ماتمنيت البكاء يوما....ولكن هم الزمان ابكاني....تمنيت ان اعيش كما تريد نفسي....ولكن عاشت نفسي كما يريد زماني...
البكاء الاول
الساعة الثامنة صباحا....متوقفة عند احدى الاشارات الضوئية...يطرق الزجاج رجل طاعن في السن يرتدي جلباب نظيف...(بتي الله يديك والله جدك من امبارح ما اكل...)....اااه ياقلبي وين اولادك ...ااااه من الزمن..:no: ولا ااااه من الناس
البكاء الثاني
دعوة الزواج في ورق بماء الذهب...الحنة في امسيتي ....والعرس في كزام ...ورقيص العروس في صالة شنو ماعارفة.....والدخول بالكروت....وما لذ وطاب...وقدام الصالة اطفال صغار منتظرين اخر الحفلة يرجعوا بما يسد جوعهم ومتجاهلين الشتائم حولهم.....لاحولا ولاقوة الا بالله...
البكاء الثالث
راجلها عايز يعرس فوقها ...وصحبتها بتعرف شيخ خطير...دايرة راجلي مايعرس غيري....باعت جزو من دهبها ...واداها ورقة وادفنيها مع جنازة جديدة....وبعد شهر برضو راجلها طلقها...بس حق الاموات ديل كيف!!!!
البكاء الرابع
مرته كافحت معاهو وسكنت في غرفة معاهو في بيت اهله....وعاشت معاهو الحلوة والمرة....وماعاشت زي صحباتها واخواتها....بعد ماربنا فتحها عليهو...بقت مابتليق بيهو....وجاها تلفون الحقى يالغبيانة ...راجلك عرس صحبة بتك.....
البكاء الخامس
بته جات تبكي ...الاستاذة ضربتني وقالت ليا لو مادفعت الرسوم ما اجي المدرسة....مشى المدرسة قال ليهو دي رسوم ناس مجلس الاباء ....ومجلس الاباء فيهو رجال اعمال وقيادات...وحليل محمد احمد المسكين...
ويتواصل البكاء....
بس ياجماعة العيب فينا ....العيب مافي دنيتنا
]]>