الاخوان هيثم عبد اللطيف وبيانومان ... ماهذا ؟؟؟؟

كنت فى استقبال الاخ العزيز المشرف العام للمنتدى وعضو مجلس الادارة هيثم عبد اللطيف فى مكتب برنامج بيتنا بالتلفزيون عصر هذا اليوم - الثلاثاء - وفوجئت به يعرفنى بالاخ بيانو مان وحش منتدى تقنية المعلومات والانترنت .... والله فرحت جدا جدا .... لانى من زمان بتمنى اتعرف شديد على كباتن منتدى الانترنت والحاسوب فى كومى لانى بعتقد انهم شطار جدا وانهم ثروة قومية يجب اكتشافها واستثمارها .....

لقد احزننى جدا قدوم هيثم وبيانو مان الى مكتبنا ولم يكن معى احد من اعضاء المنتدى ولم نجد رعاية لبرنامج .... وخاصة انو كبار الرعاة لا يمكن الوصول اليهم حاليا

انشا الله على وعد قريب جدا بلقاء يجمع هيثم عبد اللطيف وبيانومان ومنير عبد القادر وسير جو وابو نون ووليد فضل وحامد عثمان وبقية المجموعة ......

مرحب بك اخى هيثم عبد اللطيف فى ارض الوطن .....

 

بسم الله الرحمن الرحيم اللهم صل على محمد وعلى آله وصحبه أجمعين
يا خبر !!!!!!!!!!!
هيثم ووائل
اسفى المكرمش على عدم مقابلتهما
ولكن بأذن الله نرتب للقاء جامع معهما
حمدا لله على سلامة الوصول اخى هيثم

 

الف مرحب.. الاخوان هيثم وبيانو مان

كان تتصل بينا

 

نتمنى لكم جميعاً التوفيق في هذه اللقاءات الاجتماعية والأخوية

تخرميه: شدوا حيلكم مع الراجل ده ليكمل نصف دينه وأن لا يرجع لينا بخفي حنين

 

طبعا بصراحة انا كنت متخيل نفسي ممن يطلق عليهم المناحيس لكن شكلو كدة ساجوري انفك اكتشفت الحاجة دي يوم الاحد وانا طالع من الخزنة مستف معنويات قابلني بيانو مان جنب الخزنة تخيلو معاي جنب الخزنة وبعد السلام عرفت انو هيثم برضو موجود في التلفزيون وقاعد في الاستقبال ولكن لضيق الزمن ولاني كنت خاشي علي الهواء ما قدرت اقعد معاهم اكتر من خمسة دقايق غايتو يا استاذ النور اوعاك تنسانا في العزومة عشان ضيق الوقت الجماعة ديل مالحقنا نضيفم عشان مايفهمونا غلط

 

غايتو نحنا ناس الولايات ديل لينا الله وقراية أخبار اللقاءات الحميمة والجميلة والأنيقة.
والله يا أحباب أنا لو مقيم في الخرطوم كنت عملت للأحباب الأعضاء الموجودين في الخرطوم (وجع وش) وخاصة ناس التلفزيون.
لكن هي مشيئة المولي عز وجل.
هنيئا لكم بهذا اللقاء أستاذ النور معني.
ودام الود

 

ياهيثم يااخوى ويا بيانو مان حليل زمن البرامج المسجلة

 

ابو المقداد باقي النثرية الامريكية بتكفي حق سمك عوضية مع العلم ان القطع نزلت...اكرم مثوى الاخوين فهما ضيوف اعزاء
ويا هيثم وبيانو ما ترضوا باقل من غندهار وعوضية والا ابو المقداد يكون ما قام بالواجب
ابو نون نتوقع بوست عليه توثيق للجلسات...
ما تشتغلو بكلام وائل دي حركات وجلكسات اولاد مدني
اعجبني تعليق الكردفاني...
الاعزاء هيثم وبيانو...
تمنيت لقاءكم ولكنها الظروف ...

 

المشاركة الأصلية كتبت بواسطة حامد عثمان حامد

اعجبني تعليق الكردفاني..

تسلم يا أستاذ حامد، وربنا يجمعنا معكم من جديد.
تحياتي

 

بصراحة كلي سعادة بهذا اللقاء السريع علي امل التنسيق عشان نتعرف علي باقي الاخوان ونقعد معاهم اطول فترة ممكنة