احكي لينا ايام رمضان عن مواقفك مع الجوع والعطش

[أرض الخير]

السلام عليكم اخوتي الاعزاء

اهنيكم بحلول رمضان علينا وعليكم يتبارك الشهر الفضيل

كل واحد عنده موقف او نام من غير عشاء...........................

او نام عطشان وقام اتذكر بعد الاذان اذن وبدا يومة في الصيام..................

او نسى او اكل وهو ناسيا انه في الشهر الفضيل

ارجو ان تكون فكرتي وصلتكم...............

اليكم التحية المباركة من الله تعالى

[أرض الخير]

وانا حا ابدا ليكم الموقف حقي مع اول يوم ....................

اليوم اول يوم في رمضان اتعشيت والحمد لله قلت خلاص

اشرب الشاي بعد شوية.........................

شعرت بالنعاس نمت......................................

قمت على صوت التليفون من السودان وتميت اتكلم مع الاهل

واحد تلو الاخر وانا عطشانة وخرمانه للشاي........................

ولمن خلصت المكالمات كان الاذان اذن صليت ورقدته شوية

وهسة الساعة ثمانيه صباحا وانا عطشااااااااااااااااااااانة

وموضوع الشاي اسكتوا خلوهو ساكت..........................

الله يعظم الاجر ويصبرنا على العطش...............

[عماد ساتي]

الأخت العزيز لبنى محجوب ... كل عام وانت بخير تصومى وتفطرى على خير ... هاكى النكتة دى بمناسبة رمضان:

كان احدهم لا يصوم فاقنعه اصحابة بتجربة الصيام وطبعا جو السودان معروف بالسخانة واقتنع صاحبنا وظبط سحوره من بدرى وقام الصباح ومشى الشغل ورجع ويعاين للساعة ونام وقام ويعاين للساعة ومشى خش سينما القاعة فى ايامها ديك والفلم خلص وخرج ولقى الشمس لسه فى نص السما فنظر اليها وقال مخاطباً الشمس:

ايوه الليله عدوك دا .... ما صايم.

تحياتي

[أرض الخير]

الأخت العزيز لبنى محجوب ... كل عام وانت بخير تصومى وتفطرى على خير ... هاكى النكتة دى بمناسبة رمضان:

كان احدهم لا يصوم فاقنعه اصحابة بتجربة الصيام وطبعا جو السودان معروف بالسخانة واقتنع صاحبنا وظبط سحوره من بدرى وقام الصباح ومشى الشغل ورجع ويعاين للساعة ونام وقام ويعاين للساعة ومشى خش سينما القاعة فى ايامها ديك والفلم خلص وخرج ولقى الشمس لسه فى نص السما فنظر اليها وقال مخاطباً الشمس:

ايوه الليله عدوك دا .... ما صايم.

تحياتي


مشكور اخوي عماد وربنا يتقبل منا ومنكم يارب

والله صاحبنا دة زعل زعل شديد خلاص .................................

كمان اديك دي من اخوي..................

اخوي الليلة مظبط الرقاق برضو ومع تعب السوق وجري السودان

قام نام ومرتو نامت....................................

صحو بعد الاذان والدنيا وضلام وماعارف الوقت كم وعايز يضرب الرقاق

بعدين مرتو قالت ليهو ماتاكل النشوف الساعة كم

ولعت النور وعايزة تشوف الساعة كم

قال ليها اطفئ النور مالكك ومالو مولعاهو جيبي الرقاق دة هنا

قالت ليهو والله تاكل تكون فاطر.........................

غايتو في الاخر طبعا ما اكل لكن زعل شديد ..........................

[ابواحمد]

الحمد لله الذي بلغنا رمضااااااااااااااااااااان شهر القران وشهر الصبر نساله ان يجعلنا واياكم من الفائزون به وممن يوزعون عليهم الجواز وهو الدخول الجنه من باب الرياااااااااااااااان





اخونا وبمناسبه الجو الحااااار قال ليهم والله رمضان السنه دي كان ما جقيمات الوضوء كان متنا من العطش.....

[أرض الخير]

الحمد لله الذي بلغنا رمضااااااااااااااااااااان شهر القران وشهر الصبر نساله ان يجعلنا واياكم من الفائزون به وممن يوزعون عليهم الجواز وهو الدخول الجنه من باب الرياااااااااااااااان





اخونا وبمناسبه الجو الحااااار قال ليهم والله رمضان السنه دي كان ما جقيمات الوضوء كان متنا من العطش.....


لك التحية اخوي بركة ابو احمد

وربنا يتقبل منك صالح الدعوات ويخليك يارب

لكن زولكم دة باااااااااااااااااااالغ........................... ...........:eek:

[حمدي سرالختم سيداحمد]

بسم الله الرحمن الرحيم
الاخت الفاضلة لبنى لك التحية ورمضان كريم وتصومي وتفطري على الف خير
بالنسبة لموقفي هو موقف العربي السالوه كم تبقى من رمضان وهو في نص اليوم الاول فاجاب (عشرتين وتسعي وباقي اليوم ده).ولكم ودي

[ابو عبد الحفيظ]

كل سنة وانت طيبة اختي لبني

الفلاتي قال للحلفاوي المفروض رمضان يكون شهرين متواصلين ، الحلفاوي قال ليهم المفروض رمضان يكون زي كاس العالم كل اربعة سنوات وكل مرة في دولة

[كاندي]

الاخت لبني انا بحكي ليكي نكته بمناسبة رمضان وجرستو


واحد قال للتاني رمضان شكلو مجرسك؟؟؟ قال لي منو انا والله مامتجرس ولا شي!!!!! انا من الصباح شاي الصباح البتقعد لى فى الواطة داك ماشربتو اها الحصل لي شنو؟؟ سجارة الصباح التلف الراس ديك ماشربتها اها حصل شنو؟؟؟ عادي سفة الصباح ماسفيتة الحل شنو؟؟؟ الجبنة بتاعت الضحي البولعولا البخور ديك ماشربتها اها الحصل لي شنو؟؟؟ قال لي: انت قالو ليك اصلو رمضان دا يقتل مي يسوي جنس سواتك دي ...

[أرض الخير]

بسم الله الرحمن الرحيم
الاخت الفاضلة لبنى لك التحية ورمضان كريم وتصومي وتفطري على الف خير
بالنسبة لموقفي هو موقف العربي السالوه كم تبقى من رمضان وهو في نص اليوم الاول فاجاب (عشرتين وتسعي وباقي اليوم ده).ولكم ودي

والله فعلا تموت من الضحك ياحمدي سرالختم

والمبالغة الاكتر في ذكره باقي اليوم دة

عشان كدا نزلنا البوست دة من اول يوم في الشهر

علشان يجمع عدد من المواقف الحلوة في شهر الخير والجرسة

اشكرك لمشاركتك الحلوة............................................ .

[أرض الخير]

كل سنة وانت طيبة اختي لبني

الفلاتي قال للحلفاوي المفروض رمضان يكون شهرين متواصلين ، الحلفاوي قال ليهم المفروض رمضان يكون زي كاس العالم كل اربعة سنوات وكل مرة في دولة



وانت طيب ياشعراوي

والنكتة رهيبة ونشكرك عليها......................................

وننتظر مشاركاتكم في الحصل ليكم من مواقف حتى لو كانت بسيطة

[أرض الخير]

الاخت لبني انا بحكي ليكي نكته بمناسبة رمضان وجرستو


واحد قال للتاني رمضان شكلو مجرسك؟؟؟ قال لي منو انا والله مامتجرس ولا شي!!!!! انا من الصباح شاي الصباح البتقعد لى فى الواطة داك ماشربتو اها الحصل لي شنو؟؟ سجارة الصباح التلف الراس ديك ماشربتها اها حصل شنو؟؟؟ عادي سفة الصباح ماسفيتة الحل شنو؟؟؟ الجبنة بتاعت الضحي البولعولا البخور ديك ماشربتها اها الحصل لي شنو؟؟؟ قال لي: انت قالو ليك اصلو رمضان دا يقتل مي يسوي جنس سواتك دي ...

اشكرك جدا اخوي كاندي واجمل موقف واحلى قصة

ياها والله يسوي زي سواتك دي ...................................:p

اها طبعا هو حكى لحدي وقت الجبنة يعني لو حصل المغرب

يمكن يفط:p:pر........................................:p

[ابو عبد الحفيظ]

كنت ايامها مازلت صغيراً نصوم يوم ونفطر يوم حسب التساهيل وفي يوم شديد الحرارة كنت صائم وعادة كنا نقيل علي الشاطي في رواكيب نعملها مخصوص لشهر رمضان ، اشتد الحر واشتد العطش اخدت فترة طويلة داخل النيل مرة اغطس ومرة اسبح والموية تلج بس وفي احدي الغطسات لم استطع المقاومة فشربت حتي امتلأ الكرش ماء وجري علي البيت ادور باقي الاكل والمشروبات

[منير عبد القادر]

نصوم يوم ونفطر يوم حسب التساهيل

لحدي هسه بتفطر يوم وتصوم يوم يا شعراوي ورمضان كريم .....وبرضو حسب التساهيل ...

[أرض الخير]

كنت ايامها مازلت صغيراً نصوم يوم ونفطر يوم حسب التساهيل وفي يوم شديد الحرارة كنت صائم وعادة كنا نقيل علي الشاطي في رواكيب نعملها مخصوص لشهر رمضان ، اشتد الحر واشتد العطش اخدت فترة طويلة داخل النيل مرة اغطس ومرة اسبح والموية تلج بس وفي احدي الغطسات لم استطع المقاومة فشربت حتي امتلأ الكرش ماء وجري علي البيت ادور باقي الاكل والمشروبات

والله جميل جدا

قلت لي تغطس وتغطس لحدي ما ظبطة البطينة بالموية الباااااااااااااااااااااااردة:p

خطير والله كمان بدل ما تمشي تدسى مشيت تفتش باقي الاكل :eek:


والله موقف ظريف

اشكرك اخوي الشعراوي وفي انتظار المزيد...............................

[أرض الخير]

لحدي هسه بتفطر يوم وتصوم يوم يا شعراوي ورمضان كريم .....وبرضو حسب التساهيل ...


هوووووووووووووووووييامنير انت عايز تقول يعني الشعراوي فاطر;)


الا دي:p خلينا في المواقف :D وموضوع الفطور دة خليهو لي ناس عبدو:p

اشكر ظرافتك يامنير واضافتك

وين مواقفك يامنير;)

[محمد عبيد ادريس]

الاخت لبنى بت المحجوب ...

كل رمضان وانت طيبه .. والجميع طيبون ...

اول يوم فى رمضان وبستعد لليوم التانى واخر سحور وبعدين كبايه عصير بارده ومنديه واخوك قال يشربها بمزاج وشويه شويه المهم شربت لحد النص كده والنوم المابرحم غلب اخوك .... وصحيت على صوت اذان الفجر ... الله العصير البارد وقعدت احمر ليك للكبايه مسافه المهم نعلت الشيطان وصليت ونمت ... فى الصباح قام الولد ياسر جا يهبش وطاااااخ كسر الكبايه ودفق العصير وانا صحيت مخلوع ولما شفت العصير ملون الارضيه والكبايه ادشدشت ( الحمد لله اندفق الشر كان شربت العصير ده كان عمل لى حاجه ) شفت الزعله دى كيف .....

رمضان كريم وتصوموا وتفطروا على خير ....

مودتى ...

[أرض الخير]

الاخت لبنى بت المحجوب ...

كل رمضان وانت طيبه .. والجميع طيبون ...

اول يوم فى رمضان وبستعد لليوم التانى واخر سحور وبعدين كبايه عصير بارده ومنديه واخوك قال يشربها بمزاج وشويه شويه المهم شربت لحد النص كده والنوم المابرحم غلب اخوك .... وصحيت على صوت اذان الفجر ... الله العصير البارد وقعدت احمر ليك للكبايه مسافه المهم نعلت الشيطان وصليت ونمت ... فى الصباح قام الولد ياسر جا يهبش وطاااااخ كسر الكبايه ودفق العصير وانا صحيت مخلوع ولما شفت العصير ملون الارضيه والكبايه ادشدشت ( الحمد لله اندفق الشر كان شربت العصير ده كان عمل لى حاجه ) شفت الزعله دى كيف .....

رمضان كريم وتصوموا وتفطروا على خير ....

مودتى ...




مشاركاتك مميزة وظريفة لكن حمرته للعصير دي حلوة شديد:p

وقول الحمد لله الولد ماشربو:D

كان بقى بطنه شوك;):D:p

[ابو عبد الحفيظ]

منير عبد القادر وشهد الملائكة ورحيق احكو لينا مواقفكم مع العطش

[محمد عبيد ادريس]

منير عبد القادر وشهد الملائكة ورحيق احكو لينا مواقفكم مع العطش


الكلام ده ما ليكم يا العاملين (صايمين) اقصد نايمين ....

معقوله نطنش الريس .....

مودتى ..........

[أرض الخير]

الاخت لبني محجوب صاحبة المواضيع الرهيبة والقوية وحنرجع لنسرد بعضا من طرائفنا في الشهر الفضيل
كل سنة وانت طيبة


مرحب بيك اخونا kutey

ومرحب بي مواقفك الاكيد حاتكون حلوة نحن منتظرنك :rolleyes:ماتتاخر علينا:)

باقي الشهر قرب يودعنا ياحليلة تب:D

بيني وبينك كدة اظنك بتتجرس زي الشعراوي :p

[أرض الخير]

[align=center]المشكله يامحمد عبيد انا خايفاهم يكونوا لاسمح الله صايمين

بالجرسة وال...................;)

لكن في زمة القائل منير بصوم يوم ويفط يومين:eek::p[/align

[كوماوى]

لبنى لك التحية

فواحد قابل ليهو حلفاوي وقال ليهو رمضان سخن فرد الحلفاوي وقال ليهو :
ما من صالحو.
حلفاوي كلما يقرب رمضان بيضايق ولما وصل شعبان خلاص مسكتو هلا هلا فقابلو واحد صاحبو من ناس الحله وقال ليهو اها انشاء الله جهزتو لي رمضان فرد الحلفاوي والله جهزنا لكن انا المجنني هاجه واحد بس السنه لازم يكون فيها اتناشر شهر...؟؟

واحد مسيحي قابل حلفاوي قال ليهو ان عايز ادخل الاسلام فرد عليهو الحلفاوي وعشان ايه؟ فقال المسيحي عشان انتو في الاسلام عندكم الطلاق وانا عندي مشاكل مع المرا وعايز اطلقها
فالحلفاوي عاين ليهو مسافه وقال ليهو الاسلام دا فيهو شهر اسمه رمضان احسن ليك المرا مية مره.

هههههههههههههه

كومـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــاوى

[أرض الخير]

لبنى لك التحية

فواحد قابل ليهو حلفاوي وقال ليهو رمضان سخن فرد الحلفاوي وقال ليهو :
ما من صالحو.
حلفاوي كلما يقرب رمضان بيضايق ولما وصل شعبان خلاص مسكتو هلا هلا فقابلو واحد صاحبو من ناس الحله وقال ليهو اها انشاء الله جهزتو لي رمضان فرد الحلفاوي والله جهزنا لكن انا المجنني هاجه واحد بس السنه لازم يكون فيها اتناشر شهر...؟؟

واحد مسيحي قابل حلفاوي قال ليهو ان عايز ادخل الاسلام فرد عليهو الحلفاوي وعشان ايه؟ فقال المسيحي عشان انتو في الاسلام عندكم الطلاق وانا عندي مشاكل مع المرا وعايز اطلقها
فالحلفاوي عاين ليهو مسافه وقال ليهو الاسلام دا فيهو شهر اسمه رمضان احسن ليك المرا مية مره.

هههههههههههههه

كومـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــاوى

شرفتني كتير ونورت البوست ياكومـــــــــــــــــــــــــــــــــــاوي

والاخيرة خطيرة

اول مرة اشوف زول يختار مشاكل المرة بدل شئ:p

لانو النسوان معروفات متعبات:eek:;)

تسلم والله للمشاركة الجميلة والاضافة الحلوة

وكل المواقف حلوة مشــــــــــــــــــــــــكور

[محمد ابراهيم كنه]

الاخوة الاعزاء نسأل الله ان يثبت الجميع وان يعظم اجرنا في هذا الشهر الكريم وان يرزقنا صيامه وقيامه على الوجه الذي يرضيه عنا وان يبلغنا ليلة القدر وان يجعلنا من المغفور لهم في هذا الشهر باذنه ومن المعتقين من النار..

اليكم هذه النكته..
قلوا في واحد من اخواننا المسيحيين جاء لصديقه مسلم يشكو له زوجته وانه نقتها بقت كتيره ومشاكلها كترت وزهج منها شديد ومفكر يدخل الاسلام عشان يتحلا منها ويقدر يطلقها بما ان المسيحيين ليس لديهم طلاق فلما حكى لاخونا المسلم دا صاحبنا المسلم كان مجرس شديد من رمضان فقام قال ليهو والله في الاسلام في شهر اخير ليك منه مرتك دي !!
أستغفر الله واتوب اليه ونسأل الله الثبات .. تحياتي

[أرض الخير]

الاخوة الاعزاء نسأل الله ان يثبت الجميع وان يعظم اجرنا في هذا الشهر الكريم وان يرزقنا صيامه وقيامه على الوجه الذي يرضيه عنا وان يبلغنا ليلة القدر وان يجعلنا من المغفور لهم في هذا الشهر باذنه ومن المعتقين من النار..

اليكم هذه النكته..
قلوا في واحد من اخواننا المسيحيين جاء لصديقه مسلم يشكو له زوجته وانه نقتها بقت كتيره ومشاكلها كترت وزهج منها شديد ومفكر يدخل الاسلام عشان يتحلا منها ويقدر يطلقها بما ان المسيحيين ليس لديهم طلاق فلما حكى لاخونا المسلم دا صاحبنا المسلم كان مجرس شديد من رمضان فقام قال ليهو والله في الاسلام في شهر اخير ليك منه مرتك دي !!
أستغفر الله واتوب اليه ونسأل الله الثبات .. تحياتي


اولا ارحب بيك في هذا البوست اخونا محمد ابراهيم كنة

واسعدني مرورك واضافتك التي اسعدتني جدا

وربنا يتقبل منك دعواتك الصالحات يارب

طبعا النكتة وان هي اقرب تكون للحقيقية فهي ظريفة شديد

والنسوان نقتن كتيرة وانا منهن ومعترفة :p;):D

اشكرك ولاتحرمنا من طلتك الجميلة:)

[شمعة امل]

انا قبل يومين حصل لى موقف
صحيت بالليل لقيت ساعتى ما مظبوتة و انا عطشانة شديد
كبيت لى ابرى بااااااااارد دايرة اشرب امى قالت لى دقيقة نتأكد قلت ليها لا انا عطشانة
بس طبعا ما قدرت اشرب قلت لما اتأكد و بعد اقل من دقيقة الآذان اذن فقامت قالت لى الحمد لله الماشربتى و انا زعلت شديد و رجعت نمت
بس كان يوم عصيييييييييييب
الحمد لله ربنا عداه على خير

[أرض الخير]

انا قبل يومين حصل لى موقف
صحيت بالليل لقيت ساعتى ما مظبوتة و انا عطشانة شديد
كبيت لى ابرى بااااااااارد دايرة اشرب امى قالت لى دقيقة نتأكد قلت ليها لا انا عطشانة
بس طبعا ما قدرت اشرب قلت لما اتأكد و بعد اقل من دقيقة الآذان اذن فقامت قالت لى الحمد لله الماشربتى و انا زعلت شديد و رجعت نمت
بس كان يوم عصيييييييييييب
الحمد لله ربنا عداه على خير

مشكورة غاليتنا شمعة امل...........:)

اشكر مرورك ومشاركتك بالموضوع ....والله حننتيني ;).:p:D.....لكن امك بارك الله

فيها انقذتك .........تعيشي وتشربي الابري بالبراميل وتتهنئ يارب

مشكور ياشمعة .................اسعدتيني...............

[صفوان]

مواقف حلوة يا الناس الحلوين :d

[أرض الخير]

مواقف حلوة يا الناس الحلوين :d

والله ........انت الاحلى بس وين مشاركتك

نترجاك ياصفوان ....................ماتتاخر علينا .....................

[عاشقه امدرمان]

اهنيك علي البوست
وصراحه انا عندي مواقف كتيره
بس كل يوم حاديكم واحد
طبعا كل مره بخلي جك المويه والعصير والحاجات الحلوه جنبي وبنومممممم ولما اصحي الصباح القاها قلبي يوجعني ههههههههههههههههه

[العربى]

السنه دى رمضان بجينا فى الحر الشديد والرطوبة الذائدة

لذا انتظروا جرسة اهل الامارات

[alfateh]

الســلام عليكم

ورمضان كريم بعد يجي بنجيك يا مدام / لبني

[مامون مهنا]

موعدكم مع يوميات ماااو الجرسة حصرياً على كومى ..............هههههههه

[أرض الخير]

اهنيك علي البوست
وصراحه انا عندي مواقف كتيره
بس كل يوم حاديكم واحد
طبعا كل مره بخلي جك المويه والعصير والحاجات الحلوه جنبي وبنومممممم ولما اصحي الصباح القاها قلبي يوجعني ههههههههههههههههه


نحن في الانتظار ياعاشقة وربنا يهنيك بكل الخير ياغالية ..
ورمضانك كله هناء وطاعة وخيرات ..
في انتظار مشاركتك الحبيبة ..

[أرض الخير]

السنه دى رمضان بجينا فى الحر الشديد والرطوبة الذائدة

لذا انتظروا جرسة اهل الامارات

العربي الله يقدرك ويصومك بالهناء يا اخوي ..
ونحن هنا عندنا لهب عديل للناس البواجهوا الشمس ..في الحقيقة حتى لو خطوات ...
برضها صعبة بس ربنا يعظم الاجر ...
وفي انتظارك ...

[أرض الخير]

الســلام عليكم

ورمضان كريم بعد يجي بنجيك يا مدام / لبني

وعليكم السلام والرحمة ..ياالفاتح ...
الله يكرمك بجميع الخيرات ..
نترجاك ابننا العزيز ..

[أرض الخير]

موعدكم مع يوميات ماااو الجرسة حصرياً على كومى ..............هههههههه

الاخ الغالي جدا مااااااااااااااااااااااااو
ننتظر ايامك مع المواقف الحلوة والجرسة ..
بس اوعى تكون بتنسى وتشرب .ههههههههه