... السلوكه

[سمل ود الولياب]

كتابه بالسلوكة ... السلوكه ذلك المعول الذي يضع النقاط فوق سطور الواطه .. عشان الفكرة تفرهد والرؤيا تقوم... تقوم شاده حلة عدس وفول خارج المشروع .. مشروع الوهم الخضاري.. والقمرية الركت في طرف الجدول ورسمت دواير في وش الموية.. دواير مجداف الموجه .. ودفرت حتي الشفع ... غير مرغوب لو ما لابس باتا قديمة .. والهمباتي الشايل لالوب مربوط في خيط ... مدروع في رقبة ... بقيت في رقبتي ... وفكره طارت مع أول عصفورة انزار عند الرابعة عصرا كما العنب ... في كرتونه .. جوه كيس .. تحت شدره .. وضل راكوبه والسايق فلاتي بخاف من هبشة واحده ... خسارة .. ... ما كلمتك عن طوف اخضر أطول من حيطه ... مدرع ومطعم بالشفع قدام الموكب ... وجوه المركب سن تمساح ... وقدين من خطه ... بتتدفق في اول قيفه ... ودم للركب ... والهيكوبتر طفشت للكتف المليان ومايل يمين ... وشحدت الله .. تميل ...اكثر من ميه وتمنين مره ... وركت عصفوره طافشه من الميادين ذات مره ... علي وحم البلد ... نقدت رحم البلد ... شالت حبتين الخير وشرقت فالوب من موية طمله ... وغاغ ... سكت باقي الليل وخت يديه في وش الصباح وفتح عين ... وين موية التفل للشوف ... شقيش ما تقولو حس الصباح نعسان ... الصفارة باعت حسها ... الخشيم قرش السنينات من غيظ مغتغط بالأوامر ... ضرب النعيلات للتراب .. قتل باقي الخصوبه والخدار الجاي في موسم تبع شفع لسه مولودين جديد في شكل حب ... بين جنوبية وفدائي ... كان بقتلوك في يومك النحس المبشتن الف مره .. بالمواعيد ... وقفة الكركول ومفتاح القضية .. يا بسجنوك .. يا بعتقوك ..من غير هوية... وحصاد ورق شفناه حالفين اعدموه .. او قروشك لو بقيت زول بدل ... وسمسونايت ... عاد ذلك المغفل لكي يشتري الحرية من شباك ناس في الفطور ... ساعتين وشاي وقرقريبه ... وزمن بفوت .. شايل ملامح طله ما شايفانا كيف ... ما فارقنا صيف الا والدمعة بتودر في الحلم علي كيف وكيف .. كيف بتتدسه الملامح وانت شايل روح مواطن في ورق تحت الغلاف ... حايم في بلاد الدنيا والطقس الغريب .. او غريب ايه يعني ما الدنيا بتسيح والموت فسيح وامل كسيح .. بطرد رشاش الواطه لو كترت طوابير المشي ... لو زعلت عليك الوالده والخيات ومجبور ... شن تسو ... ما تلولح الراس لو نمت جواك كرب .. دنقر علي نفسك اذا ساحت ركب .. او تركب الموج البودي هناك هناك بعيد .. وتكتب خطابات ... تسرق الشوق الببيعك وانت ني .. ولسه ما نجضت حكاية زول مكتف في جناح.

[عاشقه امدرمان]

يسلمووووووو
والله القسم دا صراحه عاجبني لانو عرفني باشياء مابعرفها
تقبل مروري

[alfateh]

كــل الشكر اخي سمل ود الولياب

[سمل ود الولياب]

[فقط الأعضاء المسجلين والمفعلين يمكنهم رؤية الروابط]
زول الهوا كاسح زي الزئبق في يوم مسخن ... ينطط بدون أوامر ...يغير رايو فجأه ... ويرجع منهزم ... في أقرب ضل ... وسايح كالذبدة في فرن غاز اكسجين ... والبجيب سيرة الفخار ... بنضرب بالنار ... جاهزين مويه ونور ... وشرز ... ادلات فلنكات ... مطاوي وجبخانه ... بتحوم بره الزنكي ... وبين السخانه ... لو نحن كنا قله ...
أقلو فتحنا اجزخانه ...
نبيع التسالي ...
نزيّت البلالي باي برتكانه ...
اذا فرضنا انك حاوي في اسبتاليه ....
وسكتك بتسرح لألف بيت وغايه ....
وفركتك حرير ....
تصحّي في الضمير ....
في أي يوم سمايه ....
و ك ت ب ن ا في روشته قديمه ... وصفه طبيه ... استارموجيا كل تلاته حبات في دقيقه ... والحبه ما بتسوي شي ... غير يطفح السمك ... وتسرح الضفادع ... وتطرش بحرك في ماعون منسي ... أو في اي كيس طوارئ .... ما تعاين لي ... انا بتكلم جد ... تستغرب ليه ... ياود يا جك ... جد الكوز .
الفتيل بشيل كتير ...
وفتيل الازمة جوه الجك ...
اذا فترت ... عليك جايه...
اذا طشت تباشير حك...
بتبرك بيك في أي محك...
بدون عنوان وكرش البيت...
ولو شرقت بقوم أضحك...
خالي من الكحول الجك...
وكان بسكر بأي جمال...
شنو الوداك تهترش في بيوت الضو عن الأزمة...
وضيق الدار ... وشكل النار ... في كل نهار...
ولون الواطه فيها عرق...
بجيب التار ... يدق الطار ... في شكل هظار...
وكل شيتا بتاكلو النار...
وحتي بحرنا فيها غرق...
ويوم نرجع من الأزمة ... اذا فرض الزمن نفسو...
بنلقي الدم ... اذا جات الركب ماشات ...
اذا مرقن قِرب طاشات ...
وناشفات ريق ...
ونتأسف ....
علي انو العمر رحمه ...
والماسكات جمر ايدك ... بتحلم في طرق زحمة ....
براح الرؤية لو تم ّ...
بتبقي الدنيا في عينيك مدن فخمـة ....
بتتزين كأي عروس ...
تجيك ماشه الهويني ... تقيف ... بدون لخمه

[نشأت الإمام]

سمل الجميل..
ندية حروفك ومعبقة برائحة التراب والأرض..

[سمل ود الولياب]

اخى الحبيب نشأت أشكرك لكلماتك المتدفقة التي زينت بها متصفحي
وتبدو كلماتي " أنا " الهزيلة لما ينقشه حرفك من بهاء

[ابو نون]

كتابه بالسلوكة ... السلوكه ذلك المعول الذي يضع النقاط فوق سطور الواطه .. عشان الفكرة تفرهد والرؤيا تقوم... تقوم شاده حلة عدس وفول خارج المشروع .. مشروع الوهم الخضاري.. والقمرية الركت في طرف الجدول ورسمت دواير في وش الموية.. دواير مجداف الموجه .. ودفرت حتي الشفع ... غير مرغوب لو ما لابس باتا قديمة .. والهمباتي الشايل لالوب مربوط في خيط ... مدروع في رقبة ... بقيت في رقبتي ... وفكره طارت مع أول عصفورة انزار عند الرابعة عصرا كما العنب ... في كرتونه .. جوه كيس .. تحت شدره .. وضل راكوبه والسايق فلاتي بخاف من هبشة واحده ... خسارة .. ... ما كلمتك عن طوف اخضر أطول من حيطه ... مدرع ومطعم بالشفع قدام الموكب ... وجوه المركب سن تمساح ... وقدين من خطه ... بتتدفق في اول قيفه ... ودم للركب ... والهيكوبتر طفشت للكتف المليان ومايل يمين ... وشحدت الله .. تميل ...اكثر من ميه وتمنين مره ... وركت عصفوره طافشه من الميادين ذات مره ... علي وحم البلد ... نقدت رحم البلد ... شالت حبتين الخير وشرقت فالوب من موية طمله ... وغاغ ... سكت باقي الليل وخت يديه في وش الصباح وفتح عين ... وين موية التفل للشوف ... شقيش ما تقولو حس الصباح نعسان ... الصفارة باعت حسها ... الخشيم قرش السنينات من غيظ مغتغط بالأوامر ... ضرب النعيلات للتراب .. قتل باقي الخصوبه والخدار الجاي في موسم تبع شفع لسه مولودين جديد في شكل حب ... بين جنوبية وفدائي ... كان بقتلوك في يومك النحس المبشتن الف مره .. بالمواعيد ... وقفة الكركول ومفتاح القضية .. يا بسجنوك .. يا بعتقوك ..من غير هوية... وحصاد ورق شفناه حالفين اعدموه .. او قروشك لو بقيت زول بدل ... وسمسونايت ... عاد ذلك المغفل لكي يشتري الحرية من شباك ناس في الفطور ... ساعتين وشاي وقرقريبه ... وزمن بفوت .. شايل ملامح طله ما شايفانا كيف ... ما فارقنا صيف الا والدمعة بتودر في الحلم علي كيف وكيف .. كيف بتتدسه الملامح وانت شايل روح مواطن في ورق تحت الغلاف ... حايم في بلاد الدنيا والطقس الغريب .. او غريب ايه يعني ما الدنيا بتسيح والموت فسيح وامل كسيح .. بطرد رشاش الواطه لو كترت طوابير المشي ... لو زعلت عليك الوالده والخيات ومجبور ... شن تسو ... ما تلولح الراس لو نمت جواك كرب .. دنقر علي نفسك اذا ساحت ركب .. او تركب الموج البودي هناك هناك بعيد .. وتكتب خطابات ... تسرق الشوق الببيعك وانت ني .. ولسه ما نجضت حكاية زول مكتف في جناح.


ده تراث ولا حلمنتيش

[سمل ود الولياب]

ههههههههههههههههههههه شكرأ على الزيارة الحبيب انت شايف كيف المهم اسعدنى مرورك الجميل