عاشقه امدرمان
31-Jul-2008, 02:05 AM
ربنا سبحانو ما بيظلم عبيدو,معلومة كل الناس عارفاها ومؤمنة بيها لكن لو انكتب ليك الحرمان من شي كل الناس متاح ليها تسويهو,هل حتصبر؟ دي من واقع حياتنا وشوف العين, طيب كانت بنية صغيرة اتولدت وبعد مسافة من عمرها اتشلت بسبب مرض ما اتذكروا,حست انها اتظلمت لانها ما بتقدر تجري ولعب وتمشي وتعيش حياتها بشكل طبيعي.فحست بالحرمان,وياريت لو وقفت على كدة,ربنا قسم ليها ام ظالمة جدا,يمكن ما تصدقوا لكن امها كنت لو جوها ضيفان والبنية قاعدة في الصالون بتنهرها وتجرها جر ... خليهو ساااي.والابو للاسف النوع الماعندو شخصية وكلمة,راجل على شنو ماني عارف.حياة البت صارت اسوأ من اسوأ كابوس.لانو اتظلمت مرتين. وكان للبنية اخو ...,حبيب امو داك اي حاجة بأشارة بستكون تمت.والبنية مسكينة وما كان حاسي بيها الا ابوها.لكن زي ما قالو ربنا ما بيظلم عبيدو.بالرغم من انها اتحرمت من مواصلة التعليم بسبب امها, ربنا اداها موهبة صعبة تتوجد في الوقت دا,اداها ذكاء في مجال اللغة.وطلبت البت من ابوها.قدرت تقنع ابوها انها تدخل معهد تعليم اللغات .كانت وقتها زي 18 سنة .ففي المعهد واحد من الاساتذة اعجبتو اللغة واللهجة الكانت بتتكلم بيها البنية.فرشحها لامتحان الايلتس وهو امتحان موثق في جميع انحاء العالم.فامتحنت وجابت علامة كانت مشرفة جدا.فاخدت منحة لي بريطانيا تحضر فيها اللغة الانجليزية.فرفضت الام لكن البت اصرت تقيف في وجه امها.وحصلت مشاحنة بين البت وامها لدرجة انو الام خرجت عن طوعها وجرحتها بكلام يكسر الحجر.فالابو لحظتها اصر انو البت تكمل دراستها ووقف ضد زوجتو بعد ما كان كلمتو مهمشة ومنسية. وواصلت الدراسة وفي تلاتة سنين اتخرجت اسرع من دفعتها للذكاء في اللغات فقدمت اوراقها واشتغلت في واحدة من السفارات الاوروبية بمرتب عالي جدا ,لكن البت ما وقفت وواصلت في دراستها وحضرت الماجتسير والدكتوراه وكل ما تحضر مرتبها بيتضاعف. وكانت سند لابوها الكبر وردت ليهو المعروف
.لكن ردت جروح امها بكلمات تاثر في الاعماق وقالت:
"يا امي, صحي زمان انت مستعرة مني,وكنت بتظلميني,وكان اخوي هو اللاقي حنانك,لكني ما حاكون فاسية وما حرد بنفس القدر,لانك انت امي اولا واخيرا "
في اللحظة ديك الام ما عرفت تقبل وين من ظلمها لبتها وكيف الزمان دار بيها وختاها في موضع ضعف والبت في موضع قوة ورغما عن كدة البت عارفة نفسها في موضع قوة لكن ما استغلتها ضدها بل سامحتها لانو في النهاية امها, فلو كنت مكان الام حتكون كيف؟ في حالة ما بين الندم وبين الحسرة .واما الولد لانو اتدلع وما اشتد فبقا بايظ وما منو رجا. والابو فخور ببنتو الكان ساندها زمان وسندتو هي اسي.وقت سمعتها انا ,امنت بانو اذا ربنا حرمك من نعمة من نعمو ,بيستبدلها ليك بنعمة تانية ما متوفرة لباقي الناس عشان ربنا ما بيظلم عبيدو.
.لكن ردت جروح امها بكلمات تاثر في الاعماق وقالت:
"يا امي, صحي زمان انت مستعرة مني,وكنت بتظلميني,وكان اخوي هو اللاقي حنانك,لكني ما حاكون فاسية وما حرد بنفس القدر,لانك انت امي اولا واخيرا "
في اللحظة ديك الام ما عرفت تقبل وين من ظلمها لبتها وكيف الزمان دار بيها وختاها في موضع ضعف والبت في موضع قوة ورغما عن كدة البت عارفة نفسها في موضع قوة لكن ما استغلتها ضدها بل سامحتها لانو في النهاية امها, فلو كنت مكان الام حتكون كيف؟ في حالة ما بين الندم وبين الحسرة .واما الولد لانو اتدلع وما اشتد فبقا بايظ وما منو رجا. والابو فخور ببنتو الكان ساندها زمان وسندتو هي اسي.وقت سمعتها انا ,امنت بانو اذا ربنا حرمك من نعمة من نعمو ,بيستبدلها ليك بنعمة تانية ما متوفرة لباقي الناس عشان ربنا ما بيظلم عبيدو.