رحيق
29-Sep-2007, 09:00 AM
لبنى تسلم يدك
انا اليوم فطوركم عندي قراصة بالدمعة
طريقة القراصة بدون مقادير عشان اوريكم الكرم الما خمج ولا تقومو تخربو لي الدنيا احسن اقولها ليكم بي
مقاديرة
كيلو دقيق +4 كاسات مويه +ملعقة صغيرة بيكنج بودر +ملعقتين صغيرتين ملح
يخلط الدقيق مع البيكنج بودر والملح
يوضع الماء في إناء كبير بس ما طشط:p ثم نضع عليه الدقيق مع حركة مستمره باليد يعني يد نخت بيها الدقيق واليد التانيا تكون متحركة عشان تعمل العجينة .... تقومو تخلو العجينة تتماسك وتمشو تعملو الدمعة
الدمعة عايزيناها بالحمة ولا الدجاج:D
كدي الليلة اوكلوها بالحمة اكان ما عجبتكم بكرة نضبح الجدادة
نص كيلو لحم ضان + ثوم حسب الرغبة + 4 بصلات كوباااااااااار لو فلقنا بي وحده tndy
يغمن علية + نص كباية زيت طعام ما كركار ;)+ ملعقة طعام ونصف ملح+بهارات قرن شطة خضراء وحااارة + 6 طماطمايات كبار مخلوطة خلط خشن
يلا تعالو نطبخ الدمعة دي
ابو عبد الحفيظ عليك تقطيع البصل وفص الثوم ودقو ناعم بي شوية ملح
يا tndy انت اخلط لي الطماطم خلط مايكون ناعم
جاهزين
نقلب البصل في الزيت لمن يدبل حركة مستمرة عشان البصل ما يحمر
لحمتنا بتكون مقطعة قطع صغيرة نختها مع البصل ونقلب لمن اللحمة تكش
نخت كوبايتين موية والبهارات والملح نغتي الحلة ونوطي النار بعد نص ساعة نفتح حلتنا ونخت طماطمنا وثومنا ونقفل الحلة تاني مدة 20 دقيقة لمن تجي تفتح الحلة الدمعة بتكون مسبكة والريحة وااااااااااو والطعم انا جوعتا والله
كده الباقي منو يا ربي عشان نخلي يعوس لينا القراصة خفيييييييييييييفة نادو لينا واحد حلفاوي عليكم الله يعوسا لينا
وبي الهناء والعافية
:)
انا اليوم فطوركم عندي قراصة بالدمعة
طريقة القراصة بدون مقادير عشان اوريكم الكرم الما خمج ولا تقومو تخربو لي الدنيا احسن اقولها ليكم بي
مقاديرة
كيلو دقيق +4 كاسات مويه +ملعقة صغيرة بيكنج بودر +ملعقتين صغيرتين ملح
يخلط الدقيق مع البيكنج بودر والملح
يوضع الماء في إناء كبير بس ما طشط:p ثم نضع عليه الدقيق مع حركة مستمره باليد يعني يد نخت بيها الدقيق واليد التانيا تكون متحركة عشان تعمل العجينة .... تقومو تخلو العجينة تتماسك وتمشو تعملو الدمعة
الدمعة عايزيناها بالحمة ولا الدجاج:D
كدي الليلة اوكلوها بالحمة اكان ما عجبتكم بكرة نضبح الجدادة
نص كيلو لحم ضان + ثوم حسب الرغبة + 4 بصلات كوباااااااااار لو فلقنا بي وحده tndy
يغمن علية + نص كباية زيت طعام ما كركار ;)+ ملعقة طعام ونصف ملح+بهارات قرن شطة خضراء وحااارة + 6 طماطمايات كبار مخلوطة خلط خشن
يلا تعالو نطبخ الدمعة دي
ابو عبد الحفيظ عليك تقطيع البصل وفص الثوم ودقو ناعم بي شوية ملح
يا tndy انت اخلط لي الطماطم خلط مايكون ناعم
جاهزين
نقلب البصل في الزيت لمن يدبل حركة مستمرة عشان البصل ما يحمر
لحمتنا بتكون مقطعة قطع صغيرة نختها مع البصل ونقلب لمن اللحمة تكش
نخت كوبايتين موية والبهارات والملح نغتي الحلة ونوطي النار بعد نص ساعة نفتح حلتنا ونخت طماطمنا وثومنا ونقفل الحلة تاني مدة 20 دقيقة لمن تجي تفتح الحلة الدمعة بتكون مسبكة والريحة وااااااااااو والطعم انا جوعتا والله
كده الباقي منو يا ربي عشان نخلي يعوس لينا القراصة خفيييييييييييييفة نادو لينا واحد حلفاوي عليكم الله يعوسا لينا
وبي الهناء والعافية
:)