لان توظيفهم فى البت السعيد منطقه غريب فهل ستوعب البت السعيد مشكلة بطالة المعوقين ولو قدر له ذلك كم سيساهم فى المائة من الحل ........
شكرا أخت نانا على المعلومات القيمة التي تفضلتي بها ..
طبعا البيت السعيد لا يمكن أن يحل مشكلة بطالة المعوقين .. لكني إقترحت أن تكون
هناك حلقة تناقش فيها فكرة أن يتم استيعاب عدد من المعوقين - الذين لا تمنعهم اعاقتهم من العمل - استيعاب إلزامي بنسبة أربعة في المائة في كل مؤسسات الدولة
ولذا اقترحت على مؤسسة البيت السعيد ، بحكم برامجهم الاجتماعية ...
لكني أعتقد أن رأيك ورأيي وآراء الإخوان يمكن أن تشكل نواة لفكرة مثمرة في هذا الاتجاه ....
مع شكري لمشاركتك القيمة ...

[نانا]

اعتقد ان المشكلة اكبر من طرحها باليت السعيد المشكلة يجب ان تكون فى قبة البرلمان
اين وزارة الشئون الاجتماعية اين النظمات المهتمة اغلب المنظمات صارت مؤسسات تجارة مستفيدة من الاعفاءات لكم الله

[Mohamed Gaafar]

بسم الله الرحمن الرحيم

السلام عليكم ورحمة الله وبركاته

الاخ / شرف

سلامات يا فنان يا انسان في انك تستشعر معاناة الآخر قمة الانسانية و التجرد ... اخي جيتني في جرح اعمل مع المعاقين يوميا اعرف واعيش حياتهم قصصهم يدمي لها القلب حقا ... فنحن قوم بحمد اللة و بحكم الدين و التربية نعرف معني الرحمة.
فكرتك جميلة و الاجمل لو طبقت ... البدايات الصغيرة بتولد مشاريع كبيرة دعونا نراهم بينكم الكلام دة ليك يا المنطط عينيك استاذ النور معني فهلا تكرمتم. بجيكم صادي الا زمني ضيق و ماعوني فاضي.

[شرف محمد الحسن]

عليكم السلام ورحمة الله .. أخي محمد
وربنا يجازيك بالخير عن كل ما تقدمه في مهمتك النبيله
وأنا اعلم معاناة هولاء الإخوان ،، فقد سبق وعملت مع البروفيسور
فيصل مكي - رحمه الله - في برنامج الصلات الطيبه ..
لكن خلينا نتجرد من النظرة العاطفية وننظر إليهم كطاقات مبدعة بل وخلاقة
تنامت عندها ملكات ومقدرات معطلة عند غير المعاقيين ،،
وموضوع تعويض الأعضاء وتنمية المقدرات هذا موضوع طويل وفيه نماذج
رائعة سنعود لها ،، لكن دعنا نبحث في طريقة لتنفيذ الفكرة ..
مع ودي وشكري

[عبده مكي]

قبل أربعة أعوام أصدرت وزارة العمل السعودية قراراً
يلزم أصحاب الشركات والمؤسسات بتخصيص أربعة
في المائة من جملة الوظائف للمعاقين .... واليوم يمثل
برنامج البيت السعيد همزة وصل هامة بين المجتمع و
إخواننا وأخواتنا الذين أراد الله لهم هذا الظرف ...
فهل يبادر النور معني بتخصيص وظائف للمعاقين
الذين لا تمنعهم إعاقتهم من العمل في مؤسسة البيت
السعيد ؟؟ كثير من هولاء تغلبوا على إعاقتهم ، ونموا
قدراتهم بشكل مدهش وفنان ..
فهلا جبرتم كسرهم يا مؤسسة البيت السعيد ..؟؟

السلام عليكم اخي شرف
مشكوووووووووووور علي البوست والفكره لكن انا عندي زول داير ارشحه وانتو حتشكوروني علي كده وبعد داك عندي سؤال للنور معني
اولا الزول الداير ارشحو مخرج ومعوق ومبدع جداجدا جدا وماعشان هو صاحبي لكن دي امانه والامانه بتقتضي اني ارشحو وهو عضو جميل بالمنتديات ومعوق كمان
هدرماسوا او بالاصح معاويه قمر الشريف ولعلك تكون قد تابعت برنامجو البخرجو في هارموني باسم شنه ورنه وهسي كما علمت خاشي في برنامج تاني وكمان اعداد واخراج واسمو نادي هارموني او harmony club
وبما اني صديقه عرفت انو قدم عندكم في البيت السعيد وامتحن ولم تظهر نتيجه الامتحان
علي العموم الزول ده انا حا اكتب ليكم مؤهلاته وانتو احكمو براكم
له خبره ممتازه من ايام الجامعه في وضع الخطط البرامجيه يعني التخطيط الاذاعي
معد للبرامج ممتاز وعندو افكار جهنميه

دارس دراما ومكياج مسرحي بقصر الشباب والاطفال
يعني كشكوووووووووووووول
اما عن اسئلتي للنور معني
هو سؤال واحد
في زول يجيهو معاويه بي كرعي يفرط فيهووووو؟؟؟؟
احتراماتي ومودتي

[النور معنى النور]

السلام عليكم اخي شرف
مشكوووووووووووور علي البوست والفكره لكن انا عندي زول داير ارشحه وانتو حتشكوروني علي كده وبعد داك عندي سؤال للنور معني
اولا الزول الداير ارشحو مخرج ومعوق ومبدع جداجدا جدا وماعشان هو صاحبي لكن دي امانه والامانه بتقتضي اني ارشحو وهو عضو جميل بالمنتديات ومعوق كمان
هدرماسوا او بالاصح معاويه قمر الشريف ولعلك تكون قد تابعت برنامجو البخرجو في هارموني باسم شنه ورنه وهسي كما علمت خاشي في برنامج تاني وكمان اعداد واخراج واسمو نادي هارموني او harmony club
وبما اني صديقه عرفت انو قدم عندكم في البيت السعيد وامتحن ولم تظهر نتيجه الامتحان
علي العموم الزول ده انا حا اكتب ليكم مؤهلاته وانتو احكمو براكم
له خبره ممتازه من ايام الجامعه في وضع الخطط البرامجيه يعني التخطيط الاذاعي
معد للبرامج ممتاز وعندو افكار جهنميه

دارس دراما ومكياج مسرحي بقصر الشباب والاطفال
يعني كشكوووووووووووووول
اما عن اسئلتي للنور معني
هو سؤال واحد
في زول يجيهو معاويه بي كرعي يفرط فيهووووو؟؟؟؟
احتراماتي ومودتي

اخى عبده مكى
تحية واحترام

كلما ابتعدنا عن شخصنة الافكار والمقترحات يكون افضل ....وطالما الاخ معاوية شغال فى هارمونى فلندعه يبدع ويجدد هناك ....كما اننا لا نفضل من تخرج فى مدرسة هارمونى ان يعود مرة اخرى القهقرى لتلفزيون السودان .....دعونا نرى ( نادى هارمونى ) بابداعاته .

[هدرماسوا]

اخى عبده مكى
تحية واحترام

كلما ابتعدنا عن شخصنة الافكار والمقترحات يكون افضل ....وطالما الاخ معاوية شغال فى هارمونى فلندعه يبدع ويجدد هناك ....كما اننا لا نفضل من تخرج فى مدرسة هارمونى ان يعود مرة اخرى القهقرى لتلفزيون السودان .....دعونا نرى ( نادى هارمونى ) بابداعاته .

شكرا جزيلا اخي عبودي عبده مكي علي ترشيحك لي وكما قال النور معني وكما قال النور معني دعني في هارموني لانها عندي بالدنيا ومع احترامي للكل في تلفزيون السودان الا انني لا اشبهه وهو لا يشبهني
استاذ النور زي الشميت ريحه ساس يسوس (بقصد سياسه القناه يعني )في كلامك لك الود

[هدرماسوا]

اخي شرف تحيه واحتراما اشكرك علي تناول هذا الموضوع وكنت قد تناولت هذا الموضوع بعنوان سين سؤال لماذا لايعمل المعوقون ؟؟؟؟
واليك بعض مما كتبت

















سين سؤال لماذا لايعمل المعوقين ؟؟؟؟؟؟؟؟؟؟3-5





--------------------------------------------------------------------------------

بسم الله الرحمن الرحيم
اسمحو لي في البدايه ان اهدي هذه الابيات الي كل من تكرم بالترحيب بي في المنتديات والي كل من رد علي سلسله الموا ضيع التي كتبتها بعنوان سين سؤال لماذا لايعمل المعوقين
وااسف لتحريف الابيات
سروري من الدنيا (اهتمام) احبتي
وغايه مقصودي (اجبتم )دعوتي
الا ايها الاحباب جودو وشرفو
لتزداد افراحي وتجلو مسرتي
شكر جميلا لكل الجميلين الذين كتبو وللذين خانهم التعبير والي كل من كلف نفسه والقي نظره علي الكتابات التي كتبتها والي كل من رحب بي في المنتديات
ونرجع لي موضوعنا وقولو ياساتر المحطه الثالثه كانت شركه انتاج اعلامي وكانت في الدور الارضي ههههههههههه حلوه الدورالارضي دي المهم قدمت ورقي علي اساس انهم دايرين مخرجين وكده واخوكم طوالي خش في دور شكرالله خلف الله وخلفت رجلي وخشيت المعاينه بالمناسبه الرجل الخلفتها كانت المعوقه لزوم قشره وكده واجتزت المعاينه بفضل الله لكن وبعد ان ظهرت النتيجه واتضح انو اخوكم ناجح قالو لي طبعا طبيعه العمل هنا عندنا ضاغطه ولازم الزول يكون هنا بي صفه مستمره ووووووو(يعني برضو اعتذار بي ادب ) المهم انا قلت للمسئول من الشركه انا البعرفو شغل الاعلام كلو ضاغط وكونو انا جيت قدمت بالتاكيد بكون عارف مدي صعوبه العمل وانا قبل كده كنت شغال في دراما تبع احدي المنظمات شغال فيها اربعه ادوار م مخرج وماكيير وممثل وريبوتر المهم انا قبلت اعتذارك وخير ومشيت زي مابقولو المصريين (قفاي يقمر عيش)


















سين سؤال لماذا لايعمل المعوقين؟؟؟؟؟؟؟5-5


--------------------------------------------------------------------------------

بسم الله الرحمن الرحيم
المحطه الاخيره كان عمل حر او بالاصح في واحد عنده محل بتاع تصوير مناسبات (فيديو) المهم مشيت لي عن طريق احد اصدقائي وبعد اتفقنا انو اشتغل معاه اتفاجات بعد تلاته يوم شغل انو قال لي وبي كل صراحه انك معوق والشغل ده مابتقدر عليهو وانا داير زول سليم انا ماحا اعلق علي القالو اخليكم انتو تعلقو بس قلت لي بي كل اللغات البعرفها شكرا او ثانك يو او ميرسي بوكو او مولتو غراتسي وصلت المعلومه ياحبيب اليس من حقنا ان نعمل ؟ هل الاعاقه سبب في عدم كسب الرزق؟ هل تضمن ان تظل انت سليما الي الغد ؟هل العيب فينا اننا خرجنا الي هذه الحياه ولم نتقوقع ونصبح بعيدين عن الناس؟ هل ندع الناس تتحكم في مصائرنا دون ان نقول لا ؟ والحمد لله اتي الفرج وقبل ثلاثه ايام من الرائع الاستاذ معتصم الجعيلي فلقد قدمت اوراقي لديهم في هارموني وبذلت معي الانسانه بكل ماتعني الكلمه الاخت هاديه المذيعه ومسئوله العلاقات العامه في القناه مجهودات جباره وقمت باعداد برنامج سيري النور قريبا لكي يرو قدراتي ومن ثم اتوظف عندهم بعد ان اثبت كفائتي لم ينظرو لي بتلك النظره السطحيه ولم يعتبروني معاقا حتي ان الاستاذ معتصم الجعيلي قال لي ( ان هارموني لاتعرف كلمه معاق بل ذوي الاحتياجات الخاصه وان كلمه معاق محرم نطقها هنا) ومن باب ان الذي لايشكر الناس لايشكر الله اشكر الاخت هاديه علي اهتمامها والاستاذ معتصم الجعيلي مديرعام القناه علي الثقه الغاليه واتمني ان اكون عند حسن ظنهما وفي امان الله
كان هذا مقتطف من الموضوع ويمكنك مطالعه الموضوع علي هذه المنتديات اذا ذهبت الي مواضيع هدرماسوا لك الود

[شرف محمد الحسن]

الأخ الفاضل .. عبده مكي
الأخ المبدع .. معاويه قمر
شكرا.. لكما .. لأن مروركم أكسب البوست معنى عميق أضاف
الكثير من المعاني التي كنت أنشدها من خلاله ..
ولو رجعت للموضوع لابد أن أكتب ما دفعني لطرحه ، فقد تناثشت طويلا مع الصديق
د.محمد عبد العزيز - المتخصص في الدراسات الإجتماعية - وكان الكلام
حول نظرية ( تعويض الأعضاء عند المعاقين ) فقد أثبت التجارب والدراسات
ان الذين يتأثرون بأي إعاقة تتطور عندهم ملكات ومواهب أخرى تعوض فقدهم للجزء المعاق
ومثال ذلك أن الذي يبتلى بالعمى تتطور عنده حاسة السمع لأضعاف ما عند الشخص المبصر ،،
هذا التعويض ينمي مواهب وملكات تفرز ابداعا دفاقا ..
لذا نجد أن كثير من ذوي الاحتياجات الخاصة لهم ابداعات خاصة في مجال الفنون البصرية والمسموعة ..
وأنا لا أقول هذا الكلام من الواقع النظري فحسب ،، ولكن لي تجربة مع الإعاقة بالشلل استمرت قرابة العام ،،
وكنت ألاحظ تنماي مواهب الادراك والخيال عندي في الوقت الذي كانت كل اعضائي الحركية معطلة ..
واحمد الله على التعافي .. لكني أعلم كيف ان الله يحفز في المعاق قدرات أخرى تفوق السليم ..
أنا لا أدعو للتوظيف الإجباري ،، وإنما لإعطاء فرصة عادلة لذوي الاحتياجات الخاصة لإبراز عبقريتهم ..
وليس شرطا التلفزيون أو البيت السعيد ،، وإنما البداية تكمن في النظرة الصحية لهم دون خلط للعواطف والشفقة ..
إستمر .. معاوية .. فأنت مبدع ،، والإبداع معين لاينضب ..

[هدرماسوا]

الأخ الفاضل .. عبده مكي
الأخ المبدع .. معاويه قمر
شكرا.. لكما .. لأن مروركم أكسب البوست معنى عميق أضاف
الكثير من المعاني التي كنت أنشدها من خلاله ..
ولو رجعت للموضوع لابد أن أكتب ما دفعني لطرحه ، فقد تناثشت طويلا مع الصديق
د.محمد عبد العزيز - المتخصص في الدراسات الإجتماعية - وكان الكلام
حول نظرية ( تعويض الأعضاء عند المعاقين ) فقد أثبت التجارب والدراسات
ان الذين يتأثرون بأي إعاقة تتطور عندهم ملكات ومواهب أخرى تعوض فقدهم للجزء المعاق
ومثال ذلك أن الذي يبتلى بالعمى تتطور عنده حاسة السمع لأضعاف ما عند الشخص المبصر ،،
هذا التعويض ينمي مواهب وملكات تفرز ابداعا دفاقا ..
لذا نجد أن كثير من ذوي الاحتياجات الخاصة لهم ابداعات خاصة في مجال الفنون البصرية والمسموعة ..
وأنا لا أقول هذا الكلام من الواقع النظري فحسب ،، ولكن لي تجربة مع الإعاقة بالشلل استمرت قرابة العام ،،
وكنت ألاحظ تنماي مواهب الادراك والخيال عندي في الوقت الذي كانت كل اعضائي الحركية معطلة ..
واحمد الله على التعافي .. لكني أعلم كيف ان الله يحفز في المعاق قدرات أخرى تفوق السليم ..
أنا لا أدعو للتوظيف الإجباري ،، وإنما لإعطاء فرصة عادلة لذوي الاحتياجات الخاصة لإبراز عبقريتهم ..
وليس شرطا التلفزيون أو البيت السعيد ،، وإنما البداية تكمن في النظرة الصحية لهم دون خلط للعواطف والشفقة ..

إستمر .. معاوية .. فأنت مبدع ،، والإبداع معين لاينضب ..





الاخ شرف تحيه من عند الله
اولا الحمد لله الذي عافاك وشفاك وحمد لله علي السلامه يازول
ثانيا وده المهم مشكوووور علي كلماتك الرائعه في حقي ولك مني الود كله
انا بدري سمعت كلمه جميله جدا ومتعصب ليها جدا
اينما يوجد الابداع فان من خلفه معاق

وعشان تتاكد من كلامي ده طالع موضوع ارفعو القبعات وانحنو لتحيتها واليك ما كتبت عن زوله بالجد كده ماشاء الله

قسمه
وهي كفيفه ومعده برامج ممتازه


السلام عليكم
قبل اسبوع من الان اتصلت علي
وكان هذا الحوار
هي : السلام عليكم
انا : وعليك سلام الله مرحبتين
هي : استاذ معاويه انا قسمه من اذاعه صوت القوات المسلحه
انا : اهلا وسهلا
هي : دايره استضيفك في برنامجي وعذرا انا طبعا شلت الرقم من ......... واسفه اني اتصلت بدون مواعيد
انا : ولايهمك
هي: انا طبعا عندي برنامج يتحدث عن المعوقين وانت نموذج ليهم بعني المعوقين الاتغلبو علي الاعاقه واشتغلو في مهن صعبه وعلي حسب علمي انك معوق ورغم الاعاقه شغال مخرج تلفزيوني
انا: جدا ياستي بس برنامجك متين
هي : انا بسجل يوم الاربعاء الساعه اربعه ونص
انا :جدا ياستتي انا انشاءالله بكون عندك في المواعيد
انتهت المكالمه
ذهبت الاربعاء الماضي الي الاذاعه وعندما دلفت من الاستقبال وسالت عنها قالو لي تفضل بانتظارها
وعندما اتت وجدتها كفيفه اي والله
ورغم ذلك تعد برنامجا يقول عنه المنتمين الي الاذاعه انه لا غني عنه
وجدتها مرتبه
واعيه
مثقفه
مثال للبنت السودانيه الميه الميه
مع ملاحظه انها تسكن الكلاكله
وموقع الاذاعه في سينما النيل الازرق سابقا تحت كبري بحري وبتجي بالمواصلات عاينو عليكم الله بتتعب كيف المسافه بين الكلاكله والاذاعه بعيده جدا جدا
نسيت اني اقول ليكم انها تدرس في جامعه الخرطوم وتعمل في الاذاعه
ربما خانتني العبارات في ان اوصفها الوصف المثالي لكن
قسمه ستظل مثال للصمود في وجه الاعاقه
حيوها معي وانحنو اليها وارفعو القبعات