موسم الهجرة الشمال

[وائل محمد الحسن]

المكان تلفزيون السودان الزمان الرابعة عصرا موعد الانطلاق في اول مامورية لي للتلفزيون القومي وكانت ستكون الاخيرة ........
الوجهة اقاصي الشمال الي جزيرة صاي بوادي حلفا الانطلاق كان سريعا لانو العربية لاندكروزر وكدة اتخذنا طريق التحدي مسارا الي دنقلا توقفنا قليلا في تمتام للصلاة ومن ثم تحركنا لنتوقف من جديد في الملتقي لتناول الغدا بالنسبة لي لا ادري الباقين وانطلقنا حتي وصلنا دنقلا ومباشرة الي البنطون ومنها الي السليم نسيت اقول ليكم انو حتي اللحظة دي الشارع مسفلت ومسافة ربع ساعة من السليم ينتهي الاسفلت بعد ساعة ونحن متخذين شارع النيل اصر السواق ان يتخذ الشارع البي الشرق بحجة انو افضل ورغم اعتراضي ودرب السلامة للحول قريب والدنيا المضلمة لكن حكم القوي نعمل شنو نسيت مرة تانية اقول ليكم انو معانا واحد من الجزيرة وجهتنا انسان لطيف جدا اسمو وردي دة اسمو مالقب بعد ساعة يبدو انو وردي مع المكيف شالتو نومة بعد ساعتين وردي صحي واكتشفنا انو مفروض نصل القرية التانية قبل ساعة ونصف واصبحنا امام المشكلة كيف نحدد الاتجاهات لمعرفة الشمال او الغرب واصبحنا نتنقل من شارع لي شارع وكل مانلقي درب عربية نمسكو وفجاة يختفي الدرب ونعود من جديد رحلة البحث عن الشمال وكل واحد فينا ينظر عن مكان نجمة الشمال وفي الاخر سلمنا امرنا لله ثم وردي الذي اصبح كل ربع ساعة ينزل عن العربة ليحاول تحديد الاتجاه ووصلنا الي فكرة ان اي طريق يلاقينا بالتاكيد هو من الجنوب الشمال بالتالي علينا ان نقطع الشارع كرس غربا نطلع جبل وننزل جبل بعد خمسة ساعات من الجهاد وصلنا الي ان نبيت في مكاننا ونتحرك بعد طلوع الشمس فعارض السواق وفي هذه المرة وجد مساندة من وردي تحركنا بعد ان تيقنا من الموت لان لا زاد لنا سوي نص سيرموس موية وفجاة اصطدمت العربة بتل اكتشفنا انو ترعة ولكن وردي المتسلط اثر الاتجاه جنوبا او ربما شرقا الله اعلم وانا اتحسر علي الترعة وهي تختفي عن ناظري كاخر امل بعد ساعة وفجاة وجدنا انفسنا امام قرية لا تدرون مدي الفرحة نزلنا نطرق الابواب باب باب ولاحياة لمن تنادي القرية مافيها صريخ ابن يومين ومن جديد عاد وردي ليامران بالانطلاق مرة اخري لكن علي مين انا وقفت الف احمر ماحنتحرك الا اذا انتهينا من طرق كل الابواب وبعد ان يئسنا ونحن نصيح باعلي صوتنا فجاة خرج الينا شخص من الظلام كالمنقذ في الافلام الأمريكية وبعد السلام وبعض الرطانة مع وردي التفت الينا وردي قليلا وبكتير من البرود قال: يااخوانا في خبرين واحد سمح والتاني شين ثم سكت ونظر في وجوهنا ليري رد فعل كلامه بكل برود الدنيا غيظ كدت ان اتعلق برقبته من الغيظ ثم اخيرا تكلم الخبر السمح انو نحن خلاص رجعنا للدرب الصحيح مرة تانية والخبر الكعب انو نحن رجعنا تانية لمحل انطلاقنا مرة تانية ولسة قدامنا تاني ستة ساعات للوصول الي جزيرة صاي وهذه قصة اخري ولي عودة

[مصعب محمود]

وائل متابعين معاك

واصل ...

ولعلك تقصد شريان الشمال وليس التحدي ويبدو ان ضياع الخلاء اثر عليك شوية ههههههههههههه

عموما حمدا لله علي سلامتك وواصل ........

[الحضري]

الولاية الشماليه, تلك الولاية الوديعه التي ترقد هادئة على ضفاف النيل , الحياة فيها تسير على وتيرة ما رواه اديبنا الطيب صالح , وما تغنى به الطمبور على نغماته الحنينه الحزينه والتي مزجت احاسيس انسانها وسحنته ما بين هجير لافح وصحراء قاحلة وتجاعيد على جباه اهلها من اثر كياح واخواتها من فصول السنة التي تعبر مساحاتها الممتده على خواء الا قليل من المساكن على ضفاف النيل واشجار النخيل الصامده كصمود اهلها , وهم يكابدون الحياة على انين الطمبور وامل الصبر بان الصابرات روابح لو يجن قماح,,
نتساءل كثيرا هل سينطبق القول على اهلنا في الشمال ان من صبر ظفر , هل سيأتي اليوم الذي يكافأ صبرهم بقدر ما صبروا ويشهد انسانها تنمية تمتد بامتداد صحراءها , وهل هنالك خطط تنمويه ستمتد على ارض الشماليه متوازية مع كهرباء سد مروي , بمعنى قيام صناعات ومدن صناعية تشهدها المنطقة مستقبلا --
أسئلة واسئلة ,, تجيب عليها الايام --

[sudaniaa]

بسم الله الرحمن الرحيم
حاسه بمعانتك والله بس طبعا مستنيين الباقي وانا بصراحة اتغظت من وردي ده بس لو ماشبه اسم الفنان وردي ماعارفه كنت حعمل شنو انا حاسة انه دي عامل زي فيلم
journey to the center of earth
مستنيين الباقي وخايفة تكونوا طلعتوا بره السودان

[ايمن بشير خليفه]

تم لينا الباقى ياوائل اها ولا القصة انتهت هههههههههههههههههههههه

[تقوى]

والله ياوائل اتخيلت منظرك وانت جعان وعطشان واملك الكبير في الوصول هاهاهاهاهاهاه
حقيقة اخي الحضري الولاية الشمالية هي ولاية وديعة وهادئة خاصة وهي تلتف بجزرها ومدنها الساحرة الخلابة ....
انا شخصيا مابتخيل انو الولاية الشمالية تصبح مثل او اقرب الي العاصمة لانو حتكون فقدت وداعتها وطبيعتها والهدو ء الموجود فيها مثلا انا من منطقة تنقسي الجزيرة وهي عبارة عن جزيرة يحفها النيل من كل جانب وايضا بعض القري والمدن المجاورة.. كنا نتلهف علي الاجازات السنوية للزهاب اليها لنلتقي مع الاهل والاحباب ونجلس في القيزان علي ضوء القمر .....اما الان وبعد ان دخلها بعض التطور (انا اقول بعض التطور )فقدت رونقها وحتي الناس الفيها بقت مشغولياتهم كتيرة ...فحيكون الحال كيف بعد تطور كامل لكل الولاية ؟؟؟
وائل معاااااااااااك علي الخط تاااااااااااااااااااااابع......

[نشأت الإمام]

العزيز وائل
الف حمداً لله على سلامتك.. وانا غايتو امس استمتعت بالقصة شفاهة.. لكن تعرف لقيت في القراية ليك متعة اضافية..


ولعلك تقصد شريان الشمال وليس التحدي ويبدو ان ضياع الخلاء اثر عليك شوية ههههههههههههه

يا مصعب يا لذيذ..
الراجل ده ما على الهواء.. خليهو يتفسح شويه ياخي.. هاهاهاهااههه

[مامون مهنا]

الناس ديل مشو وين ما يكونوا طشو ...!!!


تخريمة : شكلك ما عارف اى حاجه from اى حاجة (الاتجاهات) هههههههههههه

[مصعب محمود]

الو ......... وااااااااااااااائل

عوووووووووووك يا ...........

وين انت؟؟؟؟؟؟؟؟ظ

[وائل محمد الحسن]

وائل متابعين معاك

واصل ...

ولعلك تقصد شريان الشمال وليس التحدي ويبدو ان ضياع الخلاء اثر عليك شوية ههههههههههههه

عموما حمدا لله علي سلامتك وواصل ........




والله يامصعب للان البوصلة بتاعتي طاشة هههههههه


وشكرا علي المرور

[وائل محمد الحسن]

الولاية الشماليه, تلك الولاية الوديعه التي ترقد هادئة على ضفاف النيل , الحياة فيها تسير على وتيرة ما رواه اديبنا الطيب صالح , وما تغنى به الطمبور على نغماته الحنينه الحزينه والتي مزجت احاسيس انسانها وسحنته ما بين هجير لافح وصحراء قاحلة وتجاعيد على جباه اهلها من اثر كياح واخواتها من فصول السنة التي تعبر مساحاتها الممتده على خواء الا قليل من المساكن على ضفاف النيل واشجار النخيل الصامده كصمود اهلها , وهم يكابدون الحياة على انين الطمبور وامل الصبر بان الصابرات روابح لو يجن قماح,,
نتساءل كثيرا هل سينطبق القول على اهلنا في الشمال ان من صبر ظفر , هل سيأتي اليوم الذي يكافأ صبرهم بقدر ما صبروا ويشهد انسانها تنمية تمتد بامتداد صحراءها , وهل هنالك خطط تنمويه ستمتد على ارض الشماليه متوازية مع كهرباء سد مروي , بمعنى قيام صناعات ومدن صناعية تشهدها المنطقة مستقبلا --
أسئلة واسئلة ,, تجيب عليها الايام --

اول حاجة كتر خيرك علي المرور ياحضري


تاني حاجة والله نتمني نشوف الولاي الشمالية علي قائمة الولايات الاكثر نموا في السودان

[وائل محمد الحسن]

بسم الله الرحمن الرحيم
حاسه بمعانتك والله بس طبعا مستنيين الباقي وانا بصراحة اتغظت من وردي ده بس لو ماشبه اسم الفنان وردي ماعارفه كنت حعمل شنو انا حاسة انه دي عامل زي فيلم
journey to the center of earth
مستنيين الباقي وخايفة تكونوا طلعتوا بره السودان

شكرا علي شعورك النبيل ياسودانية وتشكري علي المرور القصة حاتمها بس خليني شوية مخلوع لسة ههههههههه

[sudaniaa]

بسم الله الرحمن الرحيم
والله حمدالله ع السلامة بس نفسنا نعرف الحصل شنو مستنيين الخلعة تفوت بسرعة وخلعة تفوت ولا حد يموت نحن في الانتظار علي منتديات كومي وعودا احمد ومحمدين وكل الناس

[الحضري]

اول حاجة كتر خيرك علي المرور ياحضري


تاني حاجة والله نتمني نشوف الولاي الشمالية علي قائمة الولايات الاكثر نموا في السودان
تسلم اخي وائل والف سلامة ليكم ,,,,,
أها الكرامة بتين --

[وائل محمد الحسن]

تسلم اخي وائل والف سلامة ليكم ,,,,,
أها الكرامة بتين --

والله ياحضري اخوك الايام دي حالتو حالة


والجماعة لسة مزانقني في كرامة العربية وانا عامل رايح



لسة في خبر قنبلة الايام الجاية وبكدة اجمع الكرامات دي كلها في يوم واحد



شفت الفهلوة دي كيف بس ماتكلم زول دة بيني وبينك

[النور معنى النور]

نجاتك دى يا وائل فوتت علينا احتفال كبير : الشهيد وائل ... اول شهداء البيت السعيد .... خسارة ................
اقول ليك : ما مشكلة فى سفرية جاية ....................

[الحضري]

والله ياحضري اخوك الايام دي حالتو حالة


والجماعة لسة مزانقني في كرامة العربية وانا عامل رايح



لسة في خبر قنبلة الايام الجاية وبكدة اجمع الكرامات دي كلها في يوم واحد



شفت الفهلوة دي كيف بس ماتكلم زول دة بيني وبينك

أهاهاها لكن لقيتك--
اجمعها كلها مع العيد , منو تصادف اجازتنا ونحضر معاك --
قصة اقرب لي قصتك دي , الجماعة تايهين في الصحراء يومين من الجوع والعطش والتعب , وبعد مشي على الرجلين يطلعوا قوز وينزلوا قوز وصلوا مرحلة اليأس , اتجدعوا على الرمال على اخر نفس -- الا انهم قالوا سمعوا صوت رخيم شق السكون وحرك الحياه في ابدانهم صوت لا تقول لي بتهوفن ولا باخ ولا بطيخ -- صوت نهيق حمار - اجمل صوت يقولوا سمعوه في حياتهم -- دلاهم على قرية خلف الكثبان الرملية وساقهم الصوت اليها - وكان منقذهم بعد عون الله تعالى --

[وائل محمد الحسن]

نجاتك دى يا وائل فوتت علينا احتفال كبير : الشهيد وائل ... اول شهداء البيت السعيد .... خسارة ................
اقول ليك : ما مشكلة فى سفرية جاية ....................

الشهادة والعمل الصالح هههههههه

الخسارة في شنو

كان بقي علي الاحتفال الاحتفالات في السودان ماشوية


بالنسبة للشهادة دايما الجهاد قبل الشهادة خليها المجاهد وائل


اما بالنسبة للسفرية انت عارف انو انا جاهز لاي مكان وفي اي زمان

[وائل محمد الحسن]

أهاهاها لكن لقيتك--
اجمعها كلها مع العيد , منو تصادف اجازتنا ونحضر معاك --
قصة اقرب لي قصتك دي , الجماعة تايهين في الصحراء يومين من الجوع والعطش والتعب , وبعد مشي على الرجلين يطلعوا قوز وينزلوا قوز وصلوا مرحلة اليأس , اتجدعوا على الرمال على اخر نفس -- الا انهم قالوا سمعوا صوت رخيم شق السكون وحرك الحياه في ابدانهم صوت لا تقول لي بتهوفن ولا باخ ولا بطيخ -- صوت نهيق حمار - اجمل صوت يقولوا سمعوه في حياتهم -- دلاهم على قرية خلف الكثبان الرملية وساقهم الصوت اليها - وكان منقذهم بعد عون الله تعالى --

والله فكرة رايك شنو في عيد الاضحي ههههههههههه



أها والجماعة عملو شنو للحمار اقل حاجة شوال برسيم شهري هههههه

[مصعب محمود]

نجاتك دى يا وائل فوتت علينا احتفال كبير : الشهيد وائل ... اول شهداء البيت السعيد .... خسارة ................
اقول ليك : ما مشكلة فى سفرية جاية ....................




دي كبيرة !!!!!!!!!

[مصعب محمود]

وائل

أكمل القصة

ماتشحتفنا .............

[وائل محمد الحسن]

أكتر حاجة لفتت نظري وقبل ماأتم ليكم باقي القصة


أنو ياخوانا الشماليــــــة دي فـــــــــــــــــــــــــــــــــــــــــــــــــ ــاضية


مفيها زول الحلة فيها مية بيت


والمسكونة تلاتة بيوت بس


البيوت بقت خرابات



حرام عليكم ياخوانا


تخريمة : ياريس ليك كم سنة من جزيرة كومي