تاجوج .. عمر الدوش

[بريقع]

تاجوج

للراحل : عمر الطيب الدوش

تاجوج بتكْتب بالشمال

منحوتَهْ في شكل اكتئاب

بتْكحَّل الإبل النحيلَهْ

بالمشاوير النبيلَهْ

وتعشِّي ضيفان القبيلَهْ

بالأناشيد الطويلَهْ

موهوبَهْ زي كل البنات

في الأسى المنْسُوج خيال

واتخيّلَت

إنو المُحلَّق حابَّهَا

تاجوج بتحْلِب من غيوم كسلا

المطر

وتوزِّع القش والشجر

بتفرِّق الهم والكدر

حفيانَهْ تجري ورا السراب

تاجوج بتكتٍب بالحراب

تاجوج بتكتِب بالشمال

وبتْرتِّق التوب والنعال

وتمْرُق الهم الموكّر

في قلوب كل الرجال

تاجوج سؤال

تاجوج غزال

تاجوج مُحال

تاجوج خيال

اتخيّلَتْ انّو المحلّق ساكّهَا

بي طريق شاقِي الغمام

يا يتامي

يا غلابَهْ

شوفوا لي تاجوج زمام

[ياباني]

[فقط الأعضاء المسجلين والمفعلين يمكنهم رؤية الروابط][1].gif

اتحفتنا والله

[كلمة]

تسلم اخي الكريم وهذه لمحه بسيطه عن حياه الشاعر الفز رحمه الله عمر الطيب الدوش

شاعر سودانى متفرد ويمتاز شعره بقوة المعنى ومتانة التعبير ويتسم شعر الدوش

بالوطنيةالكبيرة كما أن شعره يميل ويتعاطف مع السودان وشعبه المعاني وتغنى له الكثير من

الفنانين السودانيين أمثال الأستاذ الراحل المقيم مصطفى سيد أحمد والأستاذ الكبير

محمد وردى نسأل الله أن يمد فى عمره ويديم عليه الصحة والعافية

ألا رحم الله شاعرنا الدوش

[بوح]

الجميل بريقع ..

طلتك أتحفت المكان بالبريق ..

لك الود


ومن قصائد الدوش ...



ما ضلمت




أقول
والشمس ِفي عز الأمل
تهتَ ومَشيتْ
أقول يا نِحنَ يا إنتو
وبكيتْ
يا مواعيد ..
يا صباح من غير وسـِم
تهتَ ومَشيتْ

ما ضَـلـّمتْ ..

ما بْـتــَعرِفْ الزول البجيك ..
ولا البـِجيكَ بيـَعرِفكْ

حتى الشبابيك
والزوايا الكان بـِتَجْمَع
في حناياها الشكوك
ضَـلـّمتْ

أغشاكِ يا نفسي الغريبه
من همومي أطلـّعـِك
ألقاكِ واقفهْ على الطريق
أحزان بتـَفرح وتشتبـِك
أفراح بتحزن وتـِرتبـِك
لمّنْ رحلتَ مع الغـُنا
عـِز الأماني
وضَـلـّمتْ

مدّيت على الأمل القريب
أشواق كـَتيره وقصّـرتْ
في زاويه من ضُل الشجون
جابت ظنونا وقيـّـلت

كلّـمتَ أشجار الخريف
عن شوق نما
في الوحشه والزمن الأسيف
دلـّتنيـ اْفتـّش في المغارب
وفي المشارق
عن علامات أو رصيف
تـَرقـُد الأزهار عليهو

يا بنفسج
كُحلي غالي
وبـُرتقالي
أمشو إنتو ..
أنا البقيف

ما ضَـلـّمتْ ..



ودام الود

[بوح]

كلمه :

لك البريق على الاطلاله والاضافة الجمال ..



الحزن القديم



ولا الحزن القديم
إنتِ
ولا لون الفرح
إنتِ
ولا الشوق المشيتْ بيهو
وغلبْنى أقيف
وما بِنْتِ
ولا التذكار ولا كُنْتِ
بتطْلَعِى إنتِ من غابات
ومن وديان...
ومنى أنا..
ومِن صحْيَة جروف النيل
مع الموجَهْ الصباحيَّه
ومن شهقَة زهور عطشانَهْ
فوق أحزانهْا
متْكَّيهْ
بتَطْلَعى إنتِ من صوت طِفلَهْ
وسط اللمَّهْ منْسيَّهْ
تَجينى
معاكْ يجينى زمن
أمتِّع نفسى بالدهشَهْ
طبول بتْدُق
وساحات لى فرح نَوّر
وجمّل للحُزن..ممْشى
وتمشي معاي
خُطانا الإلفَهْ والوحشَهْ
وتمشى معاي... وتْرُوحى
وتمشى معاي وسط روحى
ولا البلْقاهو بِعْرِفنى
ولا بعرِف معاكْ ..روحى




ودام الود

[أرض الخير]

تسلم يابريقع ...

[عاشقه امدرمان]

تسلم
تقبل مروري

[محمد بخيت]

بريقع ...بضمك في القلب افراح واسعد في العمر لحظات
لك الود وانت تبحر في عالم شاعر من طينة الكبار رجل ازاح الستار ليعلن للجميع انه ما زال بحزن قديم